Ẹvwọphia 8:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Etiyin me da mrẹ emakashe ighwrẹ ri mudia vwẹ obaro rẹ Ọghẹnẹ, a da vwẹ ewanre ighwrẹ kẹ ayen.

Ẹvwọphia 8:2 ပူးပေါင်းရင်းမြစ်များ

Zekaraya 4:10

Kidie ohwo rọ jẹ ẹdẹ re emu itete Mẹ fia cha ghọghọ, ọ cha mrẹ ovwanvwọn rẹ okokodo vwẹ obọ ri Zerubabẹl. Enana ighwrẹ na he ibiẹro rẹ Ọrovwohwo, ro vwo nẹ akpọ na ejobi duvwẹ.

Matiu 18:10

Wo jẹ ọvo rẹ imitete na fia-a, fikiridie emakashe rẹ emọ na i mudia vwẹ obaro rẹ Ọghẹnẹ Ọsẹ rẹ avwanre rọ hẹ obo odjuvwu.

Matiu 24:31

Ko ji emakashe rọye vẹ owanre rode, ayen ki che se ihwo ra sanọ reyọ ejobi na, nẹ igogo ẹne rẹ akpọ na rhe, nẹ oba rẹ akpọ ọvo re te ọrivẹ.

Iyẹnrẹ Esiri ri Luk 1:19

Amakashe na da kpahe kẹ, Mẹvwẹ Gabrẹl ro muẹdia vwẹ obaro rẹ Ọghẹnẹ; ke ji vwe rhe ta ota kẹ wẹ, re me ghwa ikun esiri na rhe we.

Iyẹnrẹ Esiri ri Luk 21:36

Ẹkẹvuọvo rhẹrẹ vwẹ ọke ejobi, nẹ ẹrhovwo rere wo se vwo ogangan wọ vwọ vabọ rẹ imu nana ejobi re cha phia na, re wo vwo se mudia vwẹ obaro rẹ Ọmọ rẹ ohwo.

1 Kọrẹnt 15:52

vwẹ ọmọke na, vwẹ ẹroẹbrẹ na, rẹ owanre rẹ obo oba na. Kidie owanre na che hworo, irivwi na ki che vrẹn vwi jegbo, ke che wene avwanre.

1 Tẹsalonaika 4:16

Kidie ekpuyovwi rẹ Ọrovwohwo dẹn che wotọ nẹ odjuvwu rhe vẹ edo, kugbe urhuru rẹ onotu rẹ emakashe, kugbe edo rẹ ọgban rẹ Ọghẹnẹ. Irivwi ri ghwuru vwẹ evun ri Kristi ki ke vrẹn.

Ẹvwọphia 1:4

Mẹvwẹ ri Jọn ri si ọbe nana rhe ishọshi re hẹ Esha: Ẹserọphẹ dia kẹ ovwan kugbe ufuoma nẹ obọ rẹ ohwo rọ herọ vwẹ asakiephana rọ je herọ rhabae kugbe ọ rọ je cha rhe vwobọ, ji kugbe erhi ighwrẹ re hẹ obaro rẹ ekete na,

Ẹvwọphia 11:15

Amakashe ri ghwrẹ de hworo owanre rọye, edo rode de mu vwẹ odjuvwu, tanẹ, Uvie rẹ akpọ na rhi hirhe phihọ uvie rẹ Ọrovwavwanre kugbe Kristi rọye re, kọ cha re rhiri bẹdẹ bẹdẹ.

Ẹvwọphia 15:1

Me da mrẹ oka ọfa vwẹ obo odjivwu, oka rhuarho ro gbunu, emakashe ighwrẹ vẹ ọtiokọ ighwrẹ, ena re ka oba, kidie ena je hẹ oba rẹ ophu rẹ Ọghẹnẹ.

Ẹvwọphia 16:1

Etiyin mi de nyo urhuru rode ọvo vwẹ uwevwi rẹ ẹga na rọ ta kẹ emakashe ighwrẹ na, Yanran re ku idjokpo ighwrẹ rẹ ophu rẹ Ọghẹnẹ na phihọ akpọ na.

Ẹvwọphia 8:13

Mi vwo ni, mi de nyo umri rẹ ugo ro kperẹ gangan, rọ vwọ rhan vwẹ obenu, Eghwo, eghwo, eghwo kẹ ovwan otu re dia enu rẹ akpọ na, vwẹ umri rẹ ewanre efa rẹ emakashe erha na che hworo.

Ẹvwọphia 8:6

Asakiephana emakashe ighwrẹ na ri vwo ewanre ighwrẹ na de ghwe muegbe rẹ ayen che vwo hworo.

Ẹvwọphia 9:1

Amakashe riyori de hworo owanre rọye, me da mrẹ isio ọvo ro she nẹ obo odjuvwu cha akpọ na, a da vwẹ usiaphrẹ rẹ orho rẹ igbephẹre vwọ kẹ;