Ẹvwọphia 7:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Rẹ ọna vwọ wan nu mi vwo ni, me da mrẹ urogho rẹ ihwo buebu rẹ unu se keri-i, ri nẹ ẹgborho kẹgborho rhe, rẹ orua ejobi kugbe ihwo kugbe ephẹrẹ rhe, ri mudia vwẹ obaro rẹ ekete na kugbe obaro rẹ Omogodẹ na, re vwẹ emwa efuanfon rhuo, vẹ ewanvwe vwẹ abọ rayen,

Ẹvwọphia 7:9 ပူးပေါင်းရင်းမြစ်များ

Jẹnẹsis 13:16

Mi ru uvwiẹ wẹn bu kiri ibiekpẹn rẹ otọ na, kọye ohwo de se kere ibiekpẹn rẹ otọ na, ko ji se kere uvwiẹ wẹn.

Jẹnẹsis 49:10

Ọkpọ na rhe se ni Juda-a, eye ọkpọ rẹ osun na rhe se nẹ agada rọyee, bẹsiẹ ro che vwo te obọ rẹ ohwo ro viri, kọye ihwo na ejobi che mu ọghọ ke.

Une rẹ Ejiro 2:8

Nọ vwẹ ọhọ me, ke me vwẹ egborho na ghare owẹ ughwẹ, oba rẹ akpọ na ejobi kọ dia ọwẹn.

Une rẹ Ejiro 22:27

Oba rẹ akpọ na ejobi cha karohọ ri de rhivwi bru Ọrovwohwo; uvwiẹ rẹ ẹgborho na cha ga vwẹ obaro rọye.

Une rẹ Ejiro 76:4

Wo muẹ urinrin, wọ rhoro gangan nọ igbenu ri bẹdẹ na.

Une rẹ Ejiro 77:2

Vwẹ ẹdẹ rẹ ukpokpogho mẹ me da guọnọ Ọrovwohwo; vwẹ ọke rẹ ason me da hẹrẹ abọ mẹ ye oma rhọ vwẹ-ẹ; ẹnwẹ mẹ rha guọnọ nẹ e bru ọye uche-e.

Une rẹ Ejiro 98:3

Ọ karohọ ẹguọnọ rọye ro jẹ rhẹriẹ vẹ esegbuyota rọye kẹ uwevwi rẹ Izrẹl. Oba rẹ akpọ na ejobi rhe mrẹ obọẹkparọ rẹ Ọghẹnẹ rẹ avwanre.

Jerimaya 16:19

E Ọrovwohwo, ogagan mẹ vẹ odjahọ mẹ, adjẹrhọ mẹ vwẹ ẹdẹ rẹ ukpokpogho, wọwẹ ẹgborho na ejobi che bre cha nẹ oba re akpo rhe tanẹ: Esẹ rẹ avwanre reuku rẹ emu ọvuọvo-o jokpa rẹ efian ọvo, erharhe rẹ emu ri fi erere-e?

Jerimaya 3:17

Vwẹ ọke yena ke se Jerusalẹm nẹ ekete rẹ uvie rẹ Ọrovwohwo, irere na ejobi ki koko bro rhe, obaro rẹ Ọrovwohwo vwi Jerusalẹm, ayen gbe rha vwẹ udu ọgangan vwo nene umwemwu rẹ udu rayen ọfa-a.

Izikiẹl 47:5

Ọ da rhoma vwanvwe uriorin, o de rhi hirhe phihọ urhie re jẹ san wanvrẹn, kidie ame na vọn rhe, o de kodo te asan ra da rhẹrhẹ, urhie re je san wanvrẹn.

Daniẹl 4:1

Onana ovuẹ rẹ ovie Nebukadreza vwo rhe ihwo ejobi, ẹgborho ejobi, vẹ ephẹrẹ ejobi, re dia otọ rẹ akpọ na ejobi: ufuoma bu phihọ kẹ ovwan!

Daniẹl 6:25

Etiyin Ovie na, Dariọs de si ọbe rhe ihwo na ejobi, ẹgborho, vẹ ephẹrẹ re dia otọ rẹ akpọ na ejobi, E jẹn ufuoma bu phihọ kẹ ovwan.

Hosia 1:10

Ihwo rẹ Izrẹl cha dia kerẹ ehavwo rẹ urhie ra sa vwavwe-e eyẹ e se keri-i, vwẹ asan rẹ a da ta kẹ ayen nẹ, Ovwan dia ihwo mẹ-ẹ, ka je ta kẹ ayen nẹ, Ovwan emọ rẹ Ọghẹnẹ ri bẹdẹ na.

Livitikọs 23:40

Ẹdẹ re ẹsosuọ na wa Me reyọ emamọ re irhe ri yovwiri, kugbe ewanvwe rẹ iriẹ, ve eghọn rẹ irhe ri vwo ẹbe buebu, kugbe irhe rẹ asan rẹ ame epha, ovwan Me ghọghọ kẹ Ọrovwohwo Ọghẹnẹ rẹ ovwan ẹdẹ ighwrẹn gbagba.

Zekaraya 10:8

Me riẹn obọ kẹ ayen mi de koko ayen hẹ uwevwi, kidie Me tan ayen hirhe nure, ayen ki bu kirobo rẹ ayen buru jovwo.

