Ẹvwọphia 7:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ tanẹ, Ovwan rha guọghọ akpọ na-a eyẹ irhe-e, bẹsiẹ ra vwọ ka oka phihọ arhare rẹ idibo rẹ Ọghẹnẹ rẹ avwanre nu.

Ẹvwọphia 7:3 ပူးပေါင်းရင်းမြစ်များ

Ẹyano 12:13

Ọbara na kọ cha dia oka kẹ wẹ, vwẹ enu rẹ uwevwi rẹ ovwan epha, ọke me da mrẹ ọbara na, ke me wanvrẹn wẹ, emiavwe ọvuọvo gbi che te we rọ guọghọ owẹ-ẹ, ọke re Me da rhe ghwiẹ otọ rẹ Ijipt na.

Ẹyano 12:23

Fikiridie Ọrovwohwo cha wanvrẹn re hwe ihwo rẹ Ijipt na; ọke rọ da mrẹ ọbara na vwẹ ophapha rọ obenu vẹ ọ rẹ akakọ rẹ anurhoro na, Ọrovwohwo me shariẹ ẹchẹ yena vrẹn, ọ gbe rhọvwe nẹ ọguọghọ na vwẹriẹ iwevwi wẹn re hwe we-e.

Aizaya 27:8

Ovwanvwọn vẹ ovwanvwọn, vwẹ oma rẹ ighuvwu emuo wo vwo nene ayen pharhe; o de ghwie ayen kufia vwẹ ophu ọgangan rọye vwẹ ẹdẹ rẹ odju ro nẹ obaro ọnre cha.

Aizaya 54:17

orọvwọ re duvwu vwọ so owẹ se yovwi-i, ku wo gbe ota phihọ unu kunu ro vrẹn vwọ so owẹ vwẹ ẹdjọ. Ọnana kọ dia ughwẹ re idibo rẹ Ọrovwohwo kugbe ase rẹ ayen cha re vwẹ obọ mẹ, eriyin Ọrovwohwo tare.

Aizaya 6:13

Ọ da tobọ dianẹ ẹkehwe chekọ vwọ, a cha torhẹ kirẹ uloho eyẹ ọhahe, rẹ uchuku rọye chekọ siẹ re de she nu. Ubi ọfuanfọn na ọye hẹ uchuku na.

Aizaya 65:8

Enẹ Ọrovwohwo tare: Kirobo ra mrẹ wain vwẹ eduru na, re ayen da tanẹ, Wọ ghwọrọ-ọ na, kidie erhovwo herọ, ọtiọye Mi ru fiki rẹ idibo Mẹ, Me rha ghwọrọ ayen ejobi-i.

Izikiẹl 9:4

Ọrovwohwo da ta kẹ, Yan wan uherevie rẹ orere na, wan uherevie ri Jerusalẹm, re wọ ka oka phihọ arhare rẹ ihwo re fiọn unu kugbe ihwo ri dirhivwẹ vwi fiki rẹ ẹgua re gberi vwẹ evun rọye.

Izikiẹl 9:6

hwe emare na ejobi ghwu, emeshare vẹ emetẹ, imitete vẹ eya, ẹkẹvuọvo wọ vwẹ obọ te ohwo ra ka oka phihọ na-a. Gba dia asan ẹshẹ na de muophihọ. Ọtiọye ayen da vwẹ ekpakọ re uwevwi na muophihọ.

Daniẹl 3:17

O da dia ọtiọye, Ọghẹnẹ rẹ avwanre rẹ avwanre ga na se sivwi avwanre nẹ ogidi erhanre na, o ji si avwanre nẹ obọ wẹn, E Ovie.

Daniẹl 3:26

Etiyin Nebukadreza de bi kẹrẹ anurhoro rẹ ogidi erhanre na epha ọ da ta, Shadrak, Meshak, vẹ Abẹdnigo , idibo rẹ Ọghẹnẹ ro me kpenu ejobi, wa yan phia, re wa yanrhe etinẹ. Etiyin Shadrak, Meshak vẹ Abẹdnigo da yan nẹ evun rẹ erhanre na rhe.

Daniẹl 6:16

Etiyin ovie na de ji urhi a da ghene reyọ Daniẹl rhe ayen de muo teye unu rẹ ikpohrokpo. Ovie na da ta kẹ Daniẹl, E jẹn Ọghẹnẹ wẹn ru wọ ga ọke ejobi sivwi uwe.

Zẹfanaya 2:3

Guọnọ Ọrovwohwo na, ovwan ihwo dẹndẹn re dia otọ na, re yọnrọ irhi rọye, guọnọ ovwata, guọnọ omaevwokpotọ; ọkeọvo se se si we nu vwẹ ẹdẹ rẹ ophu rẹ Ọrovwohwo na.

Malakae 3:18

Ọke yena re kẹ ovwan che vughe ofẹnẹ rọ hẹ ohri rẹ ọvwata vẹ oruimwemwu, vwẹ uvwre rẹ ohwo rọ ga Ọghẹnẹ vẹ ọ ro jẹ ẹga.

