Ẹvwọphia 4:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọvuọvo vwẹ eranvwe ekpokpọ ẹne na, de vwo ibekpe esan, e da vọn vẹ ibiẹro riariẹ ji kugbe obo evun, ayen vwo omaerovwo rẹ une ẹsuọ vwẹ ason kugbe uvo-o, tanẹ. Ẹfuọn, ẹfuọn, ẹfuọn, ọye hẹ Ọrovwohwo Ọghẹnẹ Ọrovwoẹgba, ohwo rọ herọ rhabae rọ je herọ vwẹ asakiephana rọ je cha dia bẹdẹ.

Ẹvwọphia 4:8 ပူးပေါင်းရင်းမြစ်များ

Jẹnẹsis 17:1

Ọke rẹ Ebram vwọ ikpe ọvo nuro vwẹ ujori re Ọrovwohwo da vwẹ oma phia kẹ Ebram, ọ da ta kẹ, Mẹvwẹ Ọghẹnẹ ro vwo Ẹgba, yan nene uvwe, wo gbe ẹgua-a.

Une rẹ Ejiro 91:1

Ohwo rọ dia otọ re ophie rẹ Oro Me Kpenu na, rọ dia evun re uhoho rẹ Ọrovwogangan na,

Ẹyano 15:11

Ono re họhọ owẹ, E Ọrovwohwo, vwẹ ohri rẹ eghẹnẹ na ejobi? Ono re họhọ owẹ, vwẹ ọrho vẹ ẹfuọn, ro muoshọ vwẹ iruo rẹ urinrin, ro ruẹ emu rẹ igbunu?

Ẹyano 3:14

Ọghẹnẹ da ta kẹ Mosis, “MẸVWẸ ỌYE ỌMẸVWẸ.” Ọ da ta, “Vuẹ ayen nẹ, ‘MẸVWẸ ọyen ju vwe bru ovwan rhe.’ ”

Aizaya 13:6

Beroma, kidie ẹdẹ rẹ Ọrovwohwo na kẹrire, kerẹ ẹghwọrọ ro nẹ obọ rẹ Ọrovwoẹgba rhe eriyin ọ cha rhe!

Aizaya 62:1

Fiki ri Zayọn Mi se rhurhu unu-u, fiki ri Jerusalẹm Mi se rovwoma-a, bẹsiẹ rẹ ase rọye che vwo lo phia wrowro, esivwo rọye kerẹ urhukpẹ ro la.

Izikiẹl 1:18

Idjugẹn ẹne de vwo irhiẹ ayen de ji vwo ibigẹn; irhiẹ rayen na da vọn vẹ ibiẹro riariẹ.

Izikiẹl 1:5

Vwẹ uherevie rọye uhọhọ rẹ eranvwe ekpokpọ ẹne de nọ rhe. Kẹ enẹ ayen họhọre: ayen de vwo oma kerẹ ihwo rẹ akpọ,

Izikiẹl 1:6

ẹkẹvuọvo ọvuọvo de vwo epharo ẹne, ọvuọvo rọye de vwo ibekpe ẹne.

Izikiẹl 10:12

Adjugẹ rayen, kugbe ibigẹ rayen, kugbe adjugẹ na da vọn vẹ ibiẹro riariẹ–adjugẹ rẹ ayen ihwo ẹne na vwori.

Joẹl 1:15

Eghwo kẹ ẹdẹ na! Kidie ẹdẹ rẹ Ọrovwohwo na kerire, kerẹ ẹghwọrọ ro nẹ obọ rẹ Ọrovwoẹgba cha– eriyin ọ cha rhe.

Iruo rẹ Iyinkọn na 20:31

We gbe jeje oma, re wa karohọ nẹ ikpe erha soso mi gbẹdẹ-ẹ te ason te uvo me vwọ vwẹ oviẹ brẹ ovwan uche.

2 Kọrẹnt 6:18

ke me dia ọsẹ kẹ ovwan, ovwan ke dia emeshare mẹ vẹ emetẹ mẹ, eriyin Ọrovwohwo ro vwo Ẹgba na tare.

