Ẹyano 4:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Etiyin Mosis da kpahe, “Ayen che se vwe gbuyotaa eyẹ ayen cha kerhọ rẹ urhuru mẹẹ, kidie ayen cha ta nẹ, ‘Ọrovwohwo vwẹ oma phia kẹ wẹẹ.”’

Ẹyano 4:1 ပူးပေါင်းရင်းမြစ်များ

1 Ivie 13:3

O de phi oka phihọ otọ vwẹ ẹdẹ yena, tanẹ, Ọnana kọye re dia oka nẹ Ọrovwohwo tarọ nure: Nighere, e che kporo agbada na te otọ, iwurhie re hẹ enu rọye ejobi ke kuo kufia.

Ẹyano 2:14

Ọ da kpahe, “Ono vwẹ owẹ ru osun vẹ oguẹdjọ vwẹ enu rẹ avwanre? Wọ je guọnọ ovwẹ ghwe kirobo rẹ wo hwe ohwo rẹ Ijipt na? Etiyin oshọ de mu Mosis, o de roro, uyota ariẹn emu nana re.

Ẹyano 3:15

Ọghẹnẹ da ta kẹ Mosis rhe, Ta ọnana kẹ ihwo rẹ Izrẹl, Ọrovwohwo na, Ọghẹnẹ rẹ esẹ rẹ ovwan, Ọghẹnẹ rẹ Ẹbraham, Ọghẹnẹ rẹ Aizik, Ọghẹnẹ rẹ Jekọp, ọyen ju vwe bru ovwan rhe: ọnana odẹ mẹ bẹdẹ, enẹ a vwọ karophiyọ ovwẹ vwẹ evun rẹ uvwiẹ na ejobi.

Ẹyano 3:16

Yanran ra ghwẹ ekpako rẹ Izrẹl na koko, re wọ ta kẹ ayen, Ọrovwohwo na, Ọghẹnẹ rẹ ọsẹ rẹ ovwan, Ọghẹnẹ rẹ Ebraham, ọ rẹ Aizik, vẹ ọ rẹ Jekọp, vwẹ oma phia kẹ vwẹ, tanẹ, me nabọ ni we mu vẹ obo rẹ e ruẹ uwe vwẹ Ijipt;

Ẹyano 3:18

Kẹ ayen kerhọ rẹ urhuru wẹn; ku wọ vẹ ekpako rẹ Izrẹl bru ovie rẹ Ijipt ra, ra ta kẹ nẹ, Ọrovwohwo na, Ọghẹnẹ rẹ Hibru na, bru avwanre rhe; asakiephana, avwanre rẹ wẹ, jẹn avwanre yan oyan rẹ ẹdẹ erha kpo obo aton na, rere avwanre re ze izobo kẹ Ọrovwohwo Ọghẹnẹ rẹ avwanre.

Ẹyano 4:10

Etiyin Mosis da ta kẹ Ọrovwohwo, “E Ọrovwovwe!, Me riẹn ota taa, rhiri rhi te ọke re wọ vwọ ta ota kẹ vwẹ odibo wẹn na: ota me pha bọrọbọrọ, erẹvwe mẹ sasaree.

Ẹyano 4:30

Erọn da ta eta rẹ Ọrovwohwo ta kẹ Mosis na ejobi, o de ji ru imu rẹ igbunu.

Ẹyano 4:31

Ihwo na de segbuyota; ọke rẹ ayen vwo nyo nẹ Ọrovwohwo bru ihwo rẹ Izrẹl rhe ọke rha je mrẹ oma ẹlaghọ rayen, ayen de gbe uyovwi kpotọ ayen da ga.

Ẹyano 6:12

Ẹkẹvuọvo Mosis da ta kẹ Ọrovwohwo na, “Nighe, ihwo rẹ Izrẹl dede kerhọ mẹẹ; ko mavọ Fẹro sa vwọ kerhọ mẹ, ohwo re jẹn awẹrẹnvwe rọyen ebro na?

Ẹyano 6:30

Ẹkẹvuọvo Mosis da ta kẹ Ọrovwohwo, “Mẹvwẹ ohwo re jẹ awẹrẹnvwe rọyen ebro, kẹ mavọ Fẹro vwọ sa kerhọ mẹ?

Jerimaya 1:6

Ọye me da ta, E, Ọrovwohwo Ọghẹnẹ! Nighe me riẹn obo ra ta ota-a, kidie omotete mi ruẹ.

Izikiẹl 3:14

Erhi na de mu vwe vrẹn ọ da reyọ ovwẹ yanran, mẹ da yanran vwẹ evun rẹ ophu vwẹ evun rẹ ogidi rẹ erhi mẹ, obọ rẹ Ọrovwohwo da gan kpahe ovwẹ;

Iruo rẹ Iyinkọn na 7:25

Ko roro nẹ imoni rọye na riẹnre nẹ Ọghẹnẹ cha wan obọ rọye sivwi ayen, ẹkẹvuọvo ayen riẹnre-e.

Iguẹdjọ 6:17

Ọ da ta kẹ nẹ, Ọ da dianẹ Me sa mrẹ aruesiri wẹn gba vwẹ oka rẹ ota nana ru wo nene uvwe ta na phia kẹ vwẹ.