Ezra 1:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vwẹ evun rẹ ukpe rẹ esosuọ ri Sairọs ovie ri Pẹsha, rere ota rẹ Ọrovwohwo wan unu ri Jerimaya ta vwọ mrẹ asan sẹ, Ọrovwohwo da kpare ẹnwẹ ri Sairọs ovie ri Pẹsha kpenu, ke etiyin O da nẹrhẹ nẹ oghwoghwo wan irere re yariẹ uvie rọye phihọ, O ji ghwe si ayen phihọ evun rẹ ọbe.

Ezra 1:1 ပူးပေါင်းရင်းမြစ်များ

Ezra 1:5

Etiyin igbuyovwi rẹ uwevwi rẹ esemọ ri Juda kugbe Bẹnjamin, de vrẹn kugbe irherẹn vẹ ihwo ri Livae, kugbe kohwo kohwo re Ọghẹnẹ kpare ẹnwẹ rọye kpenu nẹ ayen yanran ra rhoma bọn uwevwi rẹ Ọrovwohwo rọ hẹ obi Jerusalẹm,

Ezra 4:3

Ẹkẹvuọvo Zerubabẹl, Jeshua kugbe igbuyovwi rẹ uwevwi rẹ esemọ rẹ Izrẹl na da ta kẹ ayen nẹ, O dia ovwan vẹ avwanre vwo obọ kugbe vwẹ ebabọn rẹ uwevwi kẹ Ọghẹnẹ rẹ avwanre-e, ẹkẹvuọvo avwanre ọvo re bọn uwevwi kẹ Ọrovwohwo, Ọghẹnẹ rẹ Izrẹl na, kirobo ri Sairọs ovie ri Pẹsha ji urhi kẹ avwanre.

Ezra 6:14

Ekpako ri Ju na da bọn, o de yovwi kẹ ayen, vwẹ oma rẹ aruẹmrẹ ri Hegae rẹ ọmraro na kugbe Zakaraya ọmọ rẹ Iddo. Ayen da bọn uwevwi na vwẹ oma rẹ urhi rẹ Ọghẹnẹ rẹ Izrẹl ji kugbe urhi ri Sairọs vẹ Dariọs kugbe Artaxserxes ovie ri Pẹsha.

Ezra 6:22

Ayen da re orẹ rẹ ikara ro jephuo na ẹdẹ ighwrẹn soso vẹ aghọghọ, fikiridie Ọrovwohwo nẹrhẹ ayen ghogho. O de ku ẹnwẹ rẹ ovie rẹ Asiria rhẹriẹ kẹ ayen, rọ da nẹrhẹ ọ cha ayen uko vwo ru iruo rẹ uwevwi rẹ Ọghẹnẹ na, Ọghẹnẹ rẹ Izrẹl na.

Ezra 6:3

Vwẹ ukpe rẹ ẹsosuọ ri Sairọs rẹ ovie, Sairọs ovie de ji urhi: Vwọ kpahe uwevwi rẹ Ọghẹnẹ rọ hẹ obi Jerusalẹm na, e jẹn arhoma bọn, asan re de ze izobo na ra ghwẹ izobo rẹ atorhẹre cha na, enu era rọye e jọ dia kubit ujorha ohẹhẹre rọye kubit ujorha,

Ezra 7:27

Ebruphihọ kẹ Ọrovwohwo, Ọghẹnẹ rẹ esẹ rẹ avwanre, ro phi oghẹre rẹ emu ọtiọna phihọ udu rẹ ovie, nẹ ọ ra rhuẹrẹ uwevwi rẹ Ọghẹnẹ rọ hẹ obi Jerusalẹm.

Une rẹ Ejiro 106:46

O da nẹrhẹ ehrọre rẹ ayen re ihwo otu ri mu ayen ighuvwu ejobi.

Isẹ 21:1

Udu rẹ ovie epha kerẹ uto rẹ ame vwẹ obọ rẹ Ọrovwohwo na; o se kuo rhẹriẹ kirobo ri jere.

Aizaya 44:28

rọ ta kpahe Sairọs, Ọye osuigegede mẹ, ko che ru iroro mẹ ejobi gba; kọ ta kpahe Jerusalẹm, nẹ, Ka cha bọn wẹ, vwọ kpahe uwevwi na nẹ, Ka cha tọn uchivwo wẹn phihọ otọ.

Aizaya 45:1

Enẹ Ọrovwohwo tare kẹ ọmọ rọye rọ vwẹ evwri ghworo na Sairọs, re me yọnrọn obọrhe rọye na, re mi phi irere na kua kẹ na re Me ban ivie phihọ keẹ, re mi rhie ẹchẹ phihọ hẹrhẹ rere e je ẹchẹ yena ehuho,

Jerimaya 1:1

Eta ri Jerimaya, ọmọ ri Hilkaya, ọ rẹ irherẹn rẹ Anatot vwẹ otọ ri Bẹnjamin,

Jerimaya 29:10

Kidie enẹ Ọrovwohwo tare: Ọke rẹ ikpe ujorha gbẹ ihwe da gba vwẹ Babilọn nu, ki mi bru ovwan cha, ri ru ive me gba kẹ ovwan vwọ reyọ ovwan rhivwi rhe asan etinẹ na.

Izikiẹl 38:5

Pẹsha, Kush, kugbe Put vẹ ayen gba herọ, ayen ejobi vẹ erhu kugbe ekpọfia,

Daniẹl 1:21

Etiyin Daniẹl da herọ rhiri re te ukpe rẹsọsuọ rẹ ovie re se Sairọs.

Daniẹl 2:1

Vwẹ ukpe rivẹ rẹ eriọ ri Nebukadreza ovie, Ọ da vwerhẹ evwerhẹ, etiyin udu de bro, o de gbune rhọvwọ.

Daniẹl 6:25

Etiyin Ovie na, Dariọs de si ọbe rhe ihwo na ejobi, ẹgborho, vẹ ephẹrẹ re dia otọ rẹ akpọ na ejobi, E jẹn ufuoma bu phihọ kẹ ovwan.

Daniẹl 9:2

Vwẹ ukpe rẹsosuọ rọ vwọ hẹ ovie, Mẹvwẹ, ri Daniẹl, da rhe mrẹ vughe vwẹ ẹbe na uchukpe, kerẹ ikpe ujorha gbẹ ihwe re wanvrẹn a ke mrẹ oba rẹ ẹguọghọ ri Jerusalẹm, kirobo rẹ ota rẹ Ọrovwohwo ro bru Jerimaya re ọmraro na rhe epha.

Iyẹnrẹ Esiri ri Jọn 1:23

Ọ da ta, Mẹvwẹ hẹ urhuru rẹ ohwo ọvo ro kperẹ vwẹ evun rẹ aghwa, Ru idjerhe rẹ Ọrovwohwo phiọn phiọn kirobo rẹ ọmraro Aizaya tare.