1 Tẹsalonaika 2:9

Imoni, ovwan karohọ owian rẹ avwanre kugbe oma elagha rẹ avwanre; obo rẹ avwanre wian te ason te uvo, rere avwanre vwo jẹ oghwa ẹdia kẹ ovwan, vwẹ ọke rẹ avwanre de ghwoghwo iyẹnrẹ esiri rẹ Ọghẹnẹ na kẹ ovwan.

1 Timoti 4:16

Sẹro rẹ oma wẹn kugbe uyono wẹn; yọnre ọyena, kidie wo de ru ọtiọye ku wo sivwi oma wẹn kugbe ayen otu ri nyo we.

2 Timoti 4:2

Ghwoghwo ota na, kpata kpata vwẹ evwru eyẹ vwẹ oghẹre rẹ ọke ejobi, vwẹ erhiori wo jọ bẹn wẹ-ẹ, ta rọ ro ohwo ghwo, bru uche,

Hibru 13:8

Obo ri Jesu epha vwẹ odẹ ro kpori na eriyin ọ epha nonẹ na eriyin ọ je cha dia bẹdẹ.

Ẹvwọphia 1:4

Mẹvwẹ ri Jọn ri si ọbe nana rhe ishọshi re hẹ Esha: Ẹserọphẹ dia kẹ ovwan kugbe ufuoma nẹ obọ rẹ ohwo rọ herọ vwẹ asakiephana rọ je herọ rhabae kugbe ọ rọ je cha rhe vwobọ, ji kugbe erhi ighwrẹ re hẹ obaro rẹ ekete na,

Ẹvwọphia 1:8

Mẹvwẹ hẹ Ẹsosuọ na kugbe Oba na, eriyin Ọrovwohwo Ọghẹnẹ na tare, ohwo rọ herọ vwẹ asakiephana rọ je herọ rhabae kugbe ọ rọ je cha rhe vwobọ, Ọrovwoẹgba na.

Ẹvwọphia 11:17

tanẹ, Avwanre vwẹ ẹkpẹvwẹ kẹ wẹ, Ọrovwohwo Ọghẹnẹ ọrovwoẹgba, rọ herọ rọ je herọ jovwo, wọ reyọ ogangan wẹ rode na re kẹ owẹ ri suẹn.

Ẹvwọphia 14:11

Ivwirhi rẹ odjadja rayen na de ghworo kpenu rhiri bẹdẹ; ayen rhe vwo omaerovwo-o, ason eyẹ uvo-o, vwọ kẹ otu nana re gọ eranvwe na kugbe oma rọye, kugbe ohwo kohwo ro vwo oka rẹ odẹ rọye.

Ẹvwọphia 14:3

ayen da so une ọkpokpọ vwẹ obaro rẹ ekete na kugbe obaro rẹ eranvwe ekpokpọ ẹne na kugbe obaro rẹ ekpako na. Ohwo ọvuọvo riẹn une na-a jokpa rẹ uriori ujori kugbe ujughwrẹ gbẹ ẹne na ra tanhirhe nẹ evun rẹ akpọ na.

Ẹvwọphia 15:3

Ayen da so une ri Mosis, Odibo rẹ Ọghẹnẹ na, kugbe une rẹ Omogodẹ na, tanẹ, Iruo wẹn pha rhuarho igbunu, E Ọrovwohwo Ọghẹnẹ Ọrovwoẹgba! Ọsoso kugbe uyota hẹ idjerhe wẹn, E Ovie rẹ oge ejobi.

Ẹvwọphia 15:7

Ọvo vwẹ usun rẹ eranvwe ekpokpọ ẹne na da vwẹ idjokpo ighwrẹ re vọnre vẹ ophu rẹ Ọghẹnẹ rọ herọ bẹdẹ bẹdẹ na vwọ kẹ emakashe ighwrẹ na;

Ẹvwọphia 16:14

kidie enana irhi rẹ idẹbono, ri ruẹ iruo rẹ eka, re hrabọ bru ivie rẹ akpọ na ejobi, ri se ayen koko ra hẹrhẹ ofovwi rẹ ẹdẹ rode rẹ Ọghẹnẹ Ọrovwoẹgba na.

