Ẹyano 10:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Etiyin Mosis vẹ Erọn de bru Fero, ayen da ta kẹ, Enẹ Ọrovwohwo tare, Ọghẹnẹ ri Hibru, Mavọ o krite wọ vwọ sen nẹ wọ vwẹ oma kpotọ kẹ vwẹ-e? Jẹn ihwo mẹ kpo, rere ayen ra ga vwẹ.

Ẹyano 10:3 ပူးပေါင်းရင်းမြစ်များ

1 Ivie 18:21

Ilaija dẹ rhi sikẹre ihwo na ejobi, ọ da ta, Mavọ ovwan vwo iroro ivivẹ krite? ọ da dianẹ Ọrovwohwo ọye Ọghẹnẹ, we nene; ẹkẹvuọvo ọ da dia Baal, we gbe nene. Ihwo na kpahe ọvuọ kẹ-ẹ.

1 Ivie 21:29

Wọ mrẹ obo rẹ Ehab rhe vwẹ oma kẹ vwẹ? Fikiridie ọ vwẹ oma kpotọ kẹ vwẹ me gbe vwẹ umiovwo na rhe vwẹ ọke rọye-e ẹkẹvuọvo ọke rẹ ọmọ rọye ọye me vwọ umiovwo na rhe uwevwi rọye.

Ivie rẹ Ivẹ 22:19

Fikiridie udu wẹn kurhẹriẹ, wọ da vwẹ oma wẹn kpotọ vwẹ obaro rẹ Ọrovwohwo na, ọke wo vwo nyo obo me ta kpahe etinẹ na, vẹ ihwo rọye, nẹ ayen cha kua fiotọ, wọ da bẹrẹ emwa djẹ oma, wọ da viẹ vwẹ obaro mẹ, Mi ji nyo wẹn rhe, ọtiọye Ọrovwohwo tare.

2 Ikun rẹ Ivie 33:12

Ọke rẹ oma vwọ djarhọ re kọ guọnọ aroesiri rẹ Ọrovwohwo Ọghẹnẹ rọye ọ da vwẹ oma rọye kpotọ gangan kẹ Ọghẹnẹ rẹ esẹ rọye.

2 Ikun rẹ Ivie 33:19

Te ẹrhovwo rọye, kugbe obo re Ọghẹnẹ reyọ orẹ rọye, re imwemwu rọye re ijesegbuyota rọye, kugbe asan rọ bọn asan ri kpenu na phihọ vẹ asan ra vwẹ ighriki na vi phihọ kugbe ema na tavwe rọ ke rhe vwẹ oma kpotọ, nighe, e si ayen phihọ Ọbe rẹ Ikun rẹ Emraro na.

2 Ikun rẹ Ivie 34:27

fiki rẹ obo rẹ udu wẹn vwo kurhẹriẹ wọ da vwẹ oma kpotọ kẹ Ọghẹnẹ wo vwo nyo eta ra ta kpahe etinẹ na vẹ ihwo re dia na, wọ da vwẹ oma kpotọ kẹ vwẹ, wọ da bẹrẹ emwa wẹn wọ da viẹ kẹ vwẹ mrẹ na, ki mi nyo we rhe, eriyin Ọrovwohwo tare.

2 Ikun rẹ Ivie 7:14

Ọ da dianẹ ihwo mẹ ra vwẹ odẹ me se da vwẹ oma kpotọ, rẹ ayen da nẹ ẹrhovwo rẹ ayen da guọnọ opharo mẹ, rẹ ayen de kurheriẹ nẹ idjerhe ọbrabra rayen, eriyin ki mi nyo nẹ obo odjuvwu rhe, ke me vwẹ imwemwu rayen ghovwo ayen ki mi sivwi otọ rayen.

ỌBE RẸ JOB 42:6

Ọtiọye na oma mẹ de tu vwe oma, mi de kurhẹriẹ broma phihọ otọ vẹ iwurhie.

Ẹyano 10:4

Kidie wọ da sen nẹ ihwo mẹ kpo-o, nighe odẹ rọ cha na me cha vwẹ ebaka rhe orho wẹn na,

Ẹyano 16:28

Ọrovwohwo da ta kẹ Mosis, Mavọ okrite wọ vwọ sen nẹ wọ yọnrọn irhi vẹ iji mẹ-ẹ?

Ẹyano 4:23

Me ta kẹ wẹ, “Jẹn ọmọshare mẹ kpo rere ọ ra gan vwẹ: wọ da sẹn nẹ o kpoo, nighe, ki mi hwe ọmọkpako wẹn.

