Ẹyano 13:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Mosis da ta kẹ ihwo na, Karophihọ ẹdẹ ri nonẹ, ri wo vwo nẹ otọ rẹ Ijipt rhe na, nẹ uwevwi rẹ ọviẹn, fiki rẹ ogangan rẹ obọ rẹ Ọrovwohwo ọ vwọ reyọ owẹ nẹ etinẹ na; wa re ikara ro phuẹ-ẹ.

Ẹyano 13:3 ပူးပေါင်းရင်းမြစ်များ

Jẹnẹsis 15:16

Vwẹ orua rẹ ẹne kẹsiẹye aye ki che rhivwi rhe, fikiridie orukuruku rẹ ihwo rẹ Amọr je gba-a.

1 Ivie 8:42

(kidie ayen che nyo usi rẹ odẹ wẹn rode na, kugbe egba rẹ obọ wẹn, kugbe igbabọ wẹn re riẹn phia), ọke rọ da rhe rhe nẹ ẹrhovwo vwẹ uwevwi nana,

1 Ikun rẹ Ivie 16:12

Karohọ iruo rẹ igbunu rọye ro ruru, igbunu ro ruru, orhiẹn ro bruru.

Nehemaya 1:10

Ayen idibo wẹn kugbe ihwo wẹn, ru wọ tan hirhe vwẹ ọgangan wẹn rode na kugbe ogangan rẹ obọ wẹn na

Nehemaya 9:10

wo de ghine ru emu rẹ oka ve igbunu kpahe Fero kugbe idibo rọye ejobi kugbe ihwo re otọ rọye ejobi, kidie wọ riẹnre ne ayen di mukpahe ese re avwanre ekueku, wọwẹ ọvo ri ghine re odẹ ke oma we, kirobo rọ epha nonẹ na.

Une rẹ Ejiro 105:5

Karohọ iruo re igbunu ro ruru, iruo re igbunu rọye, kugbe ọrhiẹn ro bruru,

Une rẹ Ejiro 114:1

Ọke rẹ Izrẹl vwọ yan phia nẹ Ijipt rhe, uwevwi ri Jekọp nẹ obọ rẹ ihwo rẹ jẹ ephẹrẹ ọrhorha,

Une rẹ Ejiro 136:11

rọ reyọ Izrẹl nẹ ohri rayen rhe, kidie ẹguọnọ rọye ro je rhẹriẹ na dia rhiri bẹdẹ;

Une rẹ Ejiro 136:12

vẹ obọ ọgangan kugbe igbabọ ra riẹnre, kidie ẹguọnọ rọye rọye ro je rhẹriẹ na dia rhiri bẹdẹ;

Une rẹ Ejiro 89:14

Ọvwata kugbe ọsoso eye ichiyotọ rẹ ekete wẹn; ẹguọnọ wẹn ro jẹ rhẹriẹ vẹ esegbuyota ka obaro kẹ wẹ.

Ẹyano 12:15

Ẹdẹ ighwrẹn wa vwọ re ikara ro jephuo vwẹ ẹdẹ rẹ ẹsosuọ ku wo si ikara ro jephuo na nẹ uwevwi wẹn, kidie ọ da dianẹ ohwo ọvo re obo ri phuru nẹ ẹdẹ rẹ ẹsosuọ na ri te ẹdẹ ri ighwrẹn, ka nyavwe ohwo yena kufia nẹ Izrẹl na.

Ẹyano 12:17

Ku wa re orẹ rẹ ikara ro jephuo na, kidie ẹdẹ nana kpekpekpe na ọye me vwọ reyọ urogho rẹ ovwan nẹ otọ rẹ Ijipt rhe; fiki rẹ ọtiọye na wa me yọnrọn ẹdẹ nana, vwẹ uvwiẹ wẹn ejobi, kerẹ ẹgha bẹdẹ.