Ẹvwọphia 16:7

Mi de nyo agbada na rọ viẹ E, Ọrovwohwo Ọghẹnẹ Ọrovwoẹgba uyota vẹ ọsoso ọye orhiebro wẹn epha

Ẹvwọphia 19:15

Ọlọkọ rọ dan prẹprẹ de yoro nẹ unu rọye rhe kọye ọ vwọ nyavwe ẹgborho na hwe, kọ vwẹ ọkpọ rẹ utehru sun ayen; ko che chiyi okọ rẹ imiemi rẹ ophu rẹ Ọghẹnẹ Ọrovwoẹgba.

Ẹvwọphia 19:4

Ekpako uje gbẹ ẹne na kugbe eranvwe ekpokpọ ẹne na de she diguẹ ayen da gọ Ọghẹnẹ ro tidia vwẹ enu rẹ ekete na, tanẹ, Isẹ. Hi Iye.

Ẹvwọphia 21:22

Me mrẹ uwevwi rẹ ẹga vwẹ evun rẹ orere na-a, kidie uwevwi rẹ ẹga rọ herọ ọye hẹ Ọrovwohwo Ọghẹnẹ Ọrovwoẹgba kugbe Omogodẹ na.

Ẹvwọphia 3:7

Kẹ enẹ o si rhe amakashe rẹ ishọshi ri Filadẹlfia. Eta rẹ ọfuanfon ọvuọvo na, ohwo rẹ uyota na, ro vwo usiaphrẹ ri Devid, ohwo ro rhie nẹ ohwo ọfa se huho-o, ro de huho nu ohwo ọfa se rhie-e.

Ẹvwọphia 4:4

Ekete uje gbẹ ẹne da riariẹ ekete na phihọ. Me da mrẹ ekpako uje gbẹ ẹne ri tidia enu rẹ ekete na, ri ku iwun efuanfon phihọ, aye vwẹ erhu rẹ oro tughẹ.

Ẹvwọphia 4:6

abadi ọvo ro do ghroghro da hẹ obaro rẹ ekete na kerẹ abadi rẹ ughegbe rọ ro aro. Vwẹ abọ ọvuọvo rẹ ekete na, re riariẹ ekete na phihọ, eranvwe ekpokpọ ẹne herọ, re vọnre vẹ ibiẹro vwẹ obaro vẹ obuko.

Ẹvwọphia 4:9

Kọke kọke rẹ eranvwe ekpokpọ na da vwẹ urinrin kugbe ọghọ kugbe ẹkpẹvwẹ vwọ kẹ ohwo ro tidia vwẹ enu rẹ ekete na, rọ rhọre bẹdẹ na,

Ẹvwọphia 5:6

Vwẹ uvwre rẹ ekete na kugbe eranvwe ekpokpọ ẹne na kugbe ohri rẹ ekpako na, me da mrẹ Omogodẹ ro mudia, kerẹ ọ re hweri na, vẹ ighoro ighwrẹ kugbe ẹro ighwrẹ, kọye hẹ erhi ighwrẹ rẹ Ọghẹnẹ ro ji ro akpọ na ejobi;

Ẹvwọphia 6:1

Asakiephana re me vwọ mrẹ Omogodẹ na ro rhie ọvo vwẹ isiaphrẹ ighwrẹ na, mi de nyo ọvo vwẹ eranvwe ẹne ekpokpọ na ta, kerẹ urhuru rẹ agbrara nẹ, Yanrhe!

Ẹvwọphia 6:6

mi de nyo obo re họhọ urhuru vwẹ uherevie rẹ eranvwe ekpokpọ ẹne na re tanẹ, Uchunu rẹ ọka ikọba, uchunu rẹ irosu erha ikọba, ẹkẹvuọvo evwri vẹ udi re herọ e miovwẹ aye-en.

Ẹvwọphia 7:11

Yẹ emakashe na ejobi mudia riariẹ ekete na je riariẹ ekpako na kugbe eranvwe ekpokpọ ẹne na, ayen de she bọvwọn opharo rhuotọ vwẹ obaro rẹ ekete na ayen da gọ Ọghẹnẹ,

Ẹvwọphia 7:15

Kọye ayen vwo mudia vwẹ obaro rẹ ekete rẹ Ọghẹnẹ na, ke ga te ason te uvo vwẹ evun rẹ uwevwi rẹ ẹga na; ọ ro tidia vwẹ enu rẹ ekete na kọ bẹrẹ ibekpe sa ayen.