Ẹvwọphia 4:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Siẹvuọvo na me da hẹ evun rẹ Erhi na, mi vwo ni, ekete ọvo de mudia vwẹ obo odjuvwu, ohwo ọvo de tidia vwẹ enu rẹ ekete na!

Ẹvwọphia 4:2 ပူးပေါင်းရင်းမြစ်များ

1 Ivie 22:19

Maikaya da ta, Vwẹ ọtiọye na gbe nyo ota rẹ Ọrovwohwo: Me mrẹ Ọrovwohwo ro tidia vwẹ enu rẹ ekete rọye, otu rẹ odjuvwu ejobi de mudia kẹrẹ vwẹ obọrhe vẹ obọhwẹre rọye;

Une rẹ Ejiro 11:4

Ọrovwohwo ọ he evun rẹ uwevwi ọfuanfọn rọye, Ekete rẹ Ọrovwohwo ọ hẹ obo odjuvwu; ẹro rọye mrẹ, iphọphẹro rọye davwa, emọ rẹ ihwo rẹ akpọ.

Aizaya 6:1

Vwẹ ukpe rẹ Ovie Uzaya ghwuru na me da mrẹ Ọrovwohwo ro tidia phihọ enu re ekete, ro kpenu gogorogo, ejọjọ rẹ ewun rọye da vọn ọgua na.

Jerimaya 17:12

Ekete rẹ urinrin re mu phihọ nẹ ẹtuọhọ rhe ọye hẹ ẹshẹ rẹ avwanre.

Izikiẹl 1:26

Vwẹ obenu rẹ Irharheghe na vwẹ obenu rẹ iyovwi rayen emu ọvo da herọ rọ họhọ ekete, ra mrẹ kere ubioragha ro lo, ro tidia vwẹ obenu rẹ emu rọ họhọ ekete na ovọ da herọ rọ họhọ ekroma rẹ ohwo.

Izikiẹl 1:28

Kere uhoho rẹ aphoro vwẹ irharheghe vwẹ ẹdẹ rẹ osio, ọtiọye elo rẹ uhoho na epha riariẹ. Ọtiọye ekroma na họhọ urinrin rẹ Ọrovwohwo na. Ọke me vwọ mrẹ, mi de she bọvwọn opharo rhuotọ, mi de nyo urhuru rẹ ohwo ọvo rọ ta ota.

Izikiẹl 10:1

Etiyin mi de ni, nighere, vwẹ o bi irharheghe rọ hẹ obenu rẹ uyovwi ri shẹrobim na emu ọvo de yoro phia vwọ kere oragha ro lo, rọ họhọ ekete.

Daniẹl 7:9

Mi vwo no, a da ghan ekete phihọ etiyin ọvo rọ herọ nẹ awanre rhe de tidia; ewun rọye kọ fuan popo kerẹ imicho, ẹton rọ hẹ uyovwi rọye kọ epha kerẹ oruru, ekete rọye, kerẹ erhanre rọ la gidigidi idjugẹ rọye kerẹ erhanre rọ la.

Matiu 22:43

Ọ da ta kẹ ayen nẹ, Komavọ Devid rha vwọ dia obo Erhi se nẹ Ọrovwohwo.

Hibru 8:1

Asakiephana obo rẹ avwanre ta na kẹ ọna: avwanre vwo orherẹn rode ọtiọye, ọ ro tidia phihọ obọrhe rẹ ekete rẹ ọ ro vwo Ọrho vwẹ obo odjuvwu.

Ẹvwọphia 1:10

Me da hẹ evun rẹ Erhi na vwẹ ẹdẹ rẹ Ọrovwohwo na, kọye mi de nyo urhuru ọvo rode vwẹ obuko mẹ kerẹ owanre,

Ẹvwọphia 12:5

o de vwiẹ ọmọshare ọ rọ cha vwẹ ọkpọ rẹ utehru sun ẹgborho ejobi, ẹkẹvuọvo e de fru ọmọ na rhe Ọghẹnẹ vwẹ obo ekete rọye,

Ẹvwọphia 17:3

O de rhi mu uvwe yanran vwẹ evun rẹ Erhi na vwo kpo evun rẹ aghwa, me da mrẹ aye ọvo ro tidia vwẹ enu rẹ eranvwe ọvwavware ọvo rọ vọnre vẹ edẹ rẹ ophọphọvwe, o de vwo iyovwi ighwrẹ kugbe ighoro ihwe.

