Ezra 3:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vwe ọke rẹ emeranvwe righwrẹn vwọ gba re, rẹ emọ rẹ Izrẹl vwọ hẹ evun rẹ irere na, ihwo na da ghwẹ oma koko kerẹ ohwo ọvo vwọ rhe Jerusalẹm.

Ezra 3:1 ပူးပေါင်းရင်းမြစ်များ

Nehemaya 7:72

Obo rẹ ihwo ri chekọ kẹrẹ da dia darik rẹ oro uriori uje gbẹ ivẹ, ovwanvwọn rẹ idọnọ uriori ive kugbe iwun rẹ irherẹn ujorha gbẹ ighwrẹ.

Nehemaya 7:73

Ọtiọye kọye irherẹn na, ihwo ri Livae na, erhẹrẹchẹ na, isuine na, ẹvo vwẹ ihwo na, idibo rẹ uwevwi rẹ ẹga na, kugbe Izrẹl ejobi, da dia irho rayen. Ọke rẹ emeravwe ighwrẹ vwo te, yen emọ rẹ Izrẹl hẹ dohwo dorere rayen re.

Nehemaya 8:1

Ihwo na ejobi da rhe ghwẹ koko gbidi vwe asan unuada re se Anurhoro rẹ Ame, ayen da ta kẹ Ẹzra osiọbe na nẹ ọ reyọ ọbe rẹ urhi ri Mosis rẹ Ọrovwohwo vwọ kẹ Izrẹl na rhe.

Nehemaya 8:14

Ayen da mrẹ re siri vwẹ evun re urhi na nẹ Ọrovwohwo wan oma ri Mosis ji urhi nẹ ihwo re Izrẹl dia ọgarivi vwẹ ọke rẹ orẹ rẹ eme-ranvwe righwrẹ na,

Livitikọs 16:29

Ọnana kọ dia urhi re vwo sun ovwan bẹdẹ nẹ, vwẹ eghwrẹn, ẹdẹ ihwe rọye, ku wa vwẹ oja re oma rẹ ovwan, we rhe ru iruo-o, te ọmotọ te ọrhorha rọ ohri rẹ ovwan;

Livitikọs 23:24

Ta kẹ ihwo re Izrẹl, Vwẹ emeranvwe righwrẹ, vwẹ ẹdẹ rẹsosuọ rọye na, we mi vwo ẹdẹ rẹ omaerovwo ofuefu, ẹkarophihọ ra vwẹ egban ghwoghwo, ọghwẹgbe ọfuanfon na

Zẹfanaya 3:9

Uyota, vwẹ ọke yena ki mi che ku ephẹrẹ rẹ ihwo na rhẹriẹ vwo kpo omamọ rẹ ephẹrẹ, rere ayen ejobi vwo se se odẹ rẹ Ọrovwohwo re ayen ku evun gbe ọvo vwọ ga.

Iruo rẹ Iyinkọn na 2:46

Kẹdẹ kẹdẹ kọye ayen vwo koko vwẹ uwevwi rẹ ega kugbe ọre kugbe vwẹ iwevwi rayen, re ayen vwọ ria emu vẹ aghọghọ vẹ udu esiri.

Iruo rẹ Iyinkọn na 4:32

Ọke nana ayen otu ri segbuyota na de vwo udu ọvo kugbe iroro ọvo, ohwo ọvuọvo rọ tanẹ obo rẹ ọye vwori na kẹ ọ rọye ọvo herọ-ọ, ẹkẹviọvo ayen de vwo kemu kemu kugbe.

1 Kọrẹnt 1:10

Me rẹ ovwan, imoni mẹ, vwẹ odẹ rẹ Ọrovwavwanre Jesu Kristi, nẹ ovwan ku evun gbe nẹ ohẹriẹ rha dia vwẹ ohri rẹ ovwa-an, ẹkẹvuọvo rere ovwan ku evun gbe ọvo rere we bru orhiẹ ọvo.

Urhi Rivẹ 16:16

Asiarha ẹgbukpe eshare ejobi rẹ ovwan vwẹ oma phia kẹ Ọrovwohwo rẹ Ọghẹnẹ rẹ ovwan vwẹ asan rọ sanọre; vwẹ orẹ rẹ ikara ro jephuo, vwẹ orẹ rẹ ẹdidjala kugbe orẹ rẹ egarivi. Wa vwẹ abọ ofefe phia vwẹ obaro rẹ Ọrovwohwo-o;

Iguẹdjọ 20:1

Etiyin ihwo rẹ Izrẹl ejobi de vrẹn nẹ obi Dan rhe Bẹẹrshẹba, kugbe otọ ri Giliad, ogbotu na de rhi koko kerẹ ohwo ọvo ayen de bru Ọrovwohwo rhe vwi Mizpa.