Ẹyano 7:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ihwo rẹ Ijipt na ke cha riẹn nẹ Mẹvwẹ ọye Ọrovwohwo vwẹ ọke rẹ me da vwẹ ogagan mẹ vwọ phia kẹ ayen, ke me reyọ ihwo rẹ Izrẹl nẹ ohri rayen rhe.

Ẹyano 7:5 ပူးပေါင်းရင်းမြစ်များ

Une rẹ Ejiro 138:7

Owenẹ me yan vwẹ uherevie rẹ ukpokpogho, wọwẹ re sẹro rẹ arhọ mẹ; wọwẹ rẹ riẹn obọ wẹn hẹrhẹ ivuemiovwo rẹ ivwighrẹ, obọrhe wẹn de sivwi vwe.

Une rẹ Ejiro 9:16

Ọrovwohwo na ru oma rọye ne a riẹn ọye, ọye ri brorhiẹ; orumiwemwu mu ufi re iruo re obọ rayen.

Ẹyano 10:2

rere wo vwo gbe ikun nana kẹ ọmọshare wẹn vẹ emọ rẹ ọmọshare wẹn obo re me vwẹ ihwo rẹ Ijipt ha eha te, vẹ eka ri mi ru kẹ ayen; rere wọ vwọ riẹn nẹ Mẹvwẹ Ọrovwohwo na.

Ẹyano 10:7

Idibo ri Fero da ta kẹ, Mavọ ohwo nana dia ufi kẹ avwanre krite? Jẹn ihwo na vwo ri kpo, rere ayen ra ga Ọrovwohwo Ọghẹnẹ rayen; wọ je mrẹ vughe nẹ Ijipt ejobi ghwrure?

Ẹyano 14:18

Ihwo rẹ Ijipt na ke cha riẹn nẹ Mẹvwẹ Ọrovwohwo, ọke mi de vwo urinrin vwẹ enu ri Fero, akpẹrẹ rọye, vẹ ihwo re gua iyesi rọye.

Ẹyano 14:4

Ki mi ru udu ri Fero gan, kọ cha vwọ tua ayen ki mi che vwo urinrin vwẹ enu ri Fero vẹ urogho rọye; ihwo rẹ Ijipt na ke cha riẹn nẹ Mẹvwẹ Ọrovwohwo na. Ayen de ru ọtiọye.

Ẹyano 18:8

Mosis de gbe obo rẹ Ọrovwohwo ru Fero vẹ ihwo rẹ Ijipt fiki rẹ Izrẹl, emu egangan rẹ ayen mrẹre vwẹ idjerhe, vẹ obo rẹ Ọrovwohwo sivwi ayen wan.

Ẹyano 3:20

Ọtiọye ke me riẹn obọ me phia vwo ghwiẹ Ijipt vẹ emu rẹ igbunu ri mi che ruẹ vwọ; Ọyena da wan nu ko jẹ ovwan kpo.

Ẹyano 6:1

Ọrovwohwo da kpahe kẹ Mosis, “Asakiephana wọ cha mrẹ obo ri mi che ruẹ kẹ Fẹro; kidie obọ ọgagan o che vwo si obọ nẹ ayen kpo, uyota, obọ ọgagan ọ cha vwọ djẹ ayen nẹ otọ rọye na.

Ẹyano 6:6

Fiki rẹ ọtiọye na gba ta kẹ ihwo rẹ Izrẹl, “Mẹvwẹ Ọrovwohwo na, mi che si we nẹ otọ rẹ oja rẹ ihwo rẹ Ijipti, ki mi che si we nẹ ọviẹn rayen, ke me tan wẹ nu obọ rẹ ayen.

Ẹyano 7:17

Enẹ Ọrovwohwo tare, Vwẹ oma rẹ ọnana kọye wọ vwọ riẹn nẹ Mẹvwẹ Ọrovwohwo na: nighe, me cha vwẹ ọkpọ rọ obọ mẹ na ghwlẹ ame ri Nile na, ko che hirhe phihọ ọbara;

Ẹyano 8:10

Ọ da ta, Odẹ. Mosis da ta, Gbe jọ dia kirobo re wọ tare na, rere wọ vwọ riẹn nẹ ohwo ọvuọvo herọ kerẹ Ọrovwohwo Ọghẹnẹ rẹ avwanre-e.

Ẹyano 8:19

Ihwo rẹ egbẹnẹkẹ na da ta kẹ Fero, ọnana urhiabọ rẹ Ọghẹnẹ. Ẹkẹvuọvo udu ri Fero je gan, ọ gbe sa kerhọ raye-en; kirobo rẹ Ọrovwohwo tare.

Ẹyano 8:22

Ẹkẹvuọvo vwẹ ẹdẹ yena ki rni chẹ phi otọ ri Goshẹn phihọ akakọ, asan rẹ ihwo mẹ epha na, rere ekru iyẹn na Ọvuọvo vwo jẹ oboyi ete; rere wọ vwọ riẹn nẹ Mẹvwẹ Ọrovwohwo vwẹ uherevie rẹ akpọ na.

Izikiẹl 25:17

Ke me reihri vwẹ obọ rẹ ayen vẹ ivuemiovwo kugbe ophiaphia. Etiyin kẹ ayen riẹn nẹ mẹvwẹ Ọrovwohwo na, vwẹ ọke re me da reihri vwẹ obọ rẹ ayen.

Izikiẹl 28:22

re wọ ta, E nẹ Ọrovwohwo Ọghẹnẹ tare: Nighere, mi mu kpahe owẹ, E Sidọn, ki mi vwẹ urinrin mẹ phia vwẹ ohri wẹ. Ke ayen riẹn nẹ mẹvwẹ Ọrovwohwo vwẹ ọke ri mi de gu ẹdjọ vwẹ evun rọye, re me da vwẹ urimrin mẹ phia vwẹ evun rọye,

Izikiẹl 32:15

Ọke ri mi de ru otọ rẹ Ijipt kua fiotọ ra da ghwiẹ kemu kemu rẹ otọ na vwori mie, ọke re me da ghwiẹ ihwo ejobi re dia, Etiyin ayen ke riẹn nẹ mẹvwẹ Ọrovwohwo na.

Izikiẹl 36:23

Ki mi dje ase vẹ ẹfuọn rẹ odẹ mẹ, re gbe ẹgua vwẹ ohri rẹ ẹgborho na, ru wo ji gbe ẹgua vwẹ ohri rẹ ayen; ẹgborho na ke riẹn nẹ mẹvwẹ Ọrovwohwo, eriyin Ọrovwohwo Ọghẹnẹ tare, Vwẹ ọke re me vwọ wan oma wẹ dje ẹfuọn mẹ kẹ ẹro rayen mrẹ.

Izikiẹl 39:22

Uwevwi rẹ Izrẹl kọ cha riẹn nẹ mẹvwẹ Ọrovwohwo Ọghẹnẹ rayen, nẹ ẹdẹ yena yanran.

Izikiẹl 39:7

Odẹ ọfuanfon mẹ na ka cha riẹn vwẹ uherevie rẹ ihwo mẹ Izrẹl; me gbe cha rhọvwe nẹ a phọphọ odẹ ọfuanfon mẹ na ọfa-a; ẹgborho na ke cha riẹn nẹ mẹvwẹ Ọrovwohwọ na, Ọfuanfon Ọvuọvo rẹ Izrẹl na.