Ẹyano 15:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọrovwohwo ohwo rẹ ofovwi; Ọrovwhohwo na ọye odẹ roye.

Ẹyano 15:3 ပူးပေါင်းရင်းမြစ်များ

Une rẹ Ejiro 24:8

Kono Ovie rẹ urinrin na? Ọrovwohwo na, ọgba ro vwo ogangan, Ọrovwohwo na, ro vwo ogangan rẹ ofovwi!

Une rẹ Ejiro 45:3

Churu ọlọkọ wẹn mu ẹkpoghowọ, E ọgba na, vwẹ urinrin wẹn vẹ ọrho wẹn!

Une rẹ Ejiro 83:18

Jẹn ayen riẹn nẹ wọwẹ ọvo kpoi, rẹ odẹ rọye Ọrovwohwo na, ri Me Kpenu vwẹ enu rẹ kpọ na ejobi.

Ẹyano 14:14

Ọrovwohwo na cha họnre kẹ wẹ, oma ọvo we hwemu.

Ẹyano 14:25

adjugẹ rẹ akpẹrẹ rayen de bruro ibehre ọtiọye na kẹ ayen djẹ tẹgbẹ tẹgbẹ; ihwo rẹ Ijipt na da ta, E jẹn a djẹ nẹ oma rẹ ihwo rẹ Izrẹl na, kidie Ọrovwohwo yen họnra ihwo rẹ Ijipt kẹ ayen na.

Ẹyano 3:13

Etiyin Mosis da ta kẹ Ọghẹnẹ nẹ, “Ọ da dianẹ mi bru ihwo rẹ Izrẹl na ra me da ta kẹ ayen, ‘Ọghẹnẹ rẹ esẹ rẹ ovwan ji vwe bru ovwan rhe,’ rẹ ayen da nọ vwẹ, ‘Die ọyen odẹ rọyen?’ Kidie me ta kẹ ayen?

Ẹyano 3:14

Ọghẹnẹ da ta kẹ Mosis, “MẸVWẸ ỌYE ỌMẸVWẸ.” Ọ da ta, “Vuẹ ayen nẹ, ‘MẸVWẸ ọyen ju vwe bru ovwan rhe.’ ”

Ẹyano 3:15

Ọghẹnẹ da ta kẹ Mosis rhe, Ta ọnana kẹ ihwo rẹ Izrẹl, Ọrovwohwo na, Ọghẹnẹ rẹ esẹ rẹ ovwan, Ọghẹnẹ rẹ Ẹbraham, Ọghẹnẹ rẹ Aizik, Ọghẹnẹ rẹ Jekọp, ọyen ju vwe bru ovwan rhe: ọnana odẹ mẹ bẹdẹ, enẹ a vwọ karophiyọ ovwẹ vwẹ evun rẹ uvwiẹ na ejobi.

Aizaya 42:13

Ọrovwohwo yan phia kerẹ ọgba, kerẹ ohwo rẹ ofovwi rẹ ophu kpare, ọ viẹ phia, o kperi phia, ọ vwẹ ẹgba rọye phia gangan kẹ ivwighrẹ rọye.

Aizaya 42:8

Mẹvwẹ Ọrovwohwo, ọye odẹ mẹ; urinrin mẹ me sa vwọ kẹ ohwo ọfa-a, eye ejiro me vwọ kẹ ema ra mare-e.

Jerimaya 33:2

Enẹ Ọrovwohwo rọ ma akpọ na tare, Ọrovwohwo ro farọ ro vwiro mu–Ọrovwohwo hẹ odẹ rọye,