Ẹvwọphia 4:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Rẹ Ọnana vwọ nu, mi vwo ni, nighe me da mrẹ ẹchẹ rẹ odjuvwu ro rhie phihọ! Urhuru rẹsosuọ ri mi ke nyo rọ ta ota kẹ vwẹ da họhọ owanre, ro se vwe nẹ, Yanrhe obonẹ, re me vwẹ obo re cha phia nanana vwọ nẹ wẹ.

Ẹvwọphia 4:1 ပူးပေါင်းရင်းမြစ်များ

Ẹyano 1:1

Enana edẹ rẹ emeshare rẹ Izrẹl ri nene Jekọp kpo Ijipt, ọvuọvo vẹ evwruwevwi rọye.

Ẹyano 19:24

Ọrovwohwo da ta kẹ, Woto, rere wọ rọye Erọn nene oma rhe, ẹkẹvuọvo wo jẹ irherẹn na vẹ ihwo na shariẹ ughwru na vrẹn re ni Ọrovwohwo-o, ọ dia ọtiọye-e ọ me rhe gbọ ku ayen.

Ẹyano 24:12

Ọrovwohwo da ta kẹ Mosis, Bru vwe rhe obenu rẹ ugbenu na, wọ hẹrhẹ vwẹ etiyin; ke me kẹ wẹ ephapha rẹ oragha, vẹ urhi na vẹ iji na, ri mi siri fiki rẹ eyono rayen.

Isẹ 25:7

kidie oyoma ra vwọ ta kẹ ohwo nẹ, Yanrhe obenu obonẹ, vrẹn ọ re vwo ru ohwo kpotọ vwẹ irharo rẹ osun.

Izikiẹl 1:1

Vwẹ ukpe rẹ ọgban, vwẹ emeranvwe rẹne, vwẹ ẹdẹ riyori rẹ emeranvwe na, re me vwọ hẹ usun rẹ otu re muru na vwẹ oma rẹ urhie ri Keba, idjuvwu na de rhie phihọ, Me da mrẹ emramrẹ rẹ Ọghẹnẹ.

Matiu 3:16

Ọke ra vwọ vwẹ ame kẹ Jesu nu, o de wotọ nẹ ame rhe; e vwo ni, odjuvwu de rhie phihọ, ọ da mrẹ Erhi rẹ Ọghẹne kerẹ ilekuku de woto rhe, ọ da rhan muo.

Iyẹnrẹ Esiri ri Mak 1:10

Ro ghwe vwo nẹ evun rẹ ame na rhe siẹvuọvo na ọ da mrẹ odjuvwu ro rhie phihọ, Erhi kerẹ inekuku de rhi she muo;

Iyẹnrẹ Esiri ri Luk 3:21

Asakiephana rẹ ihwo na ejobi vwọ reyọ ame nu, ri Jesu vwọ reyọ ame nu rọ vwọ nẹ ẹrhovwo, odjuvwu de rhie phihọ,

Iyẹnrẹ Esiri ri Jọn 16:13

Ọke rẹ Erhi rẹ uyota na da rhe, ko che sun ovwan vwọ riẹn uyota na ejobi; kidie ọ cha vwẹ ogangan rẹ obọ rọye ta ota-a, ẹkẹvuọvo kemu kemu ro nyori ọye ọ cha ta, o che dje imu re cha vwobọ kẹ ovwan.

Iruo rẹ Iyinkọn na 10:11

Ọ da mrẹ odjuvwu ro rhie phihọ, emu ọvo ko wotọ nẹ enu cha kerẹ osa rode ra vwe igogo ẹnẹ lọrọ cha otọ.

Iruo rẹ Iyinkọn na 7:56

ọ da ta, Nighe, me mrẹ idjuvwu ri rhie phihọ, Ọmọ rẹ ohwo de tidia vwẹ obọrhe rẹ Ọghẹnẹ na.

Ẹvwọphia 1:10

Me da hẹ evun rẹ Erhi na vwẹ ẹdẹ rẹ Ọrovwohwo na, kọye mi de nyo urhuru ọvo rode vwẹ obuko mẹ kerẹ owanre,

Ẹvwọphia 1:12

Me da rhẹriẹ oma se me mrẹ urhuru rọ ta ota kẹ vwẹ na, me vwọ rhẹriẹ oma me da mrẹ irhukpẹ rẹ oro ighwrẹ,

Ẹvwọphia 1:19

Asakiephana gbe si obo re wọ mrẹre, obo re herọ vwẹ asakiephana kugbe obo ri che ru vwobọ.

Ẹvwọphia 11:12

Etiyin ayen de nyo urhuru ọvo rọ van nẹ odjuvwu rhe ta kẹ ayen nẹ, Yanrhe obenu obonẹ! Vwẹ irharo rẹ ivwighrẹ rẹ ayen na ayen da wan egho kpo odjuvwu.

Ẹvwọphia 11:19

Etiyin e de rhie ẹchẹ rẹ uwevwi rẹ Ọghẹnẹ vwẹ obo odjuvwu, a da mrẹ ekpeti rẹ ọphọ rọye vwẹ evun rẹ uwevwi rẹ ẹga na; enu da nyavwaro, edo rode, edo rẹ agbrara, otọ ro kpogho, imicho ride.

Ẹvwọphia 16:17

Amakashe righwrẹ na de ku udjokpo rọye phihọ irharheghe, urhuru rode ọvo de nẹ evun rẹ uwevwi rẹ ẹga na rhe, nẹ obo ekete na rhe, tanẹ, O rereo!

Ẹvwọphia 19:11

Etiyin me da mrẹ odjuvwu ro rhie phihọ, mi vwo ni, me da mrẹ esi ọfuanfon! E de se ọ ro tidia vwẹ enu rọye na Ọresiri kugbe Uyota, vwẹ evun rẹ ọvwata ọye o de guẹdjọ ọye o de ji phiẹ ofovwi.

Ẹvwọphia 22:6

Ọ da ta kẹ vwẹ, Eta nana emamọ ota kugbe uyota. Ọrovwohwo na, Ọghẹnẹ rẹ irhi rẹ emraro na, ọye ri ji amakashe rọye rhi dje kẹ idibo rọye obo re cha phia nanana.