Ezra 2:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Asakiephana enana keye ihwo rẹ ubrakpọ rẹ Juda ri nẹ ighuvwu rhe vwẹ usun rẹ ihwo re muru ri Nebukadneza ovie ri Babilọn mu kpo Babilọn, ayen da rhoma rhivwi kpo Jerusalẹm vi Juda, dohwo dorere rọye.

Ezra 2:1 ပူးပေါင်းရင်းမြစ်များ

Ivie rẹ Ivẹ 25:11

Ihwo ri chekọ vwẹ evun rẹ orere na, vẹ ihwo re djẹ va ovie ri Babilọn abọ jovwo, kugbe umuku rẹ ihwo ra yan jovwo vwẹ evun rẹ orere na, yẹ Nebuzaradan onotu rẹ ohẹrhẹ na mu kpo Ighuvwu.

1 Ikun rẹ Ivie 9:1

Ọtiọye e si Izrẹl ejobi phihọ ọbe rẹ uvwiẹ, e de si enana phihọ evun rẹ Ẹbe rẹ Ivie rẹ Izrẹl. E de mu Juda imu kpo Babilọn fiki rẹ umwemwu rayen.

1 Ikun rẹ Ivie 9:2

Asakiephana ihwo rẹ ẹsosuọ re ka rhe dia ughwẹ rayen vwẹ irere rayen da dia Izrẹl, irherẹn ri Livae na, kugbe idibo ri gbe odibo vwẹ uwevwi rẹ ẹga na.

Ezra 1:11

ekuakua rẹ oro ejobi kugbe e rẹ idọnọ ejobi da dia uriori iyori ujori ẹne kugbe ujorha gbẹ irhiri. Enana ejobi eye Sheshbaza reyọ rhe, vwẹ ọke ra vwọ reyọ ighuvwu na nẹ Babilọn kpo Jerusalẹm.

Ezra 2:2

Ayen da rhe vi Zerubabẹl, Joshua, Nehemaya, Seraiah, Reelaiah, Modecai, Bilshan, Mispar, Bigvai, Rehum kugbe Baana. Unu rẹ ihwo rẹ Izrẹl:

Ezra 2:70

Irherẹn na, ihwo ri Livae, kugbe evo vwẹ isun rẹ ihwo na da dia Jerusalẹm vẹ irere re riarie rẹ. Ibuine na, erhẹrẹchẹ na, idibo rẹ uwevwi rẹ ẹga na kugbe Izrẹl ejobi da ra dia irere rayen.

Ezra 5:8

Jẹn ovie riẹn nẹ avwanre kpo ubrakpọ ri Juda, re te uwevwi rẹ Ọghẹnẹ rode na. A ra vwẹ eragha ride bọn, e mu ighere phihọ igbẹhẹ rọye nure, iruo na rayan ghwraghwra-ghwra. O ji ghwe yovwẹ vwẹ abọ rayen.

Ezra 6:2

Vwẹ Ẹkbatana, vwẹ otorere rẹ ubrakpọ ri Media, a da mrẹ ekpirhi rẹ ọbe re si eta nana phihọ: Ọbe rẹ ekarophihọ.

Ezra 8:35

Vwẹ ọke yena otu ri nẹ ighuvwu rhe na, ri rhivwi nẹ imu rhe na, de ze izobo rẹ ẹtorhẹ kẹ Ọghẹnẹ rẹ Izrẹl, irhuẹn rẹ eshare ihwivẹ, eghwanran ujone gbẹ ihwe gbẹ esan, imigode ujorha gbẹ ihwe gbẹ ighwrẹn, kerẹ izobo rẹ umwemwu, ẹkpro ihwivẹ, enana ejobi kẹ izobo rẹ ẹtorhẹ vwọ kẹ Ọrovwohwo.

Nehemaya 12:1

Enana hẹ irherẹn kugbe ihwo ri Livae ri vi Zerubbabẹl ọmọ ri Shealtiel gba rhe, kugbe Jeshua, Seraya, Jerimaya, Ẹzra,

Ẹsta 1:1

Vwẹ ọke rẹ Ahasuerus ro sunru nẹ India re te Etiopia vwẹ enu rẹ ibrotọ ujosan gbẹ ighwrẹn soso,

Ẹsta 1:11

rere ayen reyọ Vashti aye rẹ ovie na vẹ erhu rẹ uvie rọye vwọ rhe obaro rẹ ovie, rere o vwo dje erhuvwu rọye kẹ ihwo vẹ isun; fikiridie o vwo erhuvwu gangan.

