Ẹyano 3:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Asakiephana, gbe nighe oviẹ rẹ ihwo rẹ Izrẹl bru vwe rhe, me je mrẹ oshenyẹ rẹ ihwo rẹ Ijipt shenyẹ ayen.

Ẹyano 3:9 ပူးပေါင်းရင်းမြစ်များ

Jẹnẹsis 16:11

Amakashe rẹ Ọrovwohwo na da ta kẹ, Nighere, wọ mrevun, ku wo vwiẹ ọmọshare, gbe se odẹ rọye Ishmael, fikiridie Ọrovwohwo nyo oja wẹn re.

Jẹnẹsis 31:12

Ọ da ta, Kpare opharo rere wo ni, ẹkpro na ejobi re ruọ uchuru na e bẹrẹ irhiẹ, i kere ipe, ẹvo bule bule, kidie Me mrẹ obo ri Laban ru we.

Ivie rẹ Ivẹ 13:4

Kọye Jehoahaz da nọ miẹ Ọrovwohwo, Ọrovwohwo na de nyo, fikiridie ọ mrẹ oshenyẹ rẹ Izrẹl, obo rẹ ovie ri Siria shenyẹ ayen te.

Ivie rẹ Ivẹ 20:5

Rhivwi yanran wọ ta kẹ Hẹzikaya, ovie rẹ ihwo mẹ, Enẹ Ọrovwohwo, Ọghẹnẹ ri Devid ọsẹ wẹn tare. Mi nyo orẹ wẹn, Mi nyo oviẹ wẹn, nighe, Mi che sivwi uwe; ẹdẹ rerha ku wo kpo uwevwi rẹ Ọrovwohwo.

Nehemaya 9:9

Wọ da ghine mrẹ oma elagha rẹ ese re avwanre vwẹ Ijipt wo de nyo oviẹ rayen vwẹ Abadi Ọvwavware na,

Une rẹ Ejiro 12:5

Fikiridie ivwiogbere na e miovwe ayen, ọ rẹ akpọ bẹnre de irhivwẹ, Mi vrẹn vwẹ Asakiephana, eriyin Ọrovwohwo tare; Mi phio phihọ evun re ufuoma rẹ urhuru rọye sio na.

Une rẹ Ejiro 9:14

rere me vwẹ obọ te otọ gbe ikun rẹ ejiro wẹn, rere vwẹ anurhoro rẹ ọmọtẹ ri Zayọn. Me sa vwọ ghọghọ vwẹ esivwo wẹn.

Ẹyano 1:11

Fiki rẹ ọtiọye na ayen da vwẹ ilori rẹ iruo vwo mu vwẹ enu rayen rere ayen vwẹ iruo ọgagan kẹ ayen; ayen da bọn ki Fero irere ra ghwẹ emu phiyọ, Pitọm vẹ Rẹmisis.

Ẹyano 1:22

Fero de ji urhi kẹ ihwo rọye ejobi, nẹ ọmọshare kọmọshare rẹ ihwo rẹ Hibru na vwiẹri ejobi we mu ayen phiyọ Nail, ẹkẹvuọvo wa yan jẹn ọmẹtẹ vwo vwẹ akpọ.

Ẹyano 1:8

Ovie ọkpokpọ ro ji Josef ẹriẹn de rhi mu vwẹ Ijipiti.

Ẹyano 2:23

Vwẹ evun rẹ ọke buebu yena, ovie rẹ Ijipt de rhi ghwu. Emọ rẹ Izrẹl ki brenu fiki rẹ ọviẹn rẹ ayen epha na, ayen da viẹ, oviẹ rayen de bru Ọghẹnẹ rhe.

Ẹyano 2:25

Ọghẹnẹ da mrẹ ẹdia rẹ emọ rẹ Izrẹl, Ọ da re ehrọre rẹ ayen.

Ẹyano 3:7

Etiyin Ọrovwohwo da ta, “Me mrẹ oma ẹlaghọ rẹ ihwo mẹ re hẹ obo Ijipt, mi nyo oviẹ rayen fiki rẹ ilori rẹ iruo re vwẹ ayen wian owian; me riẹn oja rayen.

Aghwoghwo 4:1

Me da rhoma rhe mrẹ vwẹ otọ rẹ ọnre na uruemu rẹ oshenyẹ buebu rọ herọ. Gbe nighe, ame oviẹ buebu rẹ ihwo re shenyẹ na, ayen rhe vwo ohwo ọvuọvo ro bru ayen uche-e! Abọ rẹ otu ri shenyẹ ayen na, oboyi ogangan epha, o rhe vwo ohwo ọvuọvo ro bru ayen uche-e.

Aghwoghwo 5:8

Ọ da dianẹ wọ mrẹ ubrakpọ re de shenyẹ ivwiogbere na ra da kpare ọvwata vẹ ọsoso kuẹfia, wo jo gbe we unu-u; kidie oruiruo ro kpenu ji vwo ọfa ro kpenu nọ rọ rhẹrẹ, efa re je rhonọ eyena je hẹ enu rẹ ayen.

Emọs 4:1

Nyo ota nana, ovwan irhuẹn ri Bashan, re he enu rẹ ugbenu ri shenyẹ ivwiegbere re guọghọ ihwo rẹ akpọ bẹn, re ta kẹ eshare rayen nẹ, Vwọ rhe re ma da!

Urhi Rivẹ 26:7

Avwanre da viẹ kperi se Ọrovwohwo Ọghẹnẹ rẹ esẹ rẹ avwanre na, Ọrovwohwo de nyo urhuru rẹ avwanre ọ da mrẹ ojẹriọ, vẹ owian, kugbe oshenyẹ rẹ avwanre.

1 Samuẹl 9:16

Odẹ rọ cha vwẹ oghẹre rẹ ọke etiọna mi che ji ohwo ọvo nẹ otọ ri Bẹnjamin bru we rhe, ku wọ vwẹ evwri te rọ dia oviẹ vwe enu rẹ ihwo mẹ Izrẹl. Ko sivwi ihwo mẹ nẹ obọ rẹ ihwo ri Filistia, kidie Me mrẹ oma ẹlaghọ rẹ ihwo mẹ, fikiridie oviẹ rayen rhi te vwẹ oma re.