Ẹvwọphia 7:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Owẹvwe gbi hwe ayen ọfa-a, eyẹ urhuru rẹ ame gbi hwe ayen ọfa-a; uvo gbi mu ayen ọfa-a, eyẹ oheri gbi heri ayen ọfa-a.

Ẹvwọphia 7:16 ပူးပေါင်းရင်းမြစ်များ

Une rẹ Ejiro 121:5

Ọrovwohwo na ọsẹro wẹn, Ọrovwohwo na ophie wẹn; vwẹ obọrhe wẹn.

Une rẹ Ejiro 121:6

Ọnre sa bẹre mu we vwẹ uvo-o eyẹ emeranvwe vwẹ aso-on.

Une rẹ Ejiro 143:6

Me riẹn obọ mẹ bru we rhe; urhuru wẹn re si vwe kerẹ otọ re ọsha.

Une rẹ Ejiro 42:2

Urhuru rẹ Ọghẹnẹ si ẹnwẹ mẹ, kidie wẹ Ọghẹnẹ ro jeghwo Ọkevọ me cha vwọ mrẹ opharo re Ọghẹnẹ?

Une rẹ Ejiro 63:1

E Ọghẹnẹ, wẹwẹ Ọghẹnẹ mẹ, Me guọuọ owẹ, urhuru wẹn re si ẹnwẹ mẹ, uvwo rẹ oma ;me re sherua fiki wẹn, kerẹ otọ rẹ ọsha ọyaya rẹ ame epha-a.

Solomon 1:6

Wo ni vwe fiki robo mi vwo bi-i. fikiridie uvo mu vwe. Ivun mẹ miovo iniọvo mẹ, Ayen da vwo vwẹ ru ọrherotọ rẹ udju na, Ẹkẹvuọvo je me sa rhẹrẹ udju rẹ obọ mẹ-ẹ

Aizaya 25:4

Kidie wẹ hẹ odjahọ ọgangan kẹ ivwiogbere, odjahọ ọgangan kẹ otu rọ bẹn re hẹ ukpokpogho, odjahọ nẹ ogiribo ophie nẹ oheri, kidie ovan rẹ ohwo ogbarogba họhọ ogiribo rọ teyọ igbẹhẹ,

Aizaya 32:2

Ovuọvo ko dia kere asan odjahọ vwọ ke aphọpho, Urhurho vw ọ ọke re ọgiribọ, kere uto re ame vwe otọ oyaya, kerẹ uhoho re oragha rode vwe otọ ophephe

Aizaya 41:17

Ọke rẹ ovwiogbere vẹ ọ re akpọ bẹn da guọnọ ame, ye ame herọ-ọ, re ẹrenvwe rọye da yamu vẹ urhuru rẹ ame, Mẹvwẹ rẹ Ọrovwohwo re sa kpahe kẹ ayen, Mẹvwẹ Ọrovwohwo rẹ Izrẹl na sa sen aye-en

Aizaya 49:10

owẹvwe eye urhuru rẹ ame che hwe aye-en, eye uvo gbaegbae vẹ odju che mu aye-en, kidie ohwo rọ re ehrọre kẹ ayen ko sun ayen, vwẹ oma rẹ ova rẹ ame kẹ etiyin e de sun ayen.

Aizaya 65:13

Fiki rẹ ọtiọye na enẹ Ọrovwohwo Ọghẹnẹ tare: Nighere, idibo Mẹ cha re emu, ẹkẹvuọvo owẹvwe che hwe we, nighere, idibo mẹ cha da udi, ẹkẹvuọvo urhuru che hwe we, nighe, idibo Mẹ cha ghọghọ, ẹkẹvuọvo oma cha vo owẹ,

Jona 4:8

Ọke rẹ ọnre vwọ varhe, Ọghẹnẹ da vwẹ odju ọyaya rẹ obaro ọnre rhe, uvo na ko rhovwa mu Jona uyovwi ọtiọye na oma ko ron, kọ guọnọ nẹ ughwu gbe ghwe hwe ọye sievo, ọ da ta O yoma kẹ vwẹ ri mi vwo ghwu nọ ọ re me vwọ rhọ.

Matiu 13:21

Ẹkẹvuọvo ayen ghwa riẹn otọ rọye-e, o rhi vwo kri emerha, ọdavwini vẹ ukpokpogho vwọ rhe ayen de she.

Matiu 13:6

Ọke rẹ ọnre vwọ varhe, o de vwioro, fikiridie ọ vwo owọ-ọ o de ghwu.

Matiu 5:6

Ebruba kẹ ihwo rẹ owẹvwe rẹ ọvwata hwe; kidie evun cha vọn ayen.

Iyẹnrẹ Esiri ri Mak 4:17

yẹ o vwo owọ kẹ omaobọ rọye-e, ẹkẹvuọvo rẹ ayen vwọ dia emerha; ukuko rọye re, re ukpokpogho eyẹ imu vwọ rhe vwi fiki rẹ ota na, ayen de ghwe she.

Iyẹnrẹ Esiri ri Mak 4:6

ẹkẹvuọvo ọke re ọnre vwọ varhẹ, o de vwioro; kidie o vwo owọ-ọ; ọ da ya.

Iyẹnrẹ Esiri ri Luk 1:53

Ọ vwẹ emu kẹ otu rẹ owẹvwe hwe; edafe na ọ djẹ ayen kpo vẹ abọ ofefe.

Iyẹnrẹ Esiri ri Luk 6:21

Ebruba kẹ ovwan rẹ owẹvwe hwe vwẹ asakiephana, kidie evun cha vọn ovwan. Ebruba kẹ ovwan re viẹ vwẹ asakiephana, kidie ovwan cha hwẹ.

Iyẹnrẹ Esiri ri Jọn 4:14

ẹkẹvuọvo kohwo kohwo rọ da ame re me cha vwọ kẹ na urhuru rẹ ame gbi che hwe ọfa-a; ame re me cha vwọ kẹ na ko che hirhe phihọ ogbugbu rẹ ame ro duvwẹ cha re te arhọ ro vwo oba-a.

Jems 1:11

Kidie ọnre cha bẹrẹ rhe vẹ uvo ogangan, rhi mu ẹbe na, i mi rhi vwioro, idodo na mi rhi she kufia, erhuvwu rọye ejobi mi rhi ghwru kufia: eriyin ọdafe vẹ oyan rẹ eki rọye je cha phoriẹn kufia.

Ẹvwọphia 21:4

ko ririe ameoviẹ nẹ ẹro rayen, ughwu gbe cha dia ọfa-a, eyẹ omaemuohọ eyẹ oviẹ eyẹ odjadja ọfa-a, kidie emu rẹ awanre na wanvrẹn nure.