Ẹsta 1:3

vwẹ ukpe rerha rẹ usuon rọye o de chere emu kẹ isun vẹ idibo rọye, ilori rẹ ofovwi ri Pẹsha vi Media vẹ ikpihwo ride vẹ isun rẹ ibrotọ re hẹ otọ rọye na,

Ẹsta 1:8

A da da idi na nene urhi, a gba ohwo ọvuọvo da udi na-a, kidie ovie na ji urhi kẹ ilotu rẹ ighẹn rọye nẹ ayen ru kirobo rẹ ohwo ọvuọvo guọnọre.

Ẹsta 8:9

E de se isiẹbe rẹ ovie na koko vwẹ ọke yena, vwẹ emeranvwe rerha, ọye emeranvwe ri Sivan, vwẹ ẹdẹ uje gbẹ erha; e de si urhi na kirobo ri Modekai tare ejobi vwọ kpahe ihwo ri Ju na vwo rhe ehọnvwọre rẹ ovie, vẹ isun kugbe emo rẹ ivie rẹ ubrakpọ na nẹ India re te Ẹtiopia, ubrakpọ ujosan gbẹ ighwrẹn, ubrakpọ ọvuọvọ vẹ isiesi rọye kuohwo kuephẹrẹ rọye, e de ji vwo rhe ihwo ri Ju vwẹ ephẹrẹ rayen.

Aizaya 48:20

Yanran nẹ Babilọn, dje nẹ Kaldia, dje ọna phia vẹ aghọghọ, ghwoghwo, jọ yanran kpo oba re akpọ na; tanẹ, Ọrovwohwo na tan odibo rọye Jekọp nure!

Jerimaya 50:19

Me cha reyọ Izrẹl rhivwi kpo egbri roye. Ọ cha re vwẹ enu ri Kamẹl vẹ evun ri Bashan, obo rọ guọnọre kọ cha vọn evun vwẹ enu rẹ igbenu itete rẹ Ifrem vi Giliad.

Uvwerhe 1:3

Juda kpo imu fiki re oma ẹlaghọ vẹ owian ọgangan, ohri rẹ ẹgborho na kọye ọ dia, ẹkẹvuọvo ọ sa mrẹ ẹdia rẹ omaerovwo-o, otu re vwọ tua djẹrẹ mu vwẹ evun rẹ uvwerhe rọye.

Uvwerhe 1:5

Ivwighrẹ rọye keye rha ka enu kẹ o re yovwẹ kẹ ivwighrẹ rọye, fikiridie Ọrovwohwo nẹrhẹ ọ re oja fiki rẹ orukuruku obuebu rọye. E mu emọ rọye kpo ighuvwu vwe aro rẹ ivwighrẹ na.

Uvwerhe 4:22

Ehwẹ rẹ orukuruku rẹ ovwan, E ọmọtẹ ri Zayọn ọ gbare, o gbi che je ovwan vwo vwẹ imu ọfa-a ẹkẹvuọvo orukuruku wẹn E ọmọtẹ rẹ Idọm, ko hwe ko che rhie imwemwu wẹn phihọ.

Zẹfanaya 2:7

Obo erhuru na ko che hirhe phihọ ẹkẹn rẹ umuku rẹ ihwo ri chekọ vwẹ uwevwi ri Juda, kẹ etiyin ayen da cha ghẹrẹ ichuru, vwẹ uwevwi rẹ Ashkẹlọn kẹ etiyin ayen che shevwerhẹ vwẹ ovwọnvwọn. Kidie Ọrovwohwo Ọghẹnẹ rayen kọ davwerhọ rẹ ayen kọ vwẹ ughwẹ rayen rhivwi rhe ayen.

Iruo rẹ Iyinkọn na 23:34

Ro vwo se ọbe na, ọ da nọ ekpẹn rẹ ubrotọ ro nurhe. Ọke ra vwọ vuẹ nẹ Silisha.