Ezra 3:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Etiyin Jeshua rẹ ọmọ ri Jozadak de vrẹn, kugbe irivẹ rọye re hẹ irherẹn, kugbe Zerubabẹl rẹ ọmọ rẹ Shealtiẹl vẹ imoni rọye, ayen da tọn agbada rẹ izobo rẹ Ọghẹnẹ rẹ Izrẹl, rere ayen vwo ze izobo rẹ ẹtorhẹ vwẹ enu rọye kirobo re siro phihọ urhi ri Mosis ohwo rẹ Ọghẹnẹ.

Ezra 3:2 ပူးပေါင်းရင်းမြစ်များ

Jẹnẹsis 12:7

Etiyin Ọrovwohwo da vwẹ oma phia kẹ Ebram, ọ da ta, Uvwiẹ wẹn Me cha vwẹ otọ nana kẹ. O da so agbada kẹ Ọrovwohwo rọ vwẹ oma phia kẹ, vwẹ Etiyin na.

1 Ikun rẹ Ivie 23:14

Ẹkẹvuọvo emọ ri Mosis rẹ ohwo rẹ Ọghẹnẹ na e de phi ayen phihọ uvwiẹ rẹ Livae.

1 Ikun rẹ Ivie 3:17

kugbe emọ rẹ emeshare ri Jekonaya re muru: Sheatiẹl ọmọ rọye rẹ ọshare,

1 Ikun rẹ Ivie 3:19

kugbe emọ rẹ emeshare ri Pedaya: Zerubbabel kugbe Shimẹl, kugbe emọ rẹ eshare ri Zerubbabẹl; Meshullam kugbe Hananaya, kugbe Shelomit oniọvo rayen rẹ ọmọtẹ.

2 Ikun rẹ Ivie 6:6

ẹkẹvuọvo me jẹ Jerusalẹm reyọ rere odẹ mẹ vwọ dia etiyin me da rha jẹ Devid reyọ nọ dia enu rẹ ihwo mẹ Izrẹl.

Ezra 10:18

Vwẹ usun rẹ emọ rẹ irherẹn na re rọvwọ eya erhorha vwẹ otọ na, a da mrẹ Maaseya, Eliezer, Jarib vi Gedalaya, vwẹ usun rẹ emọ ri Jeshua rẹ ọmọ ri Jozadak kugbe imoni rọye.

Ezra 10:20

Vwẹ usun rẹ emọ rẹ Immer; Hanani vẹ Zebadaya.

Ezra 10:21

Vwẹ usun rẹ emọ ri Harim, Maaseya, Elijah, Shemaya, Jehiẹl vẹ Uzzaya.

Ezra 10:22

Vwẹ usun rẹ emọ ri Pashhur: Elioenai, Massaya, Ishmaẹl, Netanẹl, Jozabad vẹ Elasah.

Ezra 2:2

Ayen da rhe vi Zerubabẹl, Joshua, Nehemaya, Seraiah, Reelaiah, Modecai, Bilshan, Mispar, Bigvai, Rehum kugbe Baana. Unu rẹ ihwo rẹ Izrẹl:

Ezra 3:8

Vwẹ ukpe rivẹ rẹ ayen vwọ rhe uwevwi rẹ Ọghẹnẹ vwi Jerusalẹm, vwẹ emeranvwe rivẹ, Zerubabẹl rẹ ọmọ ri Shealtiẹl kugbe Jeshua rẹ ọmọ ri Jozadak da tuẹ ebabọn na phihọ, kugbe imoni rayen ri chekọ, irherẹn na vẹ ihwo ri Livae kugbe ayen ejobi re rhe Jerusalẹm nẹ ighuvwu rhe. Ayen da vwẹ ihwo ri Livae vwo rnu, nẹ ẹgbukpe uje kpenu, rere ayen ni iruo rẹ uwevwi rẹ Ọrovwohwo na.

Ezra 5:2

Etiyin Zerubabẹl omọ ri Shealtiẹl kugbe Jeshua ọmọ ri Jozadak de vrẹn, ayen ke rhoma bọn uwevwi rẹ Ọghẹnẹ rọ hẹ obi Jerusalẹm, emraro rẹ Ọghẹnẹ, de mudia kẹrẹ ayen re cha ayen uko.

Nehemaya 12:1

Enana hẹ irherẹn kugbe ihwo ri Livae ri vi Zerubbabẹl ọmọ ri Shealtiel gba rhe, kugbe Jeshua, Seraya, Jerimaya, Ẹzra,

Nehemaya 12:8

Ihwo ri Livae na, Jeshua, Binui, Kadmiẹl, Sherebia, Juda, kugbe Matanaya, o vẹ imoni rọye ri gbẹ vwo iruo rẹ ine rẹ ẹkpẹvwẹ

Une rẹ Ejiro 78:68

ẹkẹvuọvo ọ da je orua ri Juda reyọ, Ugbenu ri Zayọn, rọ guọnọre.

