Ẹvwọphia 5:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Vwẹ uvwre rẹ ekete na kugbe eranvwe ekpokpọ ẹne na kugbe ohri rẹ ekpako na, me da mrẹ Omogodẹ ro mudia, kerẹ ọ re hweri na, vẹ ighoro ighwrẹ kugbe ẹro ighwrẹ, kọye hẹ erhi ighwrẹ rẹ Ọghẹnẹ ro ji ro akpọ na ejobi;

Ẹvwọphia 5:6 ပူးပေါင်းရင်းမြစ်များ

Zekaraya 4:10

Kidie ohwo rọ jẹ ẹdẹ re emu itete Mẹ fia cha ghọghọ, ọ cha mrẹ ovwanvwọn rẹ okokodo vwẹ obọ ri Zerubabẹl. Enana ighwrẹ na he ibiẹro rẹ Ọrovwohwo, ro vwo nẹ akpọ na ejobi duvwẹ.

Ẹvwọphia 5:12

re ta vẹ urhuru ọgangan nẹ, Omogodẹ re hweri na ọye fori, rọ reyọ ogangan kugbe efe kugbe aghwanre kugbe ẹgba kugbe ọghọ kugbe urinrin kugbe ebruba!

Iyẹnrẹ Esiri ri Jọn 1:29

Vwẹ ẹdẹ rivẹ ọ da mrẹ Jesu rọ yan bro cha, ọ da ta, Nighe, Omogegede rẹ Ọghẹnẹ, rọ ghwa imwemwu rẹ akpọ na nu!

Zekaraya 3:9

Kidie gbe nighere, vwẹ enu rẹ oragha mi vwo mu vwẹ obaro ri Joshua na, vwe enu rẹ oragha ọvuọvo rọ vwẹ epharo ighwrẹ na, Me cha tọn odẹ rọye phihọ, Ọrovwohwo rẹ otuofovwi na tarọ, ki mi si abe rẹ otọ na no ẹdọke ọvo.

Ẹvwọphia 13:8

ayen ejobi ri sheri vwẹ akpọ na ke cha gọ, kohwo kohwo re ji si odẹ rọye phihọ ọbe rẹ arhọ rẹ Omogodẹ re hweri na nẹ ẹtuọhọ rẹ akpọ na rhe-e.

Iyẹnrẹ Esiri ri Jọn 1:36

ọ da mrẹ Jesu rọ wan vrẹn, ọ da ta, Nighe, Omogegede rẹ Ọghẹnẹ na!

Ẹvwọphia 1:4

Mẹvwẹ ri Jọn ri si ọbe nana rhe ishọshi re hẹ Esha: Ẹserọphẹ dia kẹ ovwan kugbe ufuoma nẹ obọ rẹ ohwo rọ herọ vwẹ asakiephana rọ je herọ rhabae kugbe ọ rọ je cha rhe vwobọ, ji kugbe erhi ighwrẹ re hẹ obaro rẹ ekete na,

Daniẹl 7:14

Kọye vwẹ isuesun kẹ, kugbe urinrin vẹ uvie, rere ihwo ejobi, vẹ ẹgborho ejobi vẹ ephẹrẹ ejobi vwọ sa ga; isuesun rọye ọye isuesun ri bẹdẹ, ro che jẹ ẹwanvrẹn, kẹ uvie re jẹ sa ghwọrọ.

Iruo rẹ Iyinkọn na 8:32

Asakiephana ọbe ọfuanfon ro se na kọna. Kerẹ ogodẹ re suẹn re hwe eyẹ omogode ro diunu vwẹ obaro rẹ ohwo rọ vwọrọ ẹto rọye, ọtiọye o che rhie unu rọye-e.

Ẹvwọphia 22:3

Emu ọvuọvo ra harhere gbe herọ-ọ, ẹkẹvuọvo jokpa rẹ ekete rẹ Ọghẹnẹ kugbe ọ rẹ Omogodẹ na ọvo re hẹ evun rọye, idibo rọye ke cha gọ;

2 Ikun rẹ Ivie 16:9

Kidie ẹro rẹ Ọrovwohwo djuẹ kpenẹ kpenẹ wan akpọ na ejobi, ro vwo dje ẹgba rọye kpahe ihwo rẹ udu rọye fon kpahọ. Wo ru emu ẹkpa vwẹ Ọnana, kẹ etinẹ yanran ku wọ cha mrẹ ofovwi phi.

Ẹvwọphia 22:1

Etiyin ọ da vwẹ urhie rẹ ame rẹ arhọ na vwọ nẹ vwẹ, ọ pha ghologholo, rọ djẹ nẹ ekete rẹ Ọghẹnẹ na kugbe ọ rẹ Omogodẹ na cha

Ẹvwọphia 21:23

Orere na rha guọnọ ọnre eyẹ emeranvwe ro lo vwọ-ọ, kidie urinrin rẹ Ọghẹnẹ ọvo ọye hẹ urhukpẹ rọye, urhukpẹ rọye kọye hẹ Omogodẹ na.

