Ẹvwọphia 4:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ eranvwe ọkpokpọ rẹsosuọ da họhọ okpohrokpo, eranvwe ọkpokpọ rivẹ da họhọ erhuẹn, eranvwe ọkpokpọ rerha de vwo opharo rẹ ohwo, eranvwe ọkpokpọ rẹne da họhọ ugo rọ rhan.

Ẹvwọphia 4:7 ပူးပေါင်းရင်းမြစ်များ

Jẹnẹsis 49:9

Juda ọmọ rẹ okpohrokpo; vwẹ eranvwe emuo, ọmọ mẹ, wo de vrẹn kpenu. Orhuẹri, o fiọnko kiri okpohrokpo, kiri okpohrokpo rẹ aye, kono ri se guegue?

2 Samuẹl 1:23

Sọl vẹ Jonatan, guọnọ ohwohwo gangan! Vwẹ arhọ yẹrẹ ughwu ayen hẹriẹ oma-a; ayen rhan phẹrẹ nọ igo, ayen goma nọ ikpohrokpo.

Isẹ 28:2

Otọ de fi ẹdjọ ihwo ri suo ki buebu, ẹkẹvuọvo ihwo ri vwo iroro vẹ erianriẹn da herọ kọ se muẹdia krekri.

Aizaya 40:31

ẹkẹvuọvo ihwo re hẹrhẹ Ọrovwohwo cha rhiọ ogangan rayen, ke cha tan ibekpe kerẹ ugo, ayen cha dje oma ghwọrọ aye-en, ayen cha yan oma che ro aye-en

Izikiẹl 1:10

Vwọ kẹ obo rẹ epharo rayen họhọre, ọvuọvo vwo opharo rẹ ohwo vwẹ obaro; ẹne na de vwo opharo rẹ okpohrokpo vwẹ ẹbẹre rẹ obọrhe, ẹne na de vwo opharo rẹ erhuẹn vwẹ ẹbẹre rẹ obọhwẹre, ẹne na de vwo opharo rẹ ugo vwẹ obuko.

Izikiẹl 1:8

Vwẹ obotọ rẹ ibekpe rayen na vwẹ ẹbẹre ẹne na ayen de vwo abọ rẹ ohwo. Ayen ẹne na de vwo epharo rayen kugbe ibekpe rayen ọtiọna:

Izikiẹl 10:14

Ọvuọvo rayen de vwo epharo ẹniẹne opharo rẹ ẹsosuọ da họhọ opharo ri shẹrub, opharo rivẹ da họhọ opharo re ohwo, opharo rerha da họhọ opharo rẹ okpohrokpo, opharo rẹne da họhọ opharo rẹ ugo.

Izikiẹl 10:21

Ọvuọvo vwo epharo ẹne, ọvuọvo ibekpe ẹne, vwẹ obotọ rẹ ibekpe rayen na da họhọ abọ rẹ ohwo rẹ akpọ.

Daniẹl 7:4

Ọ rẹsosuọ da họhọ okpohrokpo vẹ ibekpe rẹ ugo. Ọke mi vwo no re a da sanvwẹ ibekpe rọye nu, a da kparọ nẹ otọ e de vwo mudia vwẹ awọ rọye ivẹ kerẹ ohwo; iroro rẹ ohwo kọye a vwọ kẹ.

Ọbe rẹ Ọmraro Ọbadaya Obadaya 1:4

Owenẹ wọ rhan kpenu kerẹ Ugo, owenẹ wọ bọn ẹho wẹn phihọ ohri rẹ isio, oboyi mi de che si we rhe otọ, eriyin Ọrovwohwo tare.

Ukeri 23:24

Nighere, ihwo ẹvo! Kere okpohrokpo rẹ aye o ro vrẹn kerẹ okporhokpo rẹ ọshare rọ kpare oma rọye; o che rhuẹ-ẹn bẹsiẹ rọ vwọ chẹghẹ eranvwe rọye nu, rọ da da ọbara rọ rẹ emu ro hweri.

Ukeri 24:9

O fiọnko, o rhuẹri kerẹ okpohrokpo, kerẹ okpohrokpo rẹ aye, kono re sa rhọvwọ? Ebruba kẹ ohwo kohwo ro bruba kẹ wẹ, ekan kẹ ohwo kohwo rọ harhe owẹ.

1 Kọrẹnt 14:20

Imoni, ovwan rhe se oma rẹ ovwan emọ vwẹ iroro rẹ ovwa-an; wa dia emọ vwẹ umwemwu, ẹkẹvuọvo vwẹ iroro wa dia omiragua.

Urhi Rivẹ 28:49

Ọrovwohwo cha reyọ ẹgborho ọfa nẹ ogboko rhe ri mu kpahe ovwan, nẹ oba rẹ akpọ na rhe kpata kpata kerẹ ugo rọ rhan, ẹgborho ro wa riẹn ephẹrẹ rọye-e

Ẹvwọphia 4:6

abadi ọvo ro do ghroghro da hẹ obaro rẹ ekete na kerẹ abadi rẹ ughegbe rọ ro aro. Vwẹ abọ ọvuọvo rẹ ekete na, re riariẹ ekete na phihọ, eranvwe ekpokpọ ẹne herọ, re vọnre vẹ ibiẹro vwẹ obaro vẹ obuko.

Ẹvwọphia 6:3

Ọke ro vwo novie usiaphrẹ rivẹ, mi de nyo eranvwe ọkpokpọ rivẹ na rọ tanẹ, Yanrhe!

Ẹvwọphia 6:5

Ọke ro vwo novie usiaphrẹ rerha, mi de nyo eranvwe ọkpokpọ rerha rọ tanẹ, Yanrhe! Me vwọ mrẹ, nighe, esi obiebi, kugbe ohwo rọ gua ro vwo ovwanvwọn vwẹ obọ;

Ẹvwọphia 6:7

Ọke ro vwo novie usiaphrẹ rẹne, mi de nyo urhuru rẹ eranvwe ọkpokpọ rẹne rọ tanẹ, Yanrhe!