Ẹyano 27:1

Wọ me so agbada rẹ ẹron ugrogro rọye kubit iyori ohẹhẹre rọye kubit iyori; agbada na igogo ẹne wọ suọ kubit erha kpenu.

Hegae 1:1

Vwẹ ukpe rivẹ ri Dariọs ovie na, vwẹ emeranvwe resan rọye vwẹ ẹdẹ rẹsosuọ rẹ emeranvwe na, ota rẹ Ọrovwohwo na da wan oma ri Hegae rẹ ọmraro na bru Zerubabẹl rhe ọmọ ri Shealtiẹl, osun ri Juda, kugbe Joshua rẹ ọmọ ri Jehozadak, rẹ orherẹn rode na,

Hegae 1:12

Etiyin Zerubabẹl rẹ ọmọ ri Sealtiẹl, kugbe Joshua rẹ ọmọ ri Jehozadak, rẹ orherẹn na, vẹ umuku rẹ ihwo ri chekọ na ejobi, de mu ọghọ kẹ urhuru rẹ Ọrovwohwo Ọghẹnẹ rayen, kugbe eta ri Hegae rẹ ọmraro na, kirobo rẹ Ọrovwohwo Ọghẹnẹ rayen jiro, oshọ rẹ Ọrovwohwo na de mu ihwo na.

Hegae 1:14

Ọrovwohwo da kpare erhi ri Zerubabẹl rẹ ọmọ ri Shealtiẹl, osun ri Juda, kugbe erhi ri Joshua rẹ ọmọ ri Jehozadak, rẹ ọrherẹn rode na, kugbe erhi rẹ umuku rẹ ihwo na ejobi ri chekọ ayen da rhe rhi ru iruo vwẹ uwevwi rẹ Ọrovwohwo rẹ ọtuọfọvwi na, Ọghẹnẹ rayen.

Hegae 2:21

Ta kẹ Zerubabẹl, osun ri Juda, tanẹ, Mi che rhi kpogho odjuvwu vẹ akpọ na,

Hegae 2:23

Vwẹ ẹdẹ yena, eriyin Ọrovwohwo rẹ otuofovwi na tare, ke me reyọ owẹ, E Zerubabẹl odibo mẹ, ọmọ ri Shealtiẹl eriyin Ọrovwohwo tare, ki nu ru we kerẹ ubiosa, kidie Me jẹ wẹ reyọ nure, eriyin Ọrovwohwo rẹ otuofovwi na tare.

Zekaraya 3:1

Etiyin ọ ke vwẹ Joshua orherẹn ro kpenu na nẹ vwẹ ro mudia vwẹ obaro rẹ amakashe rẹ Ọrovwohwo na, Idẹbono mudia vwẹ obọrhe rọye ro vwo guo.

Zekaraya 3:8

Gbe nyo asakiephana, E Joshua orherẹn ro kpenu na, wọwẹ vẹ igbeyan wẹn ri tidia obaro wẹn, kidie ayen ihwo ri vwẹ oka esiri; nighe, Me Oghọn rọ dia odibo mẹ na rhe.

Zekaraya 6:11

Wo mie ayen idọnọ ọfuanfọn vẹ oro, vwo ru erhu rẹ ovie ọvo, re wo vwo tughẹ uyovwi ri Joshua, ọmọ ri Jehozadak, orherẹn ro kpenu na,

Ukeri 28:2

Ji urhi kẹ ihwo rẹ Izrẹl, re wọ ta kẹ ayen, izobo mẹ, emuọre mẹ re vwo ze izobo rẹ ẹtorhẹ, ọnrhẹn ororo mẹ, wọ me jomaotọ ru we ze kẹ vwẹ vwẹ ọke rọye.

Iyẹnrẹ Esiri ri Luk 3:27

ọmọ ri Joanan, ọmọ rẹ Rhesa, rẹ ọmọ ri Zerubabẹl, rẹ ọmọ ri Shitiẹl, rẹ ọmọ ri Neri,

Iguẹdjọ 6:24

Etiyin Gidiọn da bọn agbada ọvo kẹ Ọrovwohwo na, o de muo odẹ kẹ nẹ, Ọrovwohwo Ufuoma. Asan na je herọ vwi Ọfra, rẹ ihwo rẹ Abiẹza rhi te ẹdẹ ri nonẹ.