Ẹyano 12:19

Vwẹ ẹdẹ ighwrẹn we ja mrẹ iphuephu vwe iwevwi rẹ ovwa-an; ọ da dianẹ ohwo re obo ri phuru, ohwo yena ka nyavwọ nẹ ukoko rẹ Izrẹl na, owenẹ ọ dia ọrhorha eyẹ ọmotọ.

Ẹyano 12:2

Emeranvwe nana kọ cha dia ẹtuọhọ rẹ emeranvwe, kọ cha dia emeranvwe rẹ esosuọ vwẹ ukpe na kẹ wẹ.

Ẹyano 12:41

Vwẹ oba rẹ ikpe ujori ẹne gbẹ ọgban na, vwẹ ẹdẹ yena kpekpekpe na, ọye urogho rẹ Ọrovwohwo ejobi da yan nẹ otọ rẹ Ijipt.

Ẹyano 12:42

Ọye na ason rẹ ẹrhẹrẹ kẹ Ọrovwohwo, ro vwo si ayen nẹ otọ rẹ Ijipt rhe; ọtiọye na ason yena kẹ ason rẹ ẹrhẹrẹ rẹ ihwo rẹ Izrẹl ejobi rhẹrẹ kẹ Ọrovwohwo vwẹ uvwiẹ rayen ejobi.

Ẹyano 12:8

Ayen ke re uvwo rọye vwẹ ason yena a vwọ tọn; vẹ ikara ro jephuo, kugbe ebe re yara ayen vwọ riọ.

Ẹyano 13:14

vwẹ ọke rọ cha rẹ ọmọshare wẹn da nọ wẹ, Die otọ rẹ ọnana? ku wọ ta kẹ, Obọ ọgangan Ọrovwohwo vwo si avwanre nẹ otọ rẹ Ijipt rhe, nẹ uwevwi rẹ oviẹn.

Ẹyano 13:9

Kọ cha dia oka vwẹ obọ wẹn kugbe ẹkarophihọ vwẹ ẹto wẹn, rere urhi rẹ Ọrovwohwo vwọ dia unu wẹn, kidie obọ ọgangan Ọrovwohwo vwọ rọye owẹ nẹ Ijipt rhẹ.

Ẹyano 20:2

Mẹvwẹ Ọrovwohwo Ọghẹnẹ wẹn, rọ rọye owẹ nẹ otọ rẹ Ijipt rhe, nẹ uwevwi rẹ ọviẹn rhe.

Ẹyano 20:8

Karohọ edidjala, wọ yọnrọn fuanfon.

Ẹyano 23:15

Wa re orẹ rẹ ikara ro jephuo; kirobo ri mi ji urhi kẹ wẹ na, wọ re ikara ro jephuo ẹdẹ ighwrẹn vwẹ ọke re bru phihọ na vwẹ emeranvwe rẹ Abib, kidie vwẹ evun rọye wo vwo nẹ Ijipt rhe. Ohwo ọvuọvo cha vwẹ oma phia kẹ vwẹ ababọ-ọ.

Ẹyano 3:20

Ọtiọye ke me riẹn obọ me phia vwo ghwiẹ Ijipt vẹ emu rẹ igbunu ri mi che ruẹ vwọ; Ọyena da wan nu ko jẹ ovwan kpo.

Ẹyano 34:18

Orẹ rẹ ikara ro jephuo na wa me riọ. Ẹdẹ ighwrẹn ye wa re ikara ro jephuo, kirobo re me ta kẹ wẹ, vwẹ ọke re bruphihọ vwẹ emeranvwe rẹ Abib; kidie vwẹ evun rẹ emeranvwe rẹ Abib we vwo nẹ evun rẹ Ijipt rhe.

Ẹyano 6:1

Ọrovwohwo da kpahe kẹ Mosis, “Asakiephana wọ cha mrẹ obo ri mi che ruẹ kẹ Fẹro; kidie obọ ọgagan o che vwo si obọ nẹ ayen kpo, uyota, obọ ọgagan ọ cha vwọ djẹ ayen nẹ otọ rọye na.

