Ẹyano 19:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Mosis de yeri bru Ọghẹnẹ, Ọrovwohwo de se nẹ enu rẹ ugbenu na rhe tanẹ, Enẹ wọ cha ta kẹ uwevwi ri Jekọp, wọ je ta kẹ ihwo rẹ Izrẹl:

Ẹyano 19:3 ပူးပေါင်းရင်းမြစ်များ

Ẹyano 19:20

Ọrovwohwo de wotọ rhe enu rẹ Ugbenu ri Sinae, O de se Mosis kpenu rẹ ugbenu na, Mosis de yeri kpenu bro ra.

Ẹyano 20:21

Ihwo na de mudia tephe, ri Mosis vwo siẹkẹrẹ asan ro mu egho na rẹ Ọghẹnẹ epha na.

Ẹyano 24:12

Ọrovwohwo da ta kẹ Mosis, Bru vwe rhe obenu rẹ ugbenu na, wọ hẹrhẹ vwẹ etiyin; ke me kẹ wẹ ephapha rẹ oragha, vẹ urhi na vẹ iji na, ri mi siri fiki rẹ eyono rayen.

Ẹyano 24:13

Ọtiọye na Mosis de vrẹn vẹ odibo rọye Joshua, Mosis da yanran kpenu rẹ ugbenu rẹ Ọghẹnẹ.

Ẹyano 3:12

Ọ da kpahe kẹ nẹ, “Mi che mi nene uwe ra; ọnana kọ dia oka kẹ wẹ, nẹ Mẹvwẹ ri ji we; ọke wọ da rọye ihwo na nẹ otọ rẹ Ijipt rhe nu, ku wọ cha gọ Ọghẹnẹ vwẹ ugbenu nana.

Ẹyano 3:4

Ọke rẹ Ọrovwohwo vwọ mrẹ nẹ o bi oma hẹ akakọ re o vwo nughe, Ọghẹnẹ de se nẹ evun rẹ aghwa na rhe, ọ da ta, “Mosis, Mosis,” ọ da ta, “Mẹvwẹ na.”

Ẹyano 34:2

Cha oma vwẹ irhiọke, re wọ rhe obenu rẹ Ugbenu ri Sinae vwẹ irhiọke, wọ vwẹ oma wẹn phia kẹ vwẹ vwẹ enu rẹ ugbenu na.

Ẹyano 34:4

Ọtiọye na Mosis da bẹrẹ ephapha rẹ oragha ivẹ kerẹ e rẹ ẹsosuọ na, o de vrẹn vwẹ irhiọke o de kpo enu rẹ Ugbenu ri Sinae, kirobo rẹ Ọrovwohwo ta kẹ, o da reyọ ephapha rẹ oragha na vwẹ obọ rọye.

Livitikọs 1:1

Ọrovwohwo de se Mosis, Ọ da ta kẹ nẹ evun rẹ utughẹ ra da vwa oma na rhe nẹ,

Iruo rẹ Iyinkọn na 7:38

Ọnana hẹ ohwo rọ hẹ evun rẹ ukoko na vwẹ evun rẹ aghwa na vẹ amakashe rọ ta ota kẹ vwẹ ugbenu ri Sinae, o vẹ esẹ rẹ avwanre; a da vwẹ ovuẹ ọkpokpọ kẹ nẹ ọ vwọ kẹ avwanre.