Ẹyano 17:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ukoko rẹ ihwo rẹ Izrẹl na ejobi da yan nẹ aton ri Sin ekuẹko, kirobo rẹ Ọrovwohwo tare, ayen de mu erhọn phihọ Rẹfidim ẹkẹvuọvo ame gbe rha herọ rẹ ihwo na da-a.

Ẹyano 17:1 ပူးပေါင်းရင်းမြစ်များ

Ẹyano 15:22

Etiyin Mosis de sun Izrẹl nẹ Abadi ọvwavware na kpo obaro, ayen de rhi te aton ri Shọ; ayen da yan ẹdẹ erha vwẹ evun rẹ aton na yẹ ayen mrẹ ame-e.

Ẹyano 16:1

Ayen de mu oyan vwẹ Elim, ukoko rẹ ihwo rẹ Izrẹl ejobi de rhi te aton ri Sin, rọ uvwre rẹ Elim vi Sinae vwẹ ẹdẹ ihwiori rẹ emeranvwe rivẹ rẹ ayen vwo nẹ otọ ri Ijipt na.

Ẹyano 17:8

Etiyin Amalẹk de rhi nene Izrẹl họnre vwi Rẹfidim.

Ẹyano 19:2

Ọke rẹ ayen vwo vrẹn ni Rẹfidim ayen de rhi te aton ri Sinae, ayen de mu erhọn phihọ aton na, vwẹ etiyin Izrẹl de mu erhọn phihọ obaro rẹ ugbenu na.

Ukeri 20:2

Asakiephana ame gbi rhe ukoko na-a, ayen da rhe ghwẹ oma koko vwọ so Mosis vẹ Erọn.

Ukeri 9:17

Ọke rẹ egho na de nẹ enu rẹ utughẹ na re, ihwo rẹ Izrẹl ki mu oyan, asan rẹ egho na de mudia etiyin kọye ihwo rẹ Izrẹl na mu erhọn phihọ.

Ukeri 9:23

Vwẹ urhi rẹ Ọrovwohwo na ayen ki mu erhọn, vwẹ urhi rẹ Ọrovwohwo na ayen ki mu oyan; ayen da sẹro rẹ urhi rẹ Ọrovwohwo vwẹ oma rẹ urhi rẹ Ọrovwohwo vwọ kẹ Mosis.