Ẹvwọphia 3:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Nighe, mi che ru ayen otu re hẹ ẹho rẹ Idẹbono na re tanẹ ayen ihwo ri Ju da yẹ ayen dia ihwo ri Ju-u, ẹkẹvuọvo efian ayen vwọrọn—-nighe, ke cha rhe rhi diguẹ vwẹ agada mẹ, ke riẹn nẹ me guọnọ ayen.

Ẹvwọphia 3:9 ပူးပေါင်းရင်းမြစ်များ

Ẹsta 8:17

Kubrakpọ ọvuọvọ vẹ orere ọvuọvo, asan rẹ ota vẹ urhi rẹ ovie na teri, omavwerhovwẹ vẹ aghọghọ kọye herọ vwọ kẹ ihwo ri Ju, ore vẹ omerovwo. Ihwo rẹ orho na buebu da vwẹ oma ru ihwo ri Ju, kidie oshọ rẹ ihwo ri Ju mu ayen.

Ẹyano 11:8

Idibo wẹn nana ejobi na ki che bru vwe rhe, kẹ ayen che shiguẹ kẹ vwẹ, tanẹ, Wa yanran kpo, wọ vẹ ihwo ri nene uwe ejobi. Ọyena de nẹ otọ nu ke me yanran kpo. O de nẹ obaro ri Fero vẹ ophu.

Aizaya 43:4

Kidie wẹ ọghaghare kẹ vwẹ, wẹ ro vwọ ọghọ, ivun wẹn da vwerhe ovwẹ, Me da vwe ihwo wene ke wẹ, ihwo kọye e vwọ wene arhọ wẹn.

Aizaya 45:14

Enẹ Ọrovwohwo rẹ otuofovwi na tare. Efe rẹ Ijipt kugbe oghwa rẹ ineki rẹ Etiopia, kugbe ihwo ri Seba, eshare puma, ki bru we rhe ke dia ewẹn ki nenẹ uwe. ke rhe vẹ igoni vwẹ obọ rhi shiguẹ kẹ wẹ. Ayen ke rẹ wẹ tanẹ; Ọghẹnẹ vẹ owẹ ọvo re gba herọ, ọfa gbe herọ-ọ, Ọghẹnẹ ọfa rọ barọ gbe herọ-ọ.

Aizaya 49:23

Ivie ke dia ese rẹ aruakpọ wẹn, ivie re eya ke dia ini re ghẹre ovwan. Ayen ki diguẹ bọvwọn epharo rhuotọ kẹ wẹ, ke rare ekpẹn re awọ wẹn. Etiyin wo ke riẹn nẹ Mẹvwẹ Ọrovwohwo na Otu re hẹrhẹ ovwẹ oma sa vo aye-en.

Aizaya 60:14

Emọ re ihwo ri shenyẹ wẹ ke cha rhe ri shiguẹ te otọ kẹ wẹ, kugbe ihwo ejobi re je wẹ fia ki che shiguẹ vwẹ asan awọ wẹn, ke ayen che se we Orere rẹ Ọrovwohwo, Zayọn rẹ Ọfuanfon Ọvuọvo rẹ Izrẹl na.

Iyẹnrẹ Esiri ri Jọn 17:23

Me hẹ evun rẹ ayen yu wọ hẹ evun mẹ, rere ayen vwọ dia ọvo gbae, ọtiọye na akpọ na kẹ riẹn nẹ we ri ji vwẹ rhe me da rha guọnọ ayen kirobo ru wọ guọnọ ovwẹ.

Ẹvwọphia 2:9

Me riẹn ọdjarhe wẹn kugbe ẹnso wẹn (ẹkẹvuọvo yi wo feri) kugbe ophọphọvwe rẹ ayen otu ri se oma rẹ ayen ihwo ri Ju yẹ ayen dia ihwo ri Ju-u, ẹkẹvuọvo da yẹ ayen ẹshẹ rẹ Idẹbono.

1 Samuẹl 2:36

Kohwo kohwo ro chekọ vwẹ uwevwi wẹn kọ cha rhe rhi momo idọnọ mie eyẹ ọ me rhe yarọ ukori rẹ ikara, kọ ta, me rẹ wẹ, biko phi vwe phihọ asan ọvo vwẹ ẹdia rẹ irherẹn na, rere me vwọ mrẹ ememu rẹ.