Zekaraya 2:11

Ẹgborho buebu che kuoma rayen gbe Ọrovwohwo vwẹ ẹdẹ yena, ke cha dia ihwo Mẹ; ke Me dia uherevie wẹn ko wọ riẹn nẹ Ọrovwohwo rẹ otuofovwi na re cha vwe ji uvwe bru uwe rhe.

Iyẹnrẹ Esiri ri Luk 12:1

Vwẹ ọke yena, rẹ ihwo uriori buebu rhi vwo koko gbidi rẹ ohwohwo vwo chiyi ohwohwo, o de ke muhọ ẹta kẹ idibo rọye, Wa kẹnoma kẹ iphuephu ri Farisi, rọ vọnre vẹ ophiẹvwe.

Iyẹnrẹ Esiri ri Luk 21:36

Ẹkẹvuọvo rhẹrẹ vwẹ ọke ejobi, nẹ ẹrhovwo rere wo se vwo ogangan wọ vwọ vabọ rẹ imu nana ejobi re cha phia na, re wo vwo se mudia vwẹ obaro rẹ Ọmọ rẹ ohwo.

Iyẹnrẹ Esiri ri Jọn 12:13

Ọtiọye na ayen da reyọ ewanvwe rẹ iriẹ ayen da yanran ra vwa, ayen de kuvwie, Hozana, Ebruba kẹ ọ rọ cha vwẹ odẹ rẹ Ọrovowhwo, mrẹmrẹ ọye hẹ Ovie rẹ Izrẹl.

Ọbe ri Pọl si rhe Ihwo ri Rom 11:25

Wọ da rha ghwanre kẹ omobọ wẹn ọvo, imoni mẹ, me guọnọre nẹ ovwan riẹn igbunu nana, udu ogangan bru abọvo rẹ ihwo rẹ Izrẹl rhe, bẹsiẹ rẹ unu rẹ ihwo ri Keferi vwọ gba,

Ẹfesọs 6:13

Vwẹ ọtiọye na gba ghwẹ ekuakua rẹ ofovwi rẹ Ọghẹnẹ phihọ, rere we vwo se mudia gan vwẹ ẹdẹ umwemwu na, we de ru enana ejobi nu, gbe mudia.

Hibru 11:12

Vwẹ oma rẹ ohwo ọvo na, ro ji ghwẹ na, kọye a wan vwiẹ uvwiẹ ro buru kerẹ isio rẹ obenu na, kerẹ ehavwo rẹ oma rẹ abadi re je se kere.

Hibru 12:22

Ẹkẹvuọvo ovwan rhe yan te ugbenu ri Zayọn re, re te orere rẹ Ọghẹnẹ ri bẹdẹ na re, kọye hẹ Jerusalẹm rọ hẹ obenu na, kugbe ukoko rẹ emakashe gbidi re ghwẹ koko re orẹ,

Ẹvwọphia 11:15

Amakashe ri ghwrẹ de hworo owanre rọye, edo rode de mu vwẹ odjuvwu, tanẹ, Uvie rẹ akpọ na rhi hirhe phihọ uvie rẹ Ọrovwavwanre kugbe Kristi rọye re, kọ cha re rhiri bẹdẹ bẹdẹ.

Ẹvwọphia 22:3

Emu ọvuọvo ra harhere gbe herọ-ọ, ẹkẹvuọvo jokpa rẹ ekete rẹ Ọghẹnẹ kugbe ọ rẹ Omogodẹ na ọvo re hẹ evun rọye, idibo rọye ke cha gọ;

Ẹvwọphia 3:18

Kọye mi vwo dje aghwanre kẹ wẹ nẹ dẹ oro rọ epha wrowro mie vwe, re wo fe; kugbe ewun ọfuanfon wo ku phihọ rere wo rhurhu ẹban wẹ re oma vwo jẹ uwe ẹvuọ, rere wọ rhọghọ ẹro wẹn, re wọ mrorẹ.

Ẹvwọphia 4:4

Ekete uje gbẹ ẹne da riariẹ ekete na phihọ. Me da mrẹ ekpako uje gbẹ ẹne ri tidia enu rẹ ekete na, ri ku iwun efuanfon phihọ, aye vwẹ erhu rẹ oro tughẹ.

Ẹvwọphia 5:11

Mi vwo ni, mi de nyo urhuru rẹ emakashe buebu re riariẹ ekete na phihọ kugbe eranvwe na kugbe ekpako na, unu rayen oduduru vware oduduru kugbe uriori vware uriori,

Ẹvwọphia 5:9

ayen da so une ọkpokpọ, tanẹ, Wọwẹ hẹ ohwo ro fori rọ sa reyọ ọbe na ro de se rhie isiaphrẹ rọye, kidie e hwe we jovwo ọbara wẹn kọye wọ vwọ tan ihwo hirhe kẹ Ọghẹnẹ nẹ orua korua kugbe ephẹrẹ kugbe ihwo kugbe ẹgborho,

Ẹvwọphia 6:11

A da vwẹ adagba ọfuanfon vwọ kẹ ayen ohwo ọvuọvo a da ta kẹ ayen nẹ i rovwoma emerha, bẹsiẹ rẹ unu rẹ idibo rayen ri chekọ kugbe imoni rayen ri chekọ vwọ gba, ihwo re hweri kirobo re ji hwe okpuyovwi rẹ ayen.

Ẹvwọphia 7:8

orua ri Zebulọn a ka oka phihọ uriori ihwivẹ orua ri Josẹf a ka oka phihọ uriori ihwivẹ orua ri Bẹnjamin a ka oka phihọ uriori ihwivẹ