Ẹyano 3:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Asakiephana Mosis kọ sẹro rẹ uchuru rẹ Jẹtro ọgọ rọyen, orherẹn rẹ Midian; o de sun uchuru na kpo eghara rẹ aton na, o de rhi te Horẹb, ugbenu rẹ Ọghẹnẹ,

Ẹyano 3:1 ပူးပေါင်းရင်းမြစ်များ

1 Ivie 19:19

Ọtiọye o de vrẹn nẹ etiyin, ọ da mrẹ Ilaesha rẹ ọmọ ri Shafat, rọ vwẹ ekru rẹ irhuẹn ihwivẹ voro ivoro, ọ vẹ ekru rẹ ọ rihwivẹ na ri gbe mudia kẹrẹ oma. Ilaija da wanvrẹn o de phi okpan rọye na yan.

1 Ivie 19:8

ọ de vrẹn, ọ da re ọ da da, ogangan rẹ ọyena kọye ọ vwọ yan uvo ujuvẹ kugbe ason ujuvẹ vwo kpo ugbenu rẹ ọfuanfon re se Horẹb.

Une rẹ Ejiro 106:19

Ayen de duvwu ọmọ rẹ erhuẹn vwi Horẹb ayen da ga oma ra wranre

Ẹyano 17:6

Nighe, Mi che mudia vwẹ obaro wẹn vwẹ asan oragha vwẹ obi Horẹb; ku wọ teye oragha na, ame ko che nẹ evun rọye rhe, rere ihwo na da. Mosis de ru ọtiọye, vwẹ irharo rẹ ekpako rẹ Izrẹl na.

Ẹyano 18:12

Etiyin Jẹtro ọgọ ri Mosis na o de ze izobo rẹ ẹtorhẹ kugbe izobo diodi kẹ Ọghẹnẹ; Erọn vẹ ekpako rẹ Izrẹl ejobi de rhi nene Mosis vẹ ọgọ rọye re emu vwẹ obaro rẹ Ọghẹnẹ.

Ẹyano 19:11

wa choma vwẹ ẹdẹ rerha; kidie ẹdẹ rerha ye Ọrovwohwo ko che worọ rhe enu rẹ Ugbenu ri Sinae vwẹ irharo rẹ ihwo na ejobi.

Ẹyano 19:2

Ọke rẹ ayen vwo vrẹn ni Rẹfidim ayen de rhi te aton ri Sinae, ayen de mu erhọn phihọ aton na, vwẹ etiyin Izrẹl de mu erhọn phihọ obaro rẹ ugbenu na.

Ẹyano 19:3

Mosis de yeri bru Ọghẹnẹ, Ọrovwohwo de se nẹ enu rẹ ugbenu na rhe tanẹ, Enẹ wọ cha ta kẹ uwevwi ri Jekọp, wọ je ta kẹ ihwo rẹ Izrẹl:

Ẹyano 2:16

Asakiephana orherẹn rẹ Midian vwo emetẹ ighwrẹn; ayen de rhi vo ame, ayen de vo ame vọn echẹ na ra vwọ kẹ eranvwe rẹ ọsẹ rayen.

Ẹyano 2:18

Ọke rẹ ayen rhi vwo bru ọsẹ rayen Roẹl rhire, ọ da ta, “Mavọ wa vwọ fobọ rhe nonẹ na?’’

Ẹyano 2:21

O de je Mosis nẹ ọ vẹ ohwo na dia; ọ da rọye Zipora rẹ ọmọtẹ rọye vwọ kẹ Mosis vwọ rọvwọn.

Ẹyano 24:13

Ọtiọye na Mosis de vrẹn vẹ odibo rọye Joshua, Mosis da yanran kpenu rẹ ugbenu rẹ Ọghẹnẹ.

Ẹyano 3:12

Ọ da kpahe kẹ nẹ, “Mi che mi nene uwe ra; ọnana kọ dia oka kẹ wẹ, nẹ Mẹvwẹ ri ji we; ọke wọ da rọye ihwo na nẹ otọ rẹ Ijipt rhe nu, ku wọ cha gọ Ọghẹnẹ vwẹ ugbenu nana.

Ẹyano 3:5

Etiyin ọ da ta, “Wo biẹ kẹrẹ obonẹẹ; ku isabato wẹn nẹ awọ wẹn, kidie asan ru wo mudia na otọ ọfuanfon.”

Ẹyano 33:6

Ọtiọye na ihwo rẹ Izrẹl da ghwiẹ ekuakua rẹ osẹvwe rayen nu, nẹ ugbenu rẹ Horẹb yanran.