Ẹyano 6:6

Fiki rẹ ọtiọye na gba ta kẹ ihwo rẹ Izrẹl, “Mẹvwẹ Ọrovwohwo na, mi che si we nẹ otọ rẹ oja rẹ ihwo rẹ Ijipti, ki mi che si we nẹ ọviẹn rayen, ke me tan wẹ nu obọ rẹ ayen.

Ẹyano 6:7

Me rọye owẹ phiyọ ihwo mẹ, ke me dia Ọghẹnẹ wẹn; ku wọ je riẹn nẹ Mẹvwẹ Ọrovwohwo Ọghẹnẹ wẹn, rọ si we nẹ otọ rẹ ọviẹn rẹ ihwo rẹ Ijipti.

Ẹyano 7:4

Fẹro cha kerhọ wẹẹn, ke me cha vwẹ gagan mẹ vwo gbe oja kẹ Ijipiti ke me cha rọyen ekru rẹ ihwo mẹ Izrẹl vwọ phia nẹ otọ rẹ Ijipiti.

Jerimaya 34:13

Enẹ Ọrovwohwo, Ọghẹnẹ rẹ Izrẹl tare: Mi nene esẹ rẹ ovwan re ọphọ re me vwọ reyọ ayen nẹ otọ rẹ Ijipt cha nẹ uwevwi rẹ ọviẹn, tanẹ:

Daniẹl 9:15

Asakiephana, E Ọrovwohwo Ọghẹnẹ re avwanre, rọ vwẹ obọ ọgangan ghwẹ ihwo rọye nẹ otọ rẹ Ijipt rhe, wọ da vwẹ ode kẹ oma wẹn, kirobo rọ epha nonẹ na, avwanre ru umwemwu, avwanre ru ogbigbiru

Matiu 10:12

Ovwan de te uwevwi we yere.

Iyẹnrẹ Esiri ri Luk 22:19

Ọ da reyọ ikara, ọke rọ vwọ kpẹvwẹ nu o de bro ọ da vwọ kẹ ayen, tanẹ, Ọnana oma mẹ.

1 Kọrẹnt 11:24

rẹ ọ vwọ kpẹvwẹ nu, o de bro, ọ da ta, Ọnana hẹ oma mẹ ra vwọ kẹ wẹ. Ru ọnana vwọ karohọ ovwẹ.

1 Kọrẹnt 5:8

E gbe jẹn avwanre, re orẹ na, ọ dia ikara rẹ awanre-e, ikara rẹ ọnko vẹ umwemwu-u, ẹkẹvuọvo ọ vẹ ikara ro jephuo rẹ evun ọfuanfon vẹ uyota.

Ẹfesọs 1:19

Obo rẹ ọrho rẹ ogangan rọye vwẹ evun rẹ avwanre otu ri sere gbuyota na epha, kirobo rẹ iruo rẹ ẹgba rode rọye epha.

Urhi Rivẹ 13:10

Wọ Me vwẹ oragha phio, rere o ghwu; fikiridie ọ guọnọre re os si we nẹ obọ rẹ Ọrovwohwo Ọghẹnẹ wẹn na, ọ ro si we nẹ otọ rẹ Ijipt rhe, nẹ uwevwi rẹ ọviẹn.

Urhi Rivẹ 13:11

Izrẹl ejobi ki nyo, oshọ ko mu ayen e gbi ru oghẹre rẹ orukuruku ọtiọnana vwẹ uherevie wẹ ọfa-a.

Urhi Rivẹ 13:5

Ẹkẹvuọvo ọmraro yena, eyẹ ọvwerhẹ evwerhẹ yena ke hwe ghwu; fikiridie ọ ta ota ọbrabra kpahe Ọrovwohwo Ọghẹnẹ rẹ ovwan ro si ovwan nẹ otọ rẹ Ijipt rhe na, rọ tan ovwan nẹ uwevwi rẹ ọviẹn, ro vwo sun ovwan nẹ idjerhe rẹ Ọrovwohwo Ọghẹnẹ rẹ ovwan vuẹ ovwan nẹ we nene. Ọtiọye ku we si hworhẹ umwemwu na nẹ uherevie rẹ ovwan.

