Ẹvwọphia 4:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ abadi ọvo ro do ghroghro da hẹ obaro rẹ ekete na kerẹ abadi rẹ ughegbe rọ ro aro. Vwẹ abọ ọvuọvo rẹ ekete na, re riariẹ ekete na phihọ, eranvwe ekpokpọ ẹne herọ, re vọnre vẹ ibiẹro vwẹ obaro vẹ obuko.

Ẹvwọphia 4:6 ပူးပေါင်းရင်းမြစ်များ

1 Ivie 7:23

Etiyin o de duvwu abadi ọwram na; o de ki riariẹ, kubit ihwe nẹ eghẹn rẹ ẹgbẹn, enuẹra rọye kubit iyori, okiriariẹ rọye kẹ kubit ọgban ọye a ma .

ỌBE RẸ JOB 28:17

Oro vẹ ughegbe e se vwo dje-e, eyẹ e se vwo wene irhu vẹ oro oyoyovwi-i.

Ẹyano 38:8

Ọ da rha vwẹ ẹrovwo ru oze na, usikẹ rọye kẹ ẹrovwo nẹ ighegbe rẹ eya re ga ẹga na re ga ẹga vwẹ asan unurhoro rẹ utughẹ ra da vwa oma na.

Izikiẹl 10:12

Adjugẹ rayen, kugbe ibigẹ rayen, kugbe adjugẹ na da vọn vẹ ibiẹro riariẹ–adjugẹ rẹ ayen ihwo ẹne na vwori.

Izikiẹl 10:14

Ọvuọvo rayen de vwo epharo ẹniẹne opharo rẹ ẹsosuọ da họhọ opharo ri shẹrub, opharo rivẹ da họhọ opharo re ohwo, opharo rerha da họhọ opharo rẹ okpohrokpo, opharo rẹne da họhọ opharo rẹ ugo.

Ẹvwọphia 14:3

ayen da so une ọkpokpọ vwẹ obaro rẹ ekete na kugbe obaro rẹ eranvwe ekpokpọ ẹne na kugbe obaro rẹ ekpako na. Ohwo ọvuọvo riẹn une na-a jokpa rẹ uriori ujori kugbe ujughwrẹ gbẹ ẹne na ra tanhirhe nẹ evun rẹ akpọ na.

Ẹvwọphia 15:2

Etiyin me da mrẹ obo re họhọ abadi rẹ ughegbe ra vwẹ erhanre gua kugbe, kugbe ihwo ri phi eranvwe na kparobọ na kugbe oma rọye kugbe unu rẹ odẹ rọye, ri mudia kẹrẹ abadi rẹ ughegbe na vẹ isorogun rẹ Ọghẹnẹ na vwẹ abọ rayen.

Ẹvwọphia 15:7

Ọvo vwẹ usun rẹ eranvwe ekpokpọ ẹne na da vwẹ idjokpo ighwrẹ re vọnre vẹ ophu rẹ Ọghẹnẹ rọ herọ bẹdẹ bẹdẹ na vwọ kẹ emakashe ighwrẹ na;

Ẹvwọphia 19:4

Ekpako uje gbẹ ẹne na kugbe eranvwe ekpokpọ ẹne na de she diguẹ ayen da gọ Ọghẹnẹ ro tidia vwẹ enu rẹ ekete na, tanẹ, Isẹ. Hi Iye.

Ẹvwọphia 21:11

o vwo urinrin rẹ Ọghẹnẹ, elo rọye da họhọ irhu rọ ma ghare, kerẹ ubioragha ro lo wrawra.

Ẹvwọphia 21:18

Ibieragha ri lo wrowro a vwọ bọn igbẹhẹ na, yẹ evun rẹ orere na kẹ omamọ rẹ oro, wrowro kerẹ ughegbe.

Ẹvwọphia 21:21

Inurhoro ihwivẹ na Pẹl ihwivẹ e vwo ru ayen, anurhoro ọvuọvo na vwo Pẹl ọvuọvo, urhuvwu rẹ orere na oro a vwọ vọnrhọ, o lo wrowro kerẹ ughegbe.

Ẹvwọphia 22:1

Etiyin ọ da vwẹ urhie rẹ ame rẹ arhọ na vwọ nẹ vwẹ, ọ pha ghologholo, rọ djẹ nẹ ekete rẹ Ọghẹnẹ na kugbe ọ rẹ Omogodẹ na cha

Ẹvwọphia 4:4

Ekete uje gbẹ ẹne da riariẹ ekete na phihọ. Me da mrẹ ekpako uje gbẹ ẹne ri tidia enu rẹ ekete na, ri ku iwun efuanfon phihọ, aye vwẹ erhu rẹ oro tughẹ.

Ẹvwọphia 5:11

Mi vwo ni, mi de nyo urhuru rẹ emakashe buebu re riariẹ ekete na phihọ kugbe eranvwe na kugbe ekpako na, unu rayen oduduru vware oduduru kugbe uriori vware uriori,

Ẹvwọphia 5:14

Eranvwe ekpokpọ ẹne na da ta, Isẹ! ekpako na de she diguẹ ayen da gọ.

Ẹvwọphia 5:6

Vwẹ uvwre rẹ ekete na kugbe eranvwe ekpokpọ ẹne na kugbe ohri rẹ ekpako na, me da mrẹ Omogodẹ ro mudia, kerẹ ọ re hweri na, vẹ ighoro ighwrẹ kugbe ẹro ighwrẹ, kọye hẹ erhi ighwrẹ rẹ Ọghẹnẹ ro ji ro akpọ na ejobi;

Ẹvwọphia 5:8

Ọke rọ vwọ reyọ ọbe na nu eranvwe ekpokpọ ẹne na kugbe ekpako uje gbe ẹne na de she diguẹ vwẹ obaro rẹ Omogodẹ na, ọvuọvo yọnrọn isorogu, kugbe udjokpo rẹ oro rọ vọnre vẹ ugboduma, keye hẹ ẹrhovwo rẹ ihwo efuanfon na;

Ẹvwọphia 6:1

Asakiephana re me vwọ mrẹ Omogodẹ na ro rhie ọvo vwẹ isiaphrẹ ighwrẹ na, mi de nyo ọvo vwẹ eranvwe ẹne ekpokpọ na ta, kerẹ urhuru rẹ agbrara nẹ, Yanrhe!

Ẹvwọphia 6:6

mi de nyo obo re họhọ urhuru vwẹ uherevie rẹ eranvwe ekpokpọ ẹne na re tanẹ, Uchunu rẹ ọka ikọba, uchunu rẹ irosu erha ikọba, ẹkẹvuọvo evwri vẹ udi re herọ e miovwẹ aye-en.

Ẹvwọphia 7:11

Yẹ emakashe na ejobi mudia riariẹ ekete na je riariẹ ekpako na kugbe eranvwe ekpokpọ ẹne na, ayen de she bọvwọn opharo rhuotọ vwẹ obaro rẹ ekete na ayen da gọ Ọghẹnẹ,

Ẹvwọphia 7:17

Kidie Omogodẹ na rọ hẹ uherevie rẹ ekete na kọ dia osuigegede rayen, ko sun ayen kpo ogbugbu rẹ arhọ na; Ọghẹnẹ ko rhie ameoviẹ nẹ ayen ẹro.