Ẹvwọphia 17:14

ayen ke cha vwẹ ofovwi so Omogodẹ na, Omogodẹ na ko phi ayen kua, kidie ọye hẹ Ọrovwohwo ro vwo ihwo ejobi kugbe Ovie ro vwo ivie ejobi, ayen otu re vẹ ọye gba herọ ayen o seri rọ jẹreyọ ri segbuyota.

Ẹvwọphia 12:11

Ayen da vwẹ ọbara rẹ Omogodẹ na phio kparobọ kugbe ota rẹ iseri rayen, ayen se ẹnwẹn rayen gbe emuọvo-o ayen je davwerhọn rẹ ughwu-u.

Ẹvwọphia 6:16

ri bunu se igbenu na kugbe eragha na, Shenyẹ avwanre re wo si avwanre nu kẹ opharo rẹ ohwo ro tidia vwẹ enu rẹ ekete na, ji kugbe ophu rẹ Omogodẹ na;

Iyẹnrẹ Esiri ri Luk 1:69

ọ kpare ighoro rẹ esivwo kẹ avwanre vwẹ uwevwi ri Devid odibo rọye,

1 Samuẹl 2:10

Ivwighrẹn rẹ Ọrovwohwo ejobi ka ghwọrọ ayen vworo vworo; enu kọ cha van ku ayen. Ọrovwohwo che guẹdjọ rẹ oba rẹ akpọ na; ọ cha vwẹ ogangan kẹ ivie rọye, ọ me rha kpare ogangan rẹ ọ rọ jẹreyọ na kpenu.

Habakọk 3:4

Elo rọye kerẹ urhukpẹ ọ rọ sa edada nẹ abọ rọye cha; kẹ etiyin ọ da vwẹ ogangan rọye nẹ.

Maika 4:13

Vrẹn rere wo wuye, E Ọmọtẹ ri Zayọn, kidie mi che ru ighoro wẹn hirhe phihọ utehru ichihotọ wẹn kerẹ ẹrovwo; ku wo che hwe ihwo buebu vworovworo, ka cha vwẹ erere rayen ze kẹ Ọrovwohwo, efe rayen kẹ Ọrovwohwo ro vwo akpọ soso.

Ukeri 7:57

upene rẹ erhuẹn ọshare ọvo, egbo ọvo, omogodẹ ọshare ọvo upene rẹ ẹgbukpe ọvo re vwo ze izobo rẹ ẹtorhẹ;

Daniẹl 8:3

Me vwọ kpare opharo me da mrẹ, nighe, egbo ọvo ro mudia phihọ egbẹn rẹ urhie na. O vwo ighoro ivẹ, ighoro ive na da tan kpenu, ẹkẹvuọvo ọvo de kpenu nọ ọrivẹ, ọ ro me kpenu na kọye tanrhe ka uko.

Ẹvwọphia 4:8

Ọvuọvo vwẹ eranvwe ekpokpọ ẹne na, de vwo ibekpe esan, e da vọn vẹ ibiẹro riariẹ ji kugbe obo evun, ayen vwo omaerovwo rẹ une ẹsuọ vwẹ ason kugbe uvo-o, tanẹ. Ẹfuọn, ẹfuọn, ẹfuọn, ọye hẹ Ọrovwohwo Ọghẹnẹ Ọrovwoẹgba, ohwo rọ herọ rhabae rọ je herọ vwẹ asakiephana rọ je cha dia bẹdẹ.

Ẹvwọphia 5:11

Mi vwo ni, mi de nyo urhuru rẹ emakashe buebu re riariẹ ekete na phihọ kugbe eranvwe na kugbe ekpako na, unu rayen oduduru vware oduduru kugbe uriori vware uriori,

Ẹvwọphia 5:13

Mi de nyo eranvwe keranvwe vwẹ evun rẹ odjuvwu kugbe akpọ na kugbe evun rẹ otọ rẹ akpọ na kugbe abadi na, kugbe obo re hẹ evun rẹ ayen ejobi, tanẹ, Ebruba kugbe ọghọ kugbe urinrin kugbe ẹgba kẹ ohwo ro tidia vwẹ enu rẹ ekete na kugbe Omogodẹ na bẹdẹ bẹdẹ!

Ẹvwọphia 5:14

Eranvwe ekpokpọ ẹne na da ta, Isẹ! ekpako na de she diguẹ ayen da gọ.

Ẹvwọphia 14:1

Etiyin mi de ni, nighe, Omogodẹ na de mudia vwẹ Ugbenu ri Zayọn, ihwo uriori ujughwrẹ gbẹ ẹne re si odẹ rọye kugbe odẹ rẹ Ọsẹ rọye phihọ arhare rayen.

Ẹvwọphia 21:22

Me mrẹ uwevwi rẹ ẹga vwẹ evun rẹ orere na-a, kidie uwevwi rẹ ẹga rọ herọ ọye hẹ Ọrovwohwo Ọghẹnẹ Ọrovwoẹgba kugbe Omogodẹ na.

Ukeri 7:39

upene rẹ erhuẹn rẹ ọshare ọvo, egbo ọvo, omogodẹ rẹ ọshare ọvo upene rẹ ẹgbukpe ọvo, re vwo ze izobo rẹ ẹtorhẹ;