Urhi Rivẹ 13:6

Ọ da dianẹ oniọvo wẹn, rọ dia ọmọ rẹ oni wẹn, eyẹ ọmọshare wẹn, eyẹ ọmọtẹ wẹn, eyẹ ayerhi wẹn, eyẹ ugbeyan wẹn, rọ kẹrẹ owẹ oma rọ da bẹbẹ riẹriẹ owẹ, tanẹ, Jẹn avwanre yanran ra ga ẹdjọ, e re wọ vẹ esẹ wẹn riẹnre-e na;

Urhi Rivẹ 15:15

Wọ Me karohọ nẹ wọ je dia ọviẹn vwẹ otọ rẹ Ijipt jovwo, Ọrovwohwo Ọghẹnẹ wẹn ke tan wẹ; kẹ eriyin mi vwo ji iji kẹ wẹ nonẹ na.

Urhi Rivẹ 16:1

Wọ Me karohọ emeranvwe rẹ Abib, re wọ re ọrẹ rẹ ẹwanvrẹn na kẹ Ọrovwohwo Ọghẹnẹ wẹn na; kidie evun rẹ emeranvwe rẹ Abib na Ọrovwohwo Ọghẹnẹ wẹn na vwọ reyọ owẹ nẹ Ijipt rhe vwẹ ason.

Urhi Rivẹ 16:12

Wọ Me karohọ nẹ ọviẹn wọ diare vwẹ Ijipt jovwo; wọ Me jomaotọ wọ karohọ ẹgha nana.

Urhi Rivẹ 16:3

Wọ vwẹ ikara ro phuẹ riọ-ọ; ẹdẹ ighwrẹ wọ vwọ vwẹ ikara ro je phuo vwọ riọ ikara rẹ oja na–kidie onẹ rẹ okpakpa wọ vwọ nẹ otọ rẹ Ijipt rhe–rere wọ vwọ karohọ ẹdẹ wo nẹ otọ rẹ Ijipt rhe vwẹ ọke re wọ dia akpọ na krite.

Urhi Rivẹ 24:18

ẹkẹvuọvo wọ Me karohọ nẹ wọ je dia ọviẹn vwẹ Ijipt jovwo tavwe re Ọrovwohwo rẹ Ọghẹnẹ wẹn kẹ tan wẹ nẹ Etiyin rhe fiki rẹ ọtiọye na mi vwo ji urhi kẹ wẹ nẹ wo ru Ọnana.

Urhi Rivẹ 24:22

Wọ Me karohọ nẹ wọ je dia ọviẹn vwẹ otọ rẹ Ijipt jovwo; fiki rẹ ọtiọye na mi vwo ji urhi kẹ wẹ nẹ wo ru Ọnana.

Urhi Rivẹ 26:8

Ọrovwohwo da vwẹ obọ ọgangan vẹ ugbobọ ra riẹnre vẹ oshọ rode na, kugbe eka vẹ igbunu vwo si avwanre nẹ Ijipt rhe;

Urhi Rivẹ 4:34

Eyẹ o vwo ọghẹnẹ ọvo rọ sa ra reyọ ẹgborho nẹ ohri rẹ ẹgborho ọfa kẹ omobọ rọye re, ọ da vwẹ edavwini, vẹ eka vẹ imuigbunu, kugbe ofovwi, eye vwẹ obọgangan, vẹ ugbobọ ra riẹn phihọ kugbe oshọ rode na, kerẹ ọtiobo rẹ Ọrovwohwo rẹ Ọghẹnẹ rẹ ovwan ru kẹ ovwan mrẹ vwẹ evun rẹ Ijipt na?

