Ẹvwọphia 7:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Etiyin me da mrẹ amakashe ọfa ro yere kpenu nẹ obaro ọnre cha, vẹ usiaphrẹ rẹ Ọghẹnẹ ri bẹdẹ na vwẹ obọ, ọ da va se emakashe enẹ na ra vwẹ ogangan kẹ nẹ e guọghọ akpọ na kugbe abadi na,

Ẹvwọphia 7:2 ပူးပေါင်းရင်းမြစ်များ

Ivie rẹ Ivẹ 19:4

Siẹvo yẹn Ọrovwohwo Ọghẹnẹ wẹn nyo eta ejobi ri Rabshake, rẹ onini rọye ovie rẹ Asiria ji rhe rhe ta vwọ reyọ Ọghẹnẹ ro vwo arhọ vwọ jehwẹ, kẹ Ọrovwọhwo Ọghẹnẹ wẹn na ọvo cha oja rẹ ota rẹ o nyori na; fiki rẹ ọtiọye na gba nẹ ẹrhovwo kẹ umuku ra yan jovwo na.

Solomon 8:6

Gbe ku vwe kerẹ isa phihọ udu wẹn, gba gba vwẹ mu obọ kerẹ evwarha; kidie ẹguọnọ pha gangan kerẹ ughwu; omẹriọ pha brabra kerẹ ushi. O muẹ la kerẹ erhanre, ogidi erhanre rode gangan.

Aizaya 41:2

Ọ rọ kparẹ ọvo vrẹn nẹ obaro ọnre rhe ro phiẹ kparobọ vwẹ ichiyi kichiyi? O siobọ nẹ ẹgborho na kẹ, rere ọ vwọ mrasan chiyi ivie na muotọ, ọ me vwẹ ọlọkọ rọye ru ayen kerẹ iwurhie, ọ me vwẹ umurhabọ rọye sa ayen kerẹ iphopho

Izikiẹl 9:4

Ọrovwohwo da ta kẹ, Yan wan uherevie rẹ orere na, wan uherevie ri Jerusalẹm, re wọ ka oka phihọ arhare rẹ ihwo re fiọn unu kugbe ihwo ri dirhivwẹ vwi fiki rẹ ẹgua re gberi vwẹ evun rọye.

Malakae 3:1

Nighe, mi ji ikọn mẹ rọ ra rhuẹrẹ idjerhe hẹrhẹ ovwẹ, Ọrovwohwo rẹ ovwan guọnọ na cha rhe uwevwi rọye kpregede; ọyinkọ rẹ ọphọ na rọ vwerhe ovwan oma na, nighe, ọ rọ cha, eriyin Ọrovwohwo rẹ otuofovwi na tare.

Malakae 4:2

Ẹkẹvuọvo vwọ kẹ ovwan re djẹ oshọ mẹ na uvo rẹ ọvwata cha bẹrẹ mu ayen, ọ vẹ esivwo vwẹ ibekpe rọye. Ku we che pho kerẹ upene rẹ erhuẹn ro nẹ urhuẹn rọye cha.

Matiu 16:16

Saimọn Pita da kpahe ọ da ta nẹ, Wẹ hẹ Kristi na, Ọmọ rẹ Ọghẹnẹ ri bẹdẹ na.

Matiu 26:63

Ẹkẹvuọvo Jesu de fotovwi. Ọrherẹn rode na da ta kẹ nẹ, Vwẹ ode rẹ Ọghẹnẹ ri bẹdẹ na, ta kẹ vwẹ, wẹ ghine Kristi na, Ọmọ rẹ Ọghẹnẹ na.

Iyẹnrẹ Esiri ri Jọn 6:27

Ovwan wian owian fiki rẹ emuọre rọ ghwọrọ-ọ; ẹkẹvuọvo fiki rẹ emuọre rọ tọn re te arhọ ri bẹdẹ, rẹ Ọmọ rẹ ohwo cha vwọ kẹ ovwan; kidie enu rọye ọye Ọghẹnẹ Ọsẹ na ka oka rọye phihọ.

2 Kọrẹnt 1:22

Ọ da ka oka rọye phihọ avwanre ọ de phi Erhi rọye phihọ udu rẹ avwanre kerẹ esarobọ.

Ẹfesọs 1:13

Vwẹ evun rọye ovwan, ri nyo ota rẹ uyota na, iyẹnrẹ esiri rẹ esivwo rẹ ovwan na, ri de se gbuyota, ka ka oka rẹ ive rẹ Erhi Ọfuanfon na phihọ ayen.

