Ẹyano 2:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọke ro gbi se sionu ọfaa o de rhuo obere rẹ ẹgo ọ da vwẹ orhọrhe vwo gbe, o de mu ọmọ na phiyọ o de muo phiyọ ohri rẹ ẹgo rẹ hẹ oma rẹ urhie na.

Ẹyano 2:3 ပူးပေါင်းရင်းမြစ်များ

Jẹnẹsis 11:3

Ayen da ta kẹ ohwohwo, Yanrhe, e jẹn avwanre ma ikori ekpẹn, re anabọ torhẹ ayen. Ayen da vwẹ ikori ekpẹn na vwo ru elalọ, orhọnrhe kọye e vwọ gbe.

Jẹnẹsis 14:10

Ushekpotọ ri Sidim na vọnre vẹ egọdọ ri mu avwrogbo, ọke rẹ ivie ri Sodọm vi Gomora vwọ djẹ re, ẹvo de she phihọ egọdọ na, iri chekọ da djẹ kpo obo ugbenu.

Jẹnẹsis 6:14

Gba vwẹ urhe ri gofa kare okọ, kare ivun phihọ okọ na, wọ nabọ pharọ te obevun te otafe vẹ orhọrhe.

Ẹyano 1:22

Fero de ji urhi kẹ ihwo rọye ejobi, nẹ ọmọshare kọmọshare rẹ ihwo rẹ Hibru na vwiẹri ejobi we mu ayen phiyọ Nail, ẹkẹvuọvo wa yan jẹn ọmẹtẹ vwo vwẹ akpọ.

Aizaya 18:2

ri jẹ ekpreta rayen wan urhie ri Nile, vwẹ evun rẹ okọ ri paparọs vwẹ enu rẹ ame! Yanran ovwan iyinkọn rẹ okpakpa na, bru orere, grogro bọbọ bọbọ, bru ihwo ra djẹ oshọ rayen vwẹ asan ọkẹkẹre vẹ ogboko, orho ro vwo ẹgba ro phiẹ kparobọ rẹ irhie ghare otọ rọye.

Aizaya 19:6

igbo rẹ urhie na ki miovwi, eghọn rẹ Nile re Ijipt na ke ya kpo muotọ, ẹgo vẹ igbodigbo ejobi ki gbo kufia.

Aizaya 35:7

ehavwo re rhorha ki hirhe phihọ oku, igbughu rẹ ame ke van nẹ otọ ọyaya rhe, asan rẹ erha da kọn ko che hirhe phihọ ighroghro, eghri ki hirhe phihọ ẹgo vẹ eghọrọgbọdọ

Matiu 2:13

Rẹ ayen vwo kpo nu nighe amakashe da vwẹ oma phia kẹ Josẹf vwẹ evwerhẹ ọ da ta, Vrẹn wo mu ọmọ na re wọ djẹ kpo Ijipt, kugbe oni rọye, wọ dia oboyi bẹsiẹ me vwọ vuẹ ovuẹ rhe wẹ, kidie Herọd guọnọ ọmọ na hwe.

Matiu 2:16

Ri Herọd vwọ riẹn nẹ ihwo na phiẹ ọye phihọ, ivun de miovwo gangan, o de ji ikọn nẹ e rẹ hwe emọboba rẹ eshare re hẹ Bẹtlẹhẹm ejobi, kugbe eko rọye ejobi, emọ rẹ ikpe ive rhe otọ, nẹ okẹ re vwo vwiẹ ọmọ na rhe na.

Iruo rẹ Iyinkọn na 7:19

Ọ da vwẹ ọnko nene ihwo rẹ uvwiẹ rẹ avwanre yeri ọ da gba esẹ rẹ avwanre mie emọboba rayen ra teye hwe.