Urhi Rivẹ 5:15

Wọ Me karohọ nẹ wọ je dia odibo vwẹ otọ rẹ Ijipt dẹvure rẹ Ọrovwohwo Ọghẹnẹ wẹn ke reyọ obọ gangan vẹ ugbobọ ra riẹnre vwọ reyọ owẹ nẹ Etiyin rhe; vwẹ eriyin na Ọrovwohwo Ọghẹnẹ wẹn de jiji kẹ wẹ nẹ wọ yọnrọn ẹdidjala na.

Urhi Rivẹ 5:6

Mẹvwẹ Ọrovwohwo Ọghẹnẹ wẹn, rọ reyọ owẹ nẹ otọ rẹ Ijipt rhe, nẹ uwevwi rẹ ọviẹn rhe.

Urhi Rivẹ 6:12

ọke yena wọ Me jomaotọ Ọrovwohwo da rha chọrọ owẹ ẹro, Ọ ro si we nẹ otọ rẹ Ijipt rhe na, nẹ uwevwi rẹ ọviẹn.

Urhi Rivẹ 6:21

ko wọ ta kẹ ọmọ wẹn nẹ, Avwanre eviẹn ri Fero vwẹ Ijipt; Ọrovwohwo da vwẹ obọ ọgangan si avwanre nẹ Ijipt rhe.

Urhi Rivẹ 7:8

ẹkẹvuọvo fiki rẹ obo rẹ Ọrovwohwo vwọ guọnọ ovwan, gbe fiki rẹ obo rọ vwọ yọnrọn ive ro veri kẹ esẹ rẹ ovwan gbagba, ọ vwọ vwẹ obọgangan reyọ ovwan phia ọ ke je tan ovwan nẹ uwevwi rẹ ọviẹn nẹ obọ ri Fero ovie rẹ Ijipt.

Urhi Rivẹ 8:14

Etiyin udu wẹn kọ cha kpare kpenu, Ọrovwohwo Ọghẹnẹ wẹn na Me rhe chọrọ owẹ ẹro, ohwo ro si we nẹ otọ rẹ Ijipt rhe na, nẹ uwevwi rẹ ọviẹn;

Urhi Rivẹ 9:12

Ọrovwohwo ke ta kẹ vwẹ nẹ, Vrẹn, wo nẹ etinẹ yara phẹrẹkpẹ; kidie ihwo wo si nẹ Ijipt rhe na miovwo oma rayen; ayen kurhẹriẹ ruẹ akakọ nẹ idjerhe ri mi jiji kẹ ayen; ayen ma ema kẹ oma rayen.

Joshua 24:17

kidie Ọrovwohwo Ọghẹnẹ rẹ avwanre ọye reyọ esẹ rẹ avwanre nẹ otọ rẹ Ijipt rhe, nẹ uwevwi rẹ ọvien rhe, ọ de ru iruo rẹ igbunu yena vwẹ irharo rẹ avwanre, ọ da serọ rẹ avwanre vwẹ idjerhe rẹ avwanre wanre, kugbe ohri rẹ oghẹrẹ rẹ ihwo rẹ avwanre wanvrẹn;

Iguẹdjọ 2:12

ayen da sen Ọrovwohwo Ọghẹnẹ rẹ esẹ rayen, ohwo rọ reyọ ayen nẹ otọ rẹ Ijipt rhe, ayen de nene edjọ efa, edjọ rẹ ihwo re dia yariẹ ayen phihọ na, ayen da vwẹ uyovwi te otọ kẹ ayen; ayen da kpare ophu rẹ Ọrovwohwo na.

Iguẹdjọ 6:8

Etiyin Ọrovwohwo na de ji ọmraro ọvo rhe ihwo rẹ Izrẹl, kọye re ta kẹ ayen nẹ, Enẹ Ọrovwohwo Ọghẹnẹ rẹ Izrẹl na tare! Mẹvwẹ re reyọ ovwan nẹ evun rẹ Ijipt rhe nẹ uwevwi rẹ ọviẹn rhe;