Ẹvwọphia 19:4

Ekpako uje gbẹ ẹne na kugbe eranvwe ekpokpọ ẹne na de she diguẹ ayen da gọ Ọghẹnẹ ro tidia vwẹ enu rẹ ekete na, tanẹ, Isẹ. Hi Iye.

Ẹvwọphia 20:11

Etiyin me da mrẹ ekete ọfuanfon rode ọvo kugbe ohwo ro tidia enu rọye; opharo rẹ ohwo ro tidia na da nẹrhẹ akpọ vẹ odjuvwu va djẹ, a gbe mrẹ asan vwọ kẹ aye-en.

Ẹvwọphia 21:10

Vwẹ obo Erhi na o de mu uvwe yanran kpo obo ugbenu rode ro kpenu, ọ da vwẹ Jerusalẹm orere ọfuanfon na nẹ vwẹ ro wotọ nẹ obọ rẹ Ọghẹnẹ cha vwẹ obo odjuvwu,

Ẹvwọphia 21:5

Ọ ro tidia vwẹ enu rẹ ekete na da ta, Nighe, mi ru emu na ejobi ọkpokpọ. Ọ da je ta rhe, Si ọnana, kidie eta nana omamọ ota.

Ẹvwọphia 3:21

Ohwo ro phi kparobọ, ke me kẹ ogangan ro vwo tidia ekete mẹ, kirobo ri mi phi kparobọ na re me vẹ Ọsẹ me de tidia ekete rọye na.

Ẹvwọphia 4:10

ekpako uje gbẹ ẹne na ki she diguẹ vwẹ obaro rẹ ohwo ro tidia vwẹ enu rẹ ekete na kẹ ayen gọ ohwo rọ rhọre bẹdẹ bẹdẹ na; ayen ke kpare erhu rayen phihọ obaro rẹ ekete na, ke so une tanẹ,

Ẹvwọphia 4:5

Enu kọ nyavwaro nẹ obo ekete na cha, kugbe urhuru vẹ edo rẹ agbrara, irhukpẹ ighwrẹ re la da hẹ obaro rẹ ekete na, kẹ eye hẹ erhi ighwrẹ rẹ Ọghẹnẹ na;

Ẹvwọphia 4:9

Kọke kọke rẹ eranvwe ekpokpọ na da vwẹ urinrin kugbe ọghọ kugbe ẹkpẹvwẹ vwọ kẹ ohwo ro tidia vwẹ enu rẹ ekete na, rọ rhọre bẹdẹ na,

Ẹvwọphia 5:1

Vwẹ obọrhe rẹ ohwo ro tidia vwẹ enu rẹ ekete na, me da mrẹ ọbe ọvo e siro vọn te obuko te obaro, a vwẹ usiaphrẹ ighwrẹ kanrọ;

Ẹvwọphia 5:13

Mi de nyo eranvwe keranvwe vwẹ evun rẹ odjuvwu kugbe akpọ na kugbe evun rẹ otọ rẹ akpọ na kugbe abadi na, kugbe obo re hẹ evun rẹ ayen ejobi, tanẹ, Ebruba kugbe ọghọ kugbe urinrin kugbe ẹgba kẹ ohwo ro tidia vwẹ enu rẹ ekete na kugbe Omogodẹ na bẹdẹ bẹdẹ!

Ẹvwọphia 6:16

ri bunu se igbenu na kugbe eragha na, Shenyẹ avwanre re wo si avwanre nu kẹ opharo rẹ ohwo ro tidia vwẹ enu rẹ ekete na, ji kugbe ophu rẹ Omogodẹ na;