Ẹfesọs 4:30

We jẹn ophu muẹ Erhi Ọfuanfon rẹ Ọghẹnẹ ra vwọ kẹ ovwan nẹ ọ yonre ovwan re te ẹdẹ rẹ etanhirhe na-a.

Urhi Rivẹ 5:26

Kidie didi ohwo vwẹ ihwo na ejobi ri nyo urhuru rẹ Ọghẹnẹ rọ ta ota, nẹ evun rẹ erhanre rhe, kirobo rẹ avwanre nyoro na, rọ da rhọ?

1 Tẹsalonaika 1:9

Kidie ekpuyovwi rẹ ayen nẹ iyẹnrẹ kẹ avwanre oghẹre rẹ edede rẹ avwanre vwori vwẹ ohri rẹ ovwan, kugbe obo rẹ ovwan siobọ nẹ ẹdjọ bru Ọghẹnẹ rhe, rhe ga Ọghẹnẹ rẹ uyota ro jeghwo,

2 Timoti 2:19

Ẹkẹvuọvo uchivwo rẹ ota rẹ Ọghẹnẹ na mudia kokoroko, oka nana ri nene. Ọrovwohwo riẹn otu re dia ọrọye, E jẹn ohwo kohwo ro se odẹ rẹ Ọrovwohwo siohọ nẹ orukuruku.

Hibru 12:22

Ẹkẹvuọvo ovwan rhe yan te ugbenu ri Zayọn re, re te orere rẹ Ọghẹnẹ ri bẹdẹ na re, kọye hẹ Jerusalẹm rọ hẹ obenu na, kugbe ukoko rẹ emakashe gbidi re ghwẹ koko re orẹ,

Ẹvwọphia 1:3

Ebruba kẹ ohwo ro se eta rẹ aroẹmrẹ na phia, kugbe ebruba kẹ ayen otu ri nyoro, re da yọnre obo re si phihọ evun rọye; kidie ọke na kẹre otọ rẹ.

Ẹvwọphia 10:1

Etiyin me da mrẹ amakashe ọfa vẹ ẹgba ro wotọ nẹ odjuvwu cha, rọ vwẹ egho phopho, aphoro de mu vwẹ uyovwi rọye, opharo rọye da họhọ ọnre, awọ rọye da họhọ osunsun rẹ erhanre.

Ẹvwọphia 10:4

Ọke re agbrara ighwrẹ na vwọ van, ki mi muegbe ri mi vwo si, ẹkẹvuọvo mi de nyo urhuru ọvo ro nẹ odjuvwu rhe tanẹ, Ka oka phihọ obo rẹ agbrara ighwrẹ na tare, wo sio phihọ otọ.

Ẹvwọphia 16:12

Amakashe resan de ku udjokpo rọye phihọ urhie rode na Yufretis, ame rọye da kpọ yamu, rere ivie re hẹ obaro ọnre vwọ mrasan wan.

Ẹvwọphia 5:2

Me da mrẹ amakashe ọgangan ọvo rọ yan ghwoghwo nẹ, Ono ri fori ro rhie ọbe na rọ je sa kpare isiaphrẹ na?

Ẹvwọphia 8:3

Amakashe ọfa da rhe rhi mudia kẹrẹ agbada na ọ vẹ omoze rẹ oro vwẹ obọ; a da ghwẹ igboduma kẹ buebu rere ọ vwẹ ayen gua ẹrhovwo rẹ irherẹn na ejobi vwẹ enu rẹ agbada rẹ oro na rọ hẹ obaro rẹ ekete na;

Ẹvwọphia 9:14

rọ ta kẹ amakashe resan na ro vwo owanre na nẹ, Rhan emakashe ẹne na ra ghare vwẹ obo urhie rode ri Yufretis.

Ẹvwọphia 9:4

a da ta kẹ ayen nẹ ayen ria odi rẹ akpọ na-a eyẹ egẹ eyẹ irhe-e, jokpa rẹ ihwo ri jẹ oka rẹ Ọghẹnẹ na evwo vwẹ arhare rayen;

1 Samuẹl 17:26

Devid da ta kẹ ihwo ri mudia kẹrẹ, kidie e ru kẹ ohwo ro hwe ohwo re Filistia nana, ro de si ehwẹjẹ nẹ Izrẹl oma? Kono upheruphe nana ohwo ri Filistia nana, ro gbobọ se unuofovwi rẹ Ọghẹnẹ ri bẹdẹ na?

1 Samuẹl 17:36

Odibo wẹn hwe ikpohrokpo kugbe ikorhi; upheruphe nana ohwo ri Filistia kọ họhọ ọvo vwẹ usun rẹ ayen, kidie o gbobo se unuofovwi rẹ Ọghẹnẹ ri bẹdẹ na.