Ẹyano 10:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² rere wo vwo gbe ikun nana kẹ ọmọshare wẹn vẹ emọ rẹ ọmọshare wẹn obo re me vwẹ ihwo rẹ Ijipt ha eha te, vẹ eka ri mi ru kẹ ayen; rere wọ vwọ riẹn nẹ Mẹvwẹ Ọrovwohwo na.

Ẹyano 10:2 ပူးပေါင်းရင်းမြစ်များ

2 Samuẹl 7:22

Fiki rẹ ọtiọye na Wọ rhọrọ E Ọrovwohwo Ọghẹnẹ; ohwo rọ họhọ owẹ herọ-ọ, Ọghẹnẹ ọfa herọ wan wẹ-ẹn, kirobo ma vwẹ erhọn nyo.

Une rẹ Ejiro 44:1

Avwanre vwẹ erhọn rẹ avwanre nyo E Ọghẹnẹ, esẹ rẹ avwanre ta kẹ avwanre, iruo ru wo ruru vwẹ ọke rayen, vwẹ ọke re awanre.

Une rẹ Ejiro 44:2

Wọ da vwe obọ wẹn ọvo djẹ ẹgborho na kufia, ẹkẹvuọvo ayen kọye wọ kọn phihọ, wọ da vwẹ osọnọ vwọ re ihwo na, ẹkẹvuọvo ayen kọye wo siobọ nu,

Une rẹ Ejiro 58:11

Ihwo ke cha ta, Uyota osa ghene herọ kẹ ọvwata; uyota o vwo Ọghẹnẹ ro guẹdjọ vwẹ akpọ na.

Une rẹ Ejiro 71:18

Ọtiọye ọ jepha kẹ ọmare vẹ uyovwi esha, E Ọghẹnẹ, wọ sen vwẹ-ẹ, bẹsiẹ mi vwọ ghwoghwo ẹgba wẹn kẹ uvwiẹ rọ cha ejobi.

Une rẹ Ejiro 78:3

obo rẹ avwanre nyori ra riẹnre, rẹ ese re avwanre ta kẹ avwanre.

Ẹyano 13:14

vwẹ ọke rọ cha rẹ ọmọshare wẹn da nọ wẹ, Die otọ rẹ ọnana? ku wọ ta kẹ, Obọ ọgangan Ọrovwohwo vwo si avwanre nẹ otọ rẹ Ijipt rhe, nẹ uwevwi rẹ oviẹn.

Ẹyano 14:18

Ihwo rẹ Ijipt na ke cha riẹn nẹ Mẹvwẹ Ọrovwohwo, ọke mi de vwo urinrin vwẹ enu ri Fero, akpẹrẹ rọye, vẹ ihwo re gua iyesi rọye.

Ẹyano 14:4

Ki mi ru udu ri Fero gan, kọ cha vwọ tua ayen ki mi che vwo urinrin vwẹ enu ri Fero vẹ urogho rọye; ihwo rẹ Ijipt na ke cha riẹn nẹ Mẹvwẹ Ọrovwohwo na. Ayen de ru ọtiọye.

Ẹyano 7:17

Enẹ Ọrovwohwo tare, Vwẹ oma rẹ ọnana kọye wọ vwọ riẹn nẹ Mẹvwẹ Ọrovwohwo na: nighe, me cha vwẹ ọkpọ rọ obọ mẹ na ghwlẹ ame ri Nile na, ko che hirhe phihọ ọbara;

Ẹyano 7:5

Ihwo rẹ Ijipt na ke cha riẹn nẹ Mẹvwẹ ọye Ọrovwohwo vwẹ ọke rẹ me da vwẹ ogagan mẹ vwọ phia kẹ ayen, ke me reyọ ihwo rẹ Izrẹl nẹ ohri rayen rhe.

Ẹyano 8:6

Ọtiọye Erọn da riẹn obọ rọye phihọ ame rẹ Ijipt na; igoro na da rhe rhi rhurhu otọ rẹ Ijipt na.

Aizaya 38:19

Ohwo ọkpokpọ, ohwo ọkpokpọ, ọ kpẹvwẹ owẹ, kirobo ri mi ruẹ nonẹ na, o se dje ke emọ rọye obo re esegbuyota wẹn epha.

Izikiẹl 20:26

mi de gbe ayen ẹgua vwẹ oma rẹ okẹ rẹ ayen kẹ rẹ ayen da vwẹ emekpako rayen vwo ze izobo rẹ ẹtorhẹ, rere me vwọ djẹ uguegue mu ayen, mi ruro rere ayen vwọ riẹn nẹ mẹvwẹ ọye Ọrovwohwo na.

Izikiẹl 20:28

Kidie ọke re me vwọ reyọ ayen rhe otọ ri mi ve kẹ ayen nẹ me vwọ kẹ ayen nu, etiyin kasan kasan rẹ ayen da mrẹ ugbenu ro kpenu eyẹ urhe rọ vẹ ẹbe gbidi, etiyin kọye ayen de ze izobo rayen, ayen me vwẹ izobo rọ kpare ophu mẹ vwọ rhe, etiyin ọnrhẹ ororo rayen mi bru kpenu, ke etiyin ayen da jẹ udi kuotọ.

Joẹl 1:3

Gbe ikun rọye kẹ emọ rẹ ovwan, gbe jẹn emọ rẹ ovwan gbe kẹ emọ rayen, re emọ rayen rhe gbe kẹ uvwiẹ ọfa.

Ẹfesọs 6:4

Esẹ na, wa kpare emọ rẹ ovwan ophu-u, ẹkẹvuọvo wa ghẹrẹ ayen vwẹ ẹghwọ kuo kugbe uyono rẹ Ọrovwohwo.

Urhi Rivẹ 4:9

Wọ Me jomaotọ, vwẹ ẹro re ẹnwẹn wẹn dẹndẹn, obo rẹ ẹro wẹn mrẹre da rha chọre owẹ ẹro, ri de nẹ udu wẹn vwẹ ẹdẹ rẹ akpọ wẹn ejobi; ẹkẹvuọvo wo mi jẹ emọ wẹn kugbe emọ rẹ emọ wẹn riẹn ayen;