Ẹvwọphia 9:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² o de rhie ẹchẹ re orho rẹ igbẹphẹre na, ivwirhi de bru nẹ evun rọye rhe kerẹ ivwirhi rẹ ẹkuerhanre rode, te ọnre te enu ejobi de rhi bi hwi vẹ ivwirhi na.

Ẹvwọphia 9:2 ပူးပေါင်းရင်းမြစ်များ

Jẹnẹsis 15:17

Ọke rẹ ọnre vwo she nu rẹ ebri vwo mu re, nighe, ubrochẹ vẹ erhanre ro bru ivwirhi vẹ ukpe rọ la da va nẹ uvwre rẹ ibro rẹ eranvwe na rhe.

Jẹnẹsis 19:28

ọ da kpare opharo ni Sodọm vi Gomora kugbe ishekpotọ na, nighe, o vwo ni, ivwirhi rẹ orho na de bru kpenu kerẹ erhanre re etu.

Ẹyano 19:18

Ivwirhi de rhi rhurhu Ugbenu ri Sinae, fikiridie Ọrovwohwo wotọ rhe enu rọye vwẹ erhanre; ivwirhi rọye de bru kpenu kerẹ ivwirhi rẹ etu; ugbenu na ejobi de kpogho gangan.

Aizaya 14:31

Beroma, E anurhoro, viẹ, E orere, wran vẹ oshọ, E Filistia, ovwan ejobi! Kidie ivwirhi nẹ obọrhe ọnre cha, ọ ro churu ihwo siẹ hẹ usun rọye-e.

Daniẹl 3:6

Kohwo kohwo ro rhe she diguẹ ga vwẹ ugege yena-a ka kparo phihọ ogidi erhanre.

Joẹl 2:10

Otọ na re kpogho vwẹ obaro rẹ ayen, obenu na ra phariẹ. Ọnre na vẹ emeranvwe mu ebri, elo rẹ isio na de si reyọ.

Joẹl 2:2

ẹdẹ rẹ ebri ghwi, ẹdẹ rẹ egho vẹ ebri ghwi! Biebi ghwi o de rhurhu enu rẹ igbenu na ihwo ride vẹ egba gangan, a je mrẹ ọkpọ rayen nẹ awanre rhe-e, eyẹ a je cha mrẹ ọkpọ rayen bẹdẹ-ẹ vwẹ ikpe rẹ uvwiẹ na ejobi.

Joẹl 2:30

Ke Me cha vwẹ eka phia vwẹ obo odjuvwu vẹ otọ rẹ akpọ na, ọbara vẹ erhanre kugbe ukori rẹ ivwirhi.

Iruo rẹ Iyinkọn na 2:19

Ke me cha vwẹ igbunu phia vwẹ obo odjuvwu eka buebu ke cha phia vwẹ akpọ na, ọbara, kugbe erhanre, kugbe ighworighwo rẹ ivwirhi;

Ẹvwọphia 14:11

Ivwirhi rẹ odjadja rayen na de ghworo kpenu rhiri bẹdẹ; ayen rhe vwo omaerovwo-o, ason eyẹ uvo-o, vwọ kẹ otu nana re gọ eranvwe na kugbe oma rọye, kugbe ohwo kohwo ro vwo oka rẹ odẹ rọye.

Ẹvwọphia 16:10

Amakashe riyori de ku udjokpo rọye phihọ enu rẹ ekete rẹ eranvwe na, uvie rọye da hẹ evun rẹ ebri hwi; odjadja rọye kọ nẹrhẹ eranvwe rayen phariẹ

Ẹvwọphia 8:12

Amakashe rẹne de hworo oware rọye, a da ghwiẹ akarha rẹ ọnre, kugbe akarha rẹ emeranvwe, kugbe akarha rẹ isio, ọtiọye na akarha rẹ orẹmrẹ rayen de mu ebri; akarha rẹ ọnre gbi vwo orẹmrẹ-ẹ, ọtiọye ji te akarha rẹ emeranvwe.

Ẹvwọphia 9:1

Amakashe riyori de hworo owanre rọye, me da mrẹ isio ọvo ro she nẹ obo odjuvwu cha akpọ na, a da vwẹ usiaphrẹ rẹ orho rẹ igbephẹre vwọ kẹ;

Ẹvwọphia 9:11

Ovie rẹ ayen vwori kọye hẹ amakashe rẹ orho rẹ igbẹphẹre; odẹ rọye vwẹ ephẹrẹ ri Hibru kẹ Abadọn, e rhe se vwi Grik nẹ Apolọn.

Ẹvwọphia 9:17

Kẹ enẹ me mrẹ esi na vwẹ emramrẹ mẹ; ihwo re gua na ku ekpoudu re vwara kerẹ erhanre kugbe oghẹre rẹ eragha sansan, iyovwi rẹ esi na da họhọ iyovwi rẹ okpohrokpo, erhanre vẹ ivwirhi kugbe isọn ọnre ki brẹ nẹ unu rayen cha.