Ẹvwọphia 8:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ akarha rẹ abadi na de rhi hirhe phihọ ọbara, akarha rẹ eranvwe ekpokpọ re hẹ evun rẹ abadi na de ghwu re, akarha rẹ ekọ da guọghọ re.

Ẹvwọphia 8:9 ပူးပေါင်းရင်းမြစ်များ

Une rẹ Ejiro 48:7

Vwẹ odju ro nẹ obaro ọnre cha wọ vwọ hra ekọ ri Tarshish.

Ẹyano 7:21

Eri rẹ evun ri Nile de ghwu; Nile de mwumwerhe, ọtiọye na ihwo rẹ Ijipt gbe sa da ame ri Nile na-a, ọbara da rhe vọn otọ, rẹ Ijipt na ejobi duvwu.

Aizaya 2:16

vwọ kẹ eko ejobi ri Tarshish; ke ekọ ri yovwiri ejobi.

Aizaya 23:1

Arọẹmrẹ kpahe Taya, Berọma, E eko ri Tarshish, kidie a ghwọrọ Taya totọ, uwevwi chekọ vwo siẹvo kẹ erhuru-u! Kẹ otọ ri Saiprọs a da vwọ phia kẹ ayen.

Zekaraya 13:8

Vwẹ otọ na ejobi, Ọrovwohwo tare, a cha gharọ ẹkẹn erha ra da ghwọrọ e che bru ẹkẹn ivẹ no, ẹkẹn ọvo kọye cha rhọ

Zekaraya 13:9

Ki mi che phi ẹkẹn rerha nana phihọ erhanre, re ruo fon kirobo re ru idọnọ fuan ye, ka davwe ayen kirobo ra davwe oro na. Ayen se odẹ Mẹ, ki mi nyo ke ayen. Ke Me ta nẹ, Ayen ihwo mẹ, Kẹ ayen ta nẹ, Ọrovwohwo na Ọghẹnẹ Mẹ.

Ẹvwọphia 12:4

Urhurhuvwu rọye ro siẹ nene vwẹ obuko na da jẹ phihọ isio buebu, o de si ayen she teye otọ. Okpodje na de mudia bẹre agada sa aye na rọ chuẹ uvwiẹ na, rere siẹ ro de vwiẹ nu ọ vwọ mrasan mu ọmọ na re;

Ẹvwọphia 16:3

Amakashe rivẹ de ku udjokpo rọye phihọ evun rẹ abadi, ọ da rhe họhọ ọbara rẹ ohwo ro ghwuru, emu kemu ọkpokpọ rọ dia evun rẹ abadi na de ghwu re.

Ẹvwọphia 8:10

Amakashe rerha de hworo owanre rọye, isio rode ọvo de she nẹ odjuvwu rhe, o lo wrowro, o de she phihọ akarha rẹ irhie na kugbe igbugbu rẹ ame na.

Ẹvwọphia 8:12

Amakashe rẹne de hworo oware rọye, a da ghwiẹ akarha rẹ ọnre, kugbe akarha rẹ emeranvwe, kugbe akarha rẹ isio, ọtiọye na akarha rẹ orẹmrẹ rayen de mu ebri; akarha rẹ ọnre gbi vwo orẹmrẹ-ẹ, ọtiọye ji te akarha rẹ emeranvwe.

Ẹvwọphia 8:7

Amakashe rẹsosuọ de hworo owanre, ibiosio rẹ erhanre, ọguọgua da rhe rhọ phihọ akpọ na; akarha rẹ akpọ na da torhẹ re, akarha rẹ irhe da torhẹ re, akarha rẹ odi da torhẹ re.

Ẹvwọphia 9:15

A da ghene rhan emakashe ẹne na, ra gbare hẹrhẹ ọke nana rhabae na, ẹdẹ na, emeranvwe na, kugbe ukpe na, no hwe akarha rẹ ihwo rẹ akpọ.

Ẹvwọphia 9:18

Vwẹ oma rẹ ọtiekọ nana erha na akarha rẹ ihwo rẹ akpọ na de ghwu re, vwi fiki rẹ erhanre vẹ ivwirhi kugbe isọn ọnre ro brẹ nẹ unu rayen cha na.