Ezra 1:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Sairọs ovie na da je ghwẹ ekuakua rẹ uwevwi rẹ Ọrovwohwo na phihọ otafe, e rẹ Nebukadreza ghwẹ reyọ nẹ Jerusalẹm rhe, re mu phihọ uwevwi rẹ edjọ rọye.

Ezra 1:7 ပူးပေါင်းရင်းမြစ်များ

2 Ikun rẹ Ivie 36:7

Nẹbukadreza de ji mu abọvo rẹ ekuakua rẹ uwevwi rẹ Ọrovwohwo kpo Babilọn o da kua ayen phihọ ighẹn rọye vwi Babilọn.

Ezra 6:5

E ja rhoma reyọ oro vẹ idọnọ rẹ ekuakua rẹ uwevwi rẹ Ọghẹnẹ ri Nebukadreza muru nẹ uwevwi rọ hẹ obi Jerusalẹm vwo kpo Babilọn na, vwọ rhivwi ra reyọ ayen vwo kpo uwevwi rẹ Ọghẹnẹ vwẹ obi Jerusalẹm vwo kpo dohwo dasan rọye, wo phi ayen phihọ uwevwi rẹ Ọghẹnẹ na.

Ezra 5:14

Te oro kugbe ekuakua rẹ idọnọ rẹ uwevwi rẹ Ọghẹnẹ, ri Nebukadreza muru nẹ uwevwi na vwi Jerusalẹm vwo kpo uwevwi ri Babilọn, enana Sairọs ovie rhoma reyọ nẹ uwevwi ri Babilọn vwọ rhe, a da ghwẹ ayen vwọ kẹ ohwo ọvo re se Sheshbazar, ro vwo mu osun.

Ivie rẹ Ivẹ 24:13

Ọ da ghwa efe rẹ uwevwi rẹ Ọrovwohwo na, kugbe efe rẹ evun rẹ uwevwi rẹ ovie na, ọ da nyavwe iwawa rẹ iro ri Solomọn ovie rẹ Izrẹl ru phihọ uwevwi rẹ Ọrovwohwo na ibribro, kirobo rẹ Ọrovwohwo na tarọ jovwo.

2 Ikun rẹ Ivie 36:10

Vwẹ ọke evwru vwẹ ukpe yena Ovie Nẹbukadreza de ji ikọn re muo kpo Babilọn, vẹ ekuakua eghaghare re uwevwi rẹ Ọrovwohwo na, o da vwi Zedikaya mu ovie vwẹ enu ri Juda Jerusalẹm.

Daniẹl 5:23

ẹkẹvuọvo wo de mu oma kpenu Ọrovwohwo ro vwo odjuvwu na; ekuakua rẹ uwevwi rọye a ghwa ayen rhe obaro wẹn, te owẹ, te ehọnvwọre wẹn, eya vẹ ense wẹn da vwẹ ayen da udi; wo de ji jiri eghẹnẹ rẹ idọnọ efuanfon vẹ oro, ẹrovwo, utehru, urhe vẹ oragha rẹ mrorẹ-ẹ, i ji nyo ẹme-e e ji vwo eriariẹ-ẹn, ẹkẹvuọvo Ọghẹnẹ rẹ arhọ wẹn hẹ obọ rọye; rẹ idjerhe wẹn ejobi rheri, wọ je vwẹ ọghọ kẹ-ẹ.

Daniẹl 1:2

Eriyin Ọrovwohwo de phi Jehoiakim, ovie ri Juda phihọ obọ rọye, vẹ ekuakua evo rẹ uwevwi rẹ Ọghẹnẹ, ọ da ghwẹ ayen kpo otọ ri Shina, vwọ kpo uwevwi rẹ ẹdjọ rọye, ọ da ghwẹ ekuakua na phihọ uwevwi rẹ efe rẹ ẹdjọ rọye.

2 Ikun rẹ Ivie 36:18

Ekuakna rẹ uwevwi rẹ Ọghẹnẹ ejobi, te otete te ọrode, efe eghaghare rẹ uwevwi rẹ Ọrovwohwo na, kugbe efe rẹ uwevwi rẹ ovie kugbe isun na ejobi, enana ejobi eyẹ ọ kua kpo Babilọn.

Jerimaya 51:44

Mi che hwe Bẹl vwi Babilọn, mi de si obo rọ rọre na nẹ unu rọye rhe. Ẹgborho na rha ghwiẹ bro ra ọfa-a, igbẹhẹ ri Babilọn she nure.