Ezra 10:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Fiki rẹ ọtiọye na, e gbẹ jẹ avwanre vẹ Ọghẹnẹ rẹ avwanre re ọphọ rere avwanre siobọ nẹ eya nana vẹ emọ rayen kpo, kirobo rẹ ọrovwovwe epha vẹ ihwo re phariẹ kpahe Ọghẹnẹ rẹ avwanre na, e jẹn eruo kirobo rẹ urhi na epha.

Ezra 10:3 ပူးပေါင်းရင်းမြစ်များ

Ivie rẹ Ivẹ 11:17

Jehoyada vẹ Ọrovwohwo da re ọphọ kugbe ovie vẹ ihwo na, nẹ ayen dia ihwo rẹ Ọrovwohwo; ọtiọye ọ je epha kẹ ovie vẹ ihwo na rhe.

2 Ikun rẹ Ivie 29:10

Asakiephana me jẹ iroro phihọ evun rere me vẹ Ọrovwohwo vwọ re ọphọ, Ọghẹnẹ rẹ Izrẹl na, rere ophu ọtuatua rọye na vwo bi nẹ avwanre oma.

2 Ikun rẹ Ivie 30:12

Ọbọ rẹ Ọrovwohwo vi Juda da herọ ọ da vwẹ iroro ọvo vwọ kẹ ayen vwo ru obo rẹ ovie vẹ isun vwẹ ota rẹ Ọrovwohwo ru.

2 Ikun rẹ Ivie 34:21

Yanran, re duotọ rẹ emu nana vwẹ obọ rẹ Ọrovwohwo kẹ vwẹ ji kugbe ayen ihwo ri chekọ vwẹ Izrẹl vi Juda, kpahe eta rẹ ọbe nana ra mrẹre na; kidie ophu rẹ Ọrovwohwo na pha tuatua kpahe avwanre, fikiridie esẹ rẹ avwanre yọnre eta rẹ Ọrovwohwo na-a, ayen ruru kirobo re si phihọ ọbe nana-a.

2 Ikun rẹ Ivie 34:27

fiki rẹ obo rẹ udu wẹn vwo kurhẹriẹ wọ da vwẹ oma kpotọ kẹ Ọghẹnẹ wo vwo nyo eta ra ta kpahe etinẹ na vẹ ihwo re dia na, wọ da vwẹ oma kpotọ kẹ vwẹ, wọ da bẹrẹ emwa wẹn wọ da viẹ kẹ vwẹ mrẹ na, ki mi nyo we rhe, eriyin Ọrovwohwo tare.

Ezra 10:11

Asakiephana wa gba fan efanfan kẹ Ọrovwohwo Ọghẹnẹ rẹ ọse rẹ ovwan, rere ovwan ru ẹguọnọ rọye, wa hẹriẹ oma rẹ ovwan nẹ ihwo rẹ otọ na ji vwo nẹ oma rẹ eya erhorha na.

Ezra 10:44

Enana ejobi na rọvwọ eya erhorha vwẹ otọ na. A da siọn ayen vẹ emọ rayen kpọ.

Ezra 10:9

Etiyin eshare ri Juda ejobi kugbe Bẹnjamin da rhe ghwẹ koko vwẹ ẹdẹ erha re bruru na vwi Jerusalẹm, ọ da dia emeranvwe rẹ irhiri, vwẹ ẹdẹ uje rẹ emeranvwe na. Ihwo na ejobi de tidia vwẹ uphephẹn rọ hẹ obaro rẹ uwevwi rẹ Ọghẹnẹ, ayen ra phariẹ fiki rẹ ota nana ji kugbe okposio rode rọ rhọ na.

Ezra 9:4

Etiyin ihwo ejobi re phariẹ vwẹ oma rẹ eta rẹ Ọghẹnẹ rẹ Izrẹl na, fiki ri je segbuyota rẹ ihwo ri rhivwi nẹ imu rhe na, ayen da rhe gba yariẹ ovwẹ phihọ vwẹ ọke mi vwo tidia fọ gbiei na rhiri rhi te ọke rẹ izobo rẹ ovwọnvwon.

Nehemaya 10:1

Ayen otu re vwẹ obọ nyẹ ọbe na da dia Nehimaya re osun na, ọmọ rẹ Nehemaya, Zedikaya,

Nehemaya 8:14

Ayen da mrẹ re siri vwẹ evun re urhi na nẹ Ọrovwohwo wan oma ri Mosis ji urhi nẹ ihwo re Izrẹl dia ọgarivi vwẹ ọke rẹ orẹ rẹ eme-ranvwe righwrẹ na,

Nehemaya 9:38

Fiki rẹ ọnana ejobi na avwanre vwọ nabọ re ọphọ me de sio phihọ otọ, isun rẹ avwanre, ihwo ri Livae, kugbe irherẹn rẹ avwanre da vwẹ obọ nye.

Une rẹ Ejiro 119:120

Uvwo mẹ phariẹ fiki rẹ oshọ wẹn. oshọ re orhiebro wẹn mu vwe.

Une rẹ Ejiro 119:59

Ọke mi de roro idjerhe wẹn, ki mi hirhe awọ ku iseri wẹn;

Aizaya 66:2

Imu nana ejobi na abọ Mẹ re ma ayen, ọtiọye na imu nana ejobi kẹ emẹ, eriyin Ọrovwohwo tare. Ẹkẹvuọvo Ọnana hẹ ohwo ri mi che ni so, ohwo ro ruẹ dẹndẹn rẹ udu rọye fonro, rọ phariẹ gbe ota Mẹ

Aizaya 8:20

Uyono na kugbe iseri na keye ayen bru ra! omuẹro kidie ota nana rayen tare na o gbi vwo ọke erhie kẹ aye-en.

Izikiẹl 9:4

Ọrovwohwo da ta kẹ, Yan wan uherevie rẹ orere na, wan uherevie ri Jerusalẹm, re wọ ka oka phihọ arhare rẹ ihwo re fiọn unu kugbe ihwo ri dirhivwẹ vwi fiki rẹ ẹgua re gberi vwẹ evun rọye.

Urhi Rivẹ 29:12

rere wa ra re ọphọ rẹ Ọrovwohwo Ọghẹnẹ rẹ ovwan na, ọ rẹ Ọrovwohwo Ọghẹnẹ rẹ ovwan na nene ovwan re nonẹ na;

Joshua 9:6

Ayen de bru Joshua kpo obo erhọn na vwi Gilgal, ayen da ta kẹ vẹ ihwo rẹ Izrẹl. Avwanre nẹ orho oshesheri rhe, vwẹ ọtiọye na gbe nene avwanre re ọphọ.