Ẹyano 7:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ẹkẹvuọvo ki mi ru udu rẹ Fẹro gan, owenẹ mi ru eka vẹ igbunu buebu vwẹ otọ rẹ Ijipiti.

Ẹyano 7:3 ပူးပေါင်းရင်းမြစ်များ

Nehemaya 9:10

wo de ghine ru emu rẹ oka ve igbunu kpahe Fero kugbe idibo rọye ejobi kugbe ihwo re otọ rọye ejobi, kidie wọ riẹnre ne ayen di mukpahe ese re avwanre ekueku, wọwẹ ọvo ri ghine re odẹ ke oma we, kirobo rọ epha nonẹ na.

Une rẹ Ejiro 135:9

Ono vwẹ ohri wẹn, E Ijipt, re vwẹ oka vẹ igbunu rhe vwọ so Fero vẹ idibo rọye ejobi,

Une rẹ Ejiro 78:12

Vwẹ irharo rẹ esẹ rayen o de ru igbunu na vwe otọ re Ijipt, vwe evun rẹ udju ri Zoan.

Ẹyano 11:10

Mosis vẹ Erọn de ru igbunu nana ejobi vwẹ obaro ri Fero, Ọrovwohwo de ru udu ri Fero gan, o rhe siobọ nẹ emọ rẹ Izrẹl kpo nẹ otọ na-a.

Ẹyano 11:9

Etiyin Ọrovwohwo da ta kẹ Mosis, Fero cha sa davwerhọ wẹ-ẹn; rere igbunu mẹ vwo bu phihọ vwẹ otọ rẹ Ijipt na.

Ẹyano 14:4

Ki mi ru udu ri Fero gan, kọ cha vwọ tua ayen ki mi che vwo urinrin vwẹ enu ri Fero vẹ urogho rọye; ihwo rẹ Ijipt na ke cha riẹn nẹ Mẹvwẹ Ọrovwohwo na. Ayen de ru ọtiọye.

Ẹyano 3:20

Ọtiọye ke me riẹn obọ me phia vwo ghwiẹ Ijipt vẹ emu rẹ igbunu ri mi che ruẹ vwọ; Ọyena da wan nu ko jẹ ovwan kpo.

Ẹyano 4:21

Ọrovwohwo da ta kẹ Mosis, ọke wo de te obo Ijipti, wo mi ru emu rẹ igbunu na ejobi kẹ Fẹro mrẹ, e re me vwẹ ogagan rọye kẹ wẹ nẹ wo ru na. Ẹkẹvuọvo mi che ru udu rọyen gan, ọtiọye o rhe che siobọ nẹ ihwo na kpoo.

Ẹyano 4:29

Etiyin Mosis vẹ Erọn de re se ekpako rẹ Izrẹl na ejobi koko.

Ẹyano 4:7

Etiyin Ọghẹnẹ da ta, “Gba rhoma phi obọ wẹn na phiyọ aviavwe wẹn.” Ọ da rhoma phi obọ rọyen phiyọ aviavwe rọyen; ọke ro wo yoro rhe, nighe, ọ da rhoma rhi hirhe phiyọ oma rọye ri jovwo.

Ẹyano 7:13

Jẹ udu ri Fero je gan, ọ gbe je kerhọ raye-en kirobo rẹ Ọrovwohwo tare na.

Ẹyano 9:16

Ẹkẹvuọvo fiki rẹ ọnana me vwọ yan ju we vwo vwẹ akpọ, rere e vwo dje ogangan mẹ kẹ wẹ, rere a vwẹ odẹ mẹ phia vwẹ akpọ na ejobi.

Isẹ 21:1

Udu rẹ ovie epha kerẹ uto rẹ ame vwẹ obọ rẹ Ọrovwohwo na; o se kuo rhẹriẹ kirobo ri jere.

Aizaya 51:9

Vrẹn vrẹn, ku ogangan wẹn phihọ, E igbabọ rẹ Ọrovwohwo; vrẹn, kerẹ ọke rẹ awanre, kerẹ orua ro kri otọ re. Ọ dia owẹ re nyavwe Rahab ibribro, wẹ ri duvwu dragọn fi wan?

Maika 7:15

Kẹrẹ ọke rẹ ovwan vwo nẹ otọ rẹ Ijipt rhe na ke Me vwẹ emu rẹ igbunu buebu nẹ ayen.

Iyẹnrẹ Esiri ri Jọn 4:48

Jesu da ta kẹ, Jokpa nẹ wọ mrẹ oka kugbe igbunu-u wo che segbuyota-a.

Iruo rẹ Iyinkọn na 2:22

Ihwo rẹ Izrẹl, Ovwan nyo eta nana: Jesu ri Nazarẹt, ohwo rẹ Ọghẹnẹ rhọvwe kẹ ro ji mu ovwan ẹro vwẹ iruo ride vẹ igbunu rẹ eka buebu ro ruru vwẹ ohri rẹ ovwan kirobo rẹ ekpuyovwi rẹ ovwan riẹnre.

Iruo rẹ Iyinkọn na 7:36

O de sun ayen yanran, vwẹ ọke ro vwo ru iruo rẹ igbunu kugbe eka buebu vwẹ Ijipt kugbe obo Abadi Ọvwavware na, kugbe evun rẹ aghwa vwẹ ikpe ujuvẹ soso.

Ọbe ri Pọl si rhe Ihwo ri Rom 15:19

Vwẹ ogangan rẹ eka kugbe igbunu, vwẹ ogangan rẹ Erhi Ọfuanfon na, ọtiọye na nẹ Jerusalẹm re duvwu Irikọm ọye me da nabọ ghwoghwo iyẹnrẹ esiri ri Kristi na.

Ọbe ri Pọl si rhe Ihwo ri Rom 9:18

Vwẹ ọtiọye na ohwo ro jere o nẹ arodọvwẹ kẹ, ọ ro jere o mi rhe ru udu rọye gan.

Urhi Rivẹ 4:34

Eyẹ o vwo ọghẹnẹ ọvo rọ sa ra reyọ ẹgborho nẹ ohri rẹ ẹgborho ọfa kẹ omobọ rọye re, ọ da vwẹ edavwini, vẹ eka vẹ imuigbunu, kugbe ofovwi, eye vwẹ obọgangan, vẹ ugbobọ ra riẹn phihọ kugbe oshọ rode na, kerẹ ọtiobo rẹ Ọrovwohwo rẹ Ọghẹnẹ rẹ ovwan ru kẹ ovwan mrẹ vwẹ evun rẹ Ijipt na?

Urhi Rivẹ 7:19

edavwini ride na rẹ ẹro wẹn mrẹre, vẹ eka na, vẹ imuighunu na, kugbe obọgangan, vẹ ugbobọ ra riẹnre, rẹ Ọrovwohwo Ọghẹnẹ wẹn na vwọ reyọ owẹ phia, eriyin Ọrovwohwo Ọghẹnẹ wẹn na che ru ihwo ru wo bru udu rayen na,