Ẹyano 4:18

Mosis de rhivwi bru Jẹtro ọgọ rọye, ọ da ta kẹ, “Ju vwe rhivwi kpo, me rẹ wẹ, bru imoni mẹ vwẹ Ijipti, sẹ ayen je hẹ akpọ.” Etiyin Jẹtro da ta kẹ Mosis, “Gba yanran vwẹ ufuoma.”

Ẹyano 4:27

Ọrovwohwo da ta kẹ Erọn, “Kpo obo aton ra vwa Mosis.” Ọtiọye, ọ da yanran, ọ da ra vwa vwẹ ugbenu rẹ Ọghẹnẹ ọ da fiọnfiọn unu.

Emọs 1:1

Eta rẹ Emọs, rọ hẹ ohri rẹ isuigodẹ ri Tẹkoa, rọ mrẹre kpahe Izrẹl vwẹ ọke rẹ Uzaya ovie ri Juda vẹ ọke ri Jerobọam ọmọ ri Joash, ovie rẹ Izrẹl, ikpe ivẹ tavwe rẹ otọ ki kpogho.

Malakae 4:4

Karophihọ urhi ri Mosis odibo mẹ na, irhi kugbe iji ri mi ji kẹ vwẹ ugbenu ri Horẹb vwọ kẹ ihwo rẹ Izrẹl ejobi.

Ukeri 10:29

Etiyin Mosis da ta kẹ Hobah ọmọ ri Reuẹl rẹ ohwo ri Midian, ọsẹ rẹ aye ri Mosis, Avwanre yanran kpo asan rẹ Ọrovwohwo tare nẹ, Me vwọ kẹ ovwan; we gbe nene avwanre, avwanre ki ru ovwan yovwi, fikiridie Ọrovwohwo veri tanẹ ọye ru obo ri yovwiri vwọ kẹ Izrẹl.

Ukeri 10:33

Etiyin ayen de mu oyan phihọ nẹ ugbenu rẹ Ọrovwohwo na, oyan rẹ ẹdẹ erha; ekpeti rẹ ọphọ rẹ Ọrovwohwo na, da ka obaro kẹ ayen vwẹ oyan rẹ ẹdẹ erha tavwe, ra guọnọ asan re de rovwoma ke ayen.

Iyẹnrẹ Esiri ri Luk 2:8

Ihwo ẹvo herọ vwẹ ubrakpọ yena ri sun igodẹ vwẹ evun rẹ aghwa vwẹ ason yena.

Iruo rẹ Iyinkọn na 7:30

Asakiephana rẹ ikpe ujuvẹ vwọ wan nu, amakashe da vwẹ oma phia kẹ vwẹ aghwa rẹ ugbenu ri Sinae, vwẹ evun rẹ erhanre rọ la vwẹ evun rẹ aghwa.

Urhi Rivẹ 1:2

Nẹ Hotẹb re te Kedesh-banea da dia oyan rẹ ẹdẹ uhwọvo siẹ ra da wan Ọ rẹ ugbenu ri Sia.

Urhi Rivẹ 1:6

Ọrovwohwo Ọghẹnẹ rẹ avwanre ta kẹ avwanre vwi Horẹb, nẹ, Wa dia ugbenu nana rere;

Urhi Rivẹ 4:10

ẹdẹ wo vwo mudia vwẹ obaro rẹ Ọrovwohwo Ọghẹnẹ wẹn vwẹ obi Horẹb na, ọke rẹ Ọrovwohwo vwọ ta kẹ vwẹ nẹ, Koko ihwo na kẹ vwẹ, re mi ru ayen re ayen nyo eta mẹ na ejobi, re ayen mrasa vwo yono oshẹdjẹ vwẹ ẹdẹ rẹ ayen dia akpọ na krire, rere ayen vwọ mrasa yono emọ rayen.

Iguẹdjọ 4:11

Ọke nana Heber ohwo ri Ken da hẹriẹ oma nẹ ihwo ri Ken ri chekọ; rẹ uvwiẹ ri Hobab rẹ ọgọ ri Mosis, ọ da bọn utughẹ rọye phihọ asan ro tephe rọ kẹrẹ ọhahe rọ hẹ evun ri Zaanannim, rọ kerẹ Kedẹsh.

1 Samuẹl 16:11

Samuẹl da ta kẹ Jesse, Emọ wẹn ejobi jẹ etinẹ? Ọ da ta, ọ rẹ otete ejobi kọye chekọ, ẹkẹvuọvo nighe, ọye re serọ rẹ igodẹ na. Samuẹl da ta kẹ Jesse, ji ohwo re se rhe; kidie avwanre che tidia etinẹ bẹsiẹ rọ vwọ rhe-e.