Ẹyano 10:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Mosis da ta, Avwanre vẹ imitete te ekpako rẹ avwanre gba ra; avwanre vẹ emeshare vẹ igodẹ rẹ avwanre vẹ ichuru rẹ avwanre ejobi gba ra, kidie avwanre cha re orẹ kẹ Ọrovwohwo.

Ẹyano 10:9 ပူးပေါင်းရင်းမြစ်များ

Jẹnẹsis 50:8

etiọye ji te uwevwi ri Josẹf, emesẹ rọye, kugbe uwevwi rẹ ọsẹ rọye ejobi, jokpa rẹ imitete na ọvo, uchuru rayen, vẹ eranvwe rayen ọvo ri chekọ vwi Goshẹn.

Ẹyano 10:10

Ọ da ta kẹ ayen, Ọrovwohwo nene uwe dia, ki mi siobọ nẹ uwe vẹ imitete wẹn na kpo! Nighe, iroro omiomiovwi evo hẹ evun tẹ ovwan.

Ẹyano 10:26

Uchuru rẹ avwanre ji nene avwanre ra; uchukowọ rẹ ọvuọvo che chekọ obuko-o, kidie avwanre vwẹ ayen ba ga Ọrovwohwo Ọghẹnẹ rẹ avwanre, avwanre je riẹn obo rẹ avwanre vwọ ga Ọrovwohwo bẹsiẹ rẹ avwanre vwo te oboyi-i.

Ẹyano 12:32

Reyọ igodẹ wẹn kugbe uchuru wẹn, kirobo wọ tare, rere wa yanran; re wa nẹ ẹrhovwo kẹ vwẹ rhe.

Ẹyano 12:37

Ihwo rẹ Izrẹl de mu oyan phihọ nẹ Ramesis kpo Sukọt, ayen kerẹ ihwo odu-esan re vwẹ owọ yan, e kerẹ eya vẹ imitete-e.

Ẹyano 12:38

Ihwo efa buebu ọguagua ji nene ayen, kugbe uchuru buebu, igodẹ vẹ irhuẹn.

Ẹyano 13:6

Ẹdẹ ighwrẹn wọ vwọ re ikara ro jephuo, vwẹ ẹdẹ righwrẹn na ku wa re orẹ kẹ Ọrovwohwo.

Ẹyano 3:18

Kẹ ayen kerhọ rẹ urhuru wẹn; ku wọ vẹ ekpako rẹ Izrẹl bru ovie rẹ Ijipt ra, ra ta kẹ nẹ, Ọrovwohwo na, Ọghẹnẹ rẹ Hibru na, bru avwanre rhe; asakiephana, avwanre rẹ wẹ, jẹn avwanre yan oyan rẹ ẹdẹ erha kpo obo aton na, rere avwanre re ze izobo kẹ Ọrovwohwo Ọghẹnẹ rẹ avwanre.

Ẹyano 5:1

Ukuko rọye Mosis vẹ Erọn de bru Fero, ayen da vuẹ nẹ, E nẹ Ọrovwohwo, Ọghẹnẹ rẹ Izrẹl tare, Jẹn ihwo mẹ kpo rere ayen ra re orẹ kẹ vwẹ vwẹ evun rẹ aton na.

Ẹyano 5:3

Etiyin ayen da ta, “Ọghẹnẹ rẹ ihwo rẹ Hibru ga na rhe vwẹ oma phia kẹ avwanre re. Biko jẹn avwanre kpo, me rẹ wẹ, oyan rẹ ẹdẹ erha kpo evun rẹ aton, re avwanre re ze izobo kẹ Ọrovwohwo Ọghẹnẹ rẹ avwanre; rere o je emiavwe e vwo mu avwanre, eyẹrẹ ọlọkọ e vwo hwe avwanre.”

Isẹ 3:9

Vwẹ emu wọ vwori ejobi bru ọghọ phihọ Ọrovwohwo oma, eriyin ji te emamọ rẹ esosuọ rẹ okọn wẹn ejobi;

Aghwoghwo 12:1

Karohọ Omẹma wẹn vwẹ ọke re wọ vwọ eghene na, bẹsiẹ rẹ ẹdẹ umwemwu na che vwo te, rẹ ikpe na vwo te otọ, vwẹ ọke re wọ da cha tanẹ, Mi vwo omavwerhovwẹ vwẹ evun rẹ aye-en.

Ukeri 29:12

Vwẹ ẹdẹ rẹ ihwiori rẹ emeranvwe rẹ ighwrẹn na ku we vwo ọghwẹgbe ọfuanfon; wo ruẹ iruo ọganga-an, ku wọ re orẹ kẹ Ọrovwohwo ẹdẹ ighwrẹn;

Ẹfesọs 6:4

Esẹ na, wa kpare emọ rẹ ovwan ophu-u, ẹkẹvuọvo wa ghẹrẹ ayen vwẹ ẹghwọ kuo kugbe uyono rẹ Ọrovwohwo.

Joshua 24:15

O da dianẹ ovwan gbe sa rhọvwe ga Ọrovwohwo na-a, gba jẹ nonẹ na ohwo rẹ ovwan ga, kẹ edjọ rẹ esẹ rẹ ovwan gọre vwẹ ubrakpọ rọ obo ovrẹn rẹ Urhie na, eyẹ edjọ rẹ ihwo rẹ Amọr rẹ ovwan dia otọ rẹ ayen na; ẹkẹvuọvo vwọ kẹ vwẹ vẹ uwevwi mẹ, Ọrovwohwo ọvo ọye avwanre ga.