Matiu 24:22

Jokpa nẹ ke ru ẹdẹ na krẹ, o se vwo ohwo ọvuọvo rọ cha rhọ-ọ; ẹkẹvuọvo vwi fiki rẹ ihwo ra sanọre na, ke ru ẹdẹ na krẹ.

Matiu 24:31

Ko ji emakashe rọye vẹ owanre rode, ayen ki che se ihwo ra sanọ reyọ ejobi na, nẹ igogo ẹne rẹ akpọ na rhe, nẹ oba rẹ akpọ ọvo re te ọrivẹ.

Iyẹnrẹ Esiri ri Jọn 12:26

Ohwo da ga vwẹ, ko nene uvwe; asan re me epha, kẹ etiyin idibo mẹ je dia rhe; ohwo da ga vwẹ, Ọsẹ na kọ vwẹ ọghọ kẹ.

Iyẹnrẹ Esiri ri Jọn 3:33

ohwo rọ reyọ iseri rọye ka oka phihọ ọnana nẹ, Ọghẹnẹ hẹ uyota.

Ọbe ri Pọl si rhe Ihwo ri Rom 6:22

Asakiephana re vwo si ovwan nẹ ọviẹn rẹ umwemwu nu na rẹ ovwan rha rhe vwọ dia ọviẹn rẹ Ọghẹnẹ na, osa rẹ ovwan kẹ orufuọn, oba rọye kẹ arhọ ri bẹdẹ.

Ẹvwọphia 13:16

Ọ da nẹrhẹ ihwo ejobi, te itete te iride, te edafe te ivwiogbere, te ọmuvwiẹ te ọviẹn, nẹ a ka oka phihọ obọrhe na eyẹ arhare na,

Ẹvwọphia 13:17

ọtiọye na ohwo ọvuọvo gbe sa dẹ eyẹ shẹ-ẹ jokpa nẹ o vwo oka na, kọye hẹ, odẹ rẹ eranvwe na eyẹ unu rẹ odẹ rọye.

Ẹvwọphia 14:1

Etiyin mi de ni, nighe, Omogodẹ na de mudia vwẹ Ugbenu ri Zayọn, ihwo uriori ujughwrẹ gbẹ ẹne re si odẹ rọye kugbe odẹ rẹ Ọsẹ rọye phihọ arhare rayen.

Ẹvwọphia 14:9

Amakashe ọfa, ọrerha, de nene, ro van tanẹ, Ohwo rọ gọ eranvwe na kugbe oma rọye, ra da ka oka rọye phihọ arhare rọye eyẹ obọ rọye,

Ẹvwọphia 19:2

Kidie orhiebro rọye uyota kugbe ọsoso; o brorhiẹ rẹ igberadja rode na rọ vwẹ ọfanrhiẹ rọye miovwi akpọ na, ọ da reihri rẹ ọbara rẹ idibo rọye vwẹ obọ rọye,

Ẹvwọphia 20:4

Etiyin me da mrẹ ekete buebu, ayen de tidia ekete na, kẹ etiyin ayen otu ra vwẹ ẹdjọeguo kẹ na de guẹ. Me da mrẹ irhi rẹ ihwo buebu re bru ohọre fiki rẹ iseri rayen kpahe Jesu kugbe ota rẹ Ọghẹnẹ, kugbe ihwo ri jẹ eranvwe na kugbe oma rọye ẹga, re ka oka rọye phihọ arhare-e eyẹ obọ raye-en. Ayen da va rhe, ayen vi Kristi da re ikpe uriori.

Ẹvwọphia 22:4

ayen ke cha mrẹ opharo rọye, odẹ rọye kọ cha dia arhare rayen.

Ẹvwọphia 6:6

mi de nyo obo re họhọ urhuru vwẹ uherevie rẹ eranvwe ekpokpọ ẹne na re tanẹ, Uchunu rẹ ọka ikọba, uchunu rẹ irosu erha ikọba, ẹkẹvuọvo evwri vẹ udi re herọ e miovwẹ aye-en.

Ẹvwọphia 7:1

Rẹ ọna vwọ wan nu me da mrẹ emakashe ẹne ri mudia phihọ igogo ẹne rẹ akpọ na, re yọnrọn ọgan rẹ odju ẹne rẹ akpọ na, rere odju vwo je djuo vwe enu rẹ akpọ na eyẹ abadi eyẹ urhe kurhe.

Ẹvwọphia 7:2

Etiyin me da mrẹ amakashe ọfa ro yere kpenu nẹ obaro ọnre cha, vẹ usiaphrẹ rẹ Ọghẹnẹ ri bẹdẹ na vwẹ obọ, ọ da va se emakashe enẹ na ra vwẹ ogangan kẹ nẹ e guọghọ akpọ na kugbe abadi na,

Ẹvwọphia 9:4

a da ta kẹ ayen nẹ ayen ria odi rẹ akpọ na-a eyẹ egẹ eyẹ irhe-e, jokpa rẹ ihwo ri jẹ oka rẹ Ọghẹnẹ na evwo vwẹ arhare rayen;