Ẹyano 5:1

Ukuko rọye Mosis vẹ Erọn de bru Fero, ayen da vuẹ nẹ, E nẹ Ọrovwohwo, Ọghẹnẹ rẹ Izrẹl tare, Jẹn ihwo mẹ kpo rere ayen ra re orẹ kẹ vwẹ vwẹ evun rẹ aton na.

Ẹyano 9:17

Wọ je kpare oma wẹn kpenu kpahe ihwo mẹ, wọ je rhọvwẹ nẹ ayen kpo-o.

Isẹ 1:22

Mavọ okrite, ihwo igheghẹn na, rẹ ovwan ghẹn te? Otu re jehwẹ, mavọ ovwan jehwẹ krite, erianriẹn dẹ tu ekpa oma?

Isẹ 1:24

Fikiridie mi seri yu wọ kerhọ-ọn me riẹn obọ yẹ ohwo ọvuọvo davwe erhọ-ọn,

Isẹ 18:12

Tavwe rẹ ẹghwọrọ ke rhe yẹ udu miovwi nure, ẹkẹvuọvo omevwokpotọ re karo kẹ ọghọ.

Aizaya 1:5

Die re je ghwiẹ wẹ, ri wo ji vwo kpokpo? Uyovwi na ejobi rọ mwọga, udu na ejobi oma rọ rhọ.

Aizaya 2:11

Inieni ọbrabra rẹ ohwo ki che kpotọ eheri rẹ ihwo ka phọphọ ayen; Ọrovwohwo na ọvo kọye a kpare kpenu vwẹ ẹdẹ yena.

Jerimaya 13:10

Ihwo umwemwu nana, re senre nẹ ayen nyo eta mẹ-ẹ na, re vwẹ udu ọgangan nene udu rẹ obọ rayen vwọ yan nene edjọ efa vwọ gan ayen je vwẹ uyovwi te otọ kẹ ayen na, ayen cha dia kerẹ otehun nana, ro fi emuọvo-o na.

Jerimaya 13:18

Ta kẹ ovie vẹ oni rọye; Reyọ agbara ro kpotọ, kidie erhu rẹ uvie oyoyivwi wẹn na nẹ uyovwi wẹn nure.

Jerimaya 50:29

Se esedada vwọ so Babilọn, ayen otu ri siẹ umurhabọ ejobi, muerhọn yariẹ phihọ, wo jẹ ohwo ọvuọvo vabọ-ọ. Hwa osa kẹ kerẹ obo rẹ iruo reyọ epha, ru kẹ kirobo ro ruru kẹ ihwo, kidie ọ vwẹ Ọrovwohwo na jehwẹ miomiovwi, Ọfuanfon Ọvuọvo rẹ Izrẹl na.

Izikiẹl 5:6

Ọ da vwẹ uvumwemwu vwọ so irhi me nọ ẹgborho ri chekọ na, ọ da vwọ so iji mẹ nọ irho re yarierẹ phihọ na, ọ da sen irhi mẹ ọ gbe yan nene iji mẹ-ẹ.

Daniẹl 5:22

Wẹ rẹ ọmọ rọye, Bẹlshaza, wọ rha vwẹ udu wẹn kpotọ-ọ, dede ju wọ riẹn ọnana ejobi,

Ukeri 14:27

Mavọ okrite rẹ ọghwẹgbe umwemwu nana brenu kpahe ovwẹ te? Mi nyo enuebro rẹ ihwo rẹ Izrẹl re ayen brẹ kpahe ovwẹ.

Ọbe ri Pọl si rhe Ihwo ri Rom 2:4

Gbinẹ ovwan di roro arodọvwẹ rẹ Ọghẹnẹ vẹ akoechiro rọye kugbe odiri rọye phapharhe? Wa rha karohọ nẹ arodọvwẹ rọye herọ re ovwan vwo kurhẹriẹ.

Hibru 12:25

We ja mrẹ nẹ ovwan siẹn ohwo rọ ta ota na-a. O da dianẹ ayen siẹn ohwo rọ ta ota kẹ ayen vwẹ akpọ na rẹ ayen da djẹ vabọ-ọ, komavọ ọ dia rẹ avwanre sa vwọ djẹ vabọ ra da siẹn ohwo ro ta ota kẹ ayen nẹ odjivwu rhe.

Jems 4:10

Vwẹ oma wẹn kpotọ kẹ Ọghẹnẹ, kọ kpare owẹ kpenu.

1 Pita 5:6

Vwẹ ọtiọye na vwẹ oma wẹn kpotọ kẹ obọ, ọgangan rẹ Ọghẹnẹ, rere vwẹ ọke ro fori kọ kpare owẹ kpenu.