Ẹyano 7:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Asakiephana yẹ Mosis hẹ ikpe ujọne, Erọn ke rha hẹ ikpe ujọn gbẹ erha vwẹ ọke rẹ ayen vwọ ta ota kẹ Fẹro

Ẹyano 7:7 ပူးပေါင်းရင်းမြစ်များ

Jẹnẹsis 41:46

Ikpe ọgban Josẹf teri ọke rọ vwọ ro iruo ri Fero ovie rẹ Ijipt. Josẹf da yan nẹ obaro ri Fero, o de ki otọ rẹ Ijipt na ejobi duvwu.

Une rẹ Ejiro 90:10

Ikpe rẹ akpọ rẹ avwanre ujorha gbe ihwe, eyẹ ọkeọvo ugbegangan o vwo te ujọne, dede na ẹdẹ rẹ akpọ rayen vọnre vẹ omaesuo vẹ ukpokpogho; nananana ayen wanvrẹn nure, avwanre ke rhan yanran

Ẹyano 2:23

Vwẹ evun rẹ ọke buebu yena, ovie rẹ Ijipt de rhi ghwu. Emọ rẹ Izrẹl ki brenu fiki rẹ ọviẹn rẹ ayen epha na, ayen da viẹ, oviẹ rayen de bru Ọghẹnẹ rhe.

Ẹyano 7:8

Ọrovwohwo da ta kẹ Mosis vẹ Erọn,

Ukeri 33:39

Erọn da dia ẹgbukpe ujosa gbe erha vwẹ ọke ro vwo ghwu vwẹ Ugbenu ri Họr.

Iruo rẹ Iyinkọn na 7:23

Ro vwo te ẹgbukpe ujuvẹ re, iroro de bro rhe nẹ ọ ra mrẹ imoni rọye emọ rẹ Izrẹl.

Iruo rẹ Iyinkọn na 7:30

Asakiephana rẹ ikpe ujuvẹ vwọ wan nu, amakashe da vwẹ oma phia kẹ vwẹ aghwa rẹ ugbenu ri Sinae, vwẹ evun rẹ erhanre rọ la vwẹ evun rẹ aghwa.

Urhi Rivẹ 29:5

Mi sun ovwan ẹgbukpe ujuvẹ vwẹ evun rẹ aghwa na; emwa rẹ ovwan bẹrẹ dje ovwan oma-a, ephiẹ rẹ ovwan je ghwọrọ dje ovwan awọ-ọ;

Urhi Rivẹ 31:2

Ọ da ta kẹ ayen, Nonẹ na mi te ohwo rẹ ẹgbukpe ujosan re; Me gbe sa yanrhe yankpo-o. Ọrovwohwo ta kẹ vwẹ nure nẹ, Wọ cha wan Jọdan vrẹ-ẹn.

Urhi Rivẹ 34:7

Ẹgbukpe ujosa Mosis kpako te ro ki ghwu ẹro rọye djeri-i, oma je rhọ-ọ.

Joshua 24:5

Mi de ji Mosis vẹ Erọn, me da vwẹ ọtiekọ rhe Ijipt vẹ emu buebu ri mi ruru vwẹ uherevie rọye, ukuko rọye mi de reyọ ovwan nẹ evun rọye.