Ẹvwọphia 3:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Me riẹn iruo wẹn. Nighe, mi rhie ẹchẹ phihọ ghwroro, rẹ ohwo se huhẹ-ẹ; me riẹnre nẹ ogangan wẹn pha hahavwe, dede na yu wọ yọnre ota mẹ wọ sa sen odẹ mẹ-ẹ.

Ẹvwọphia 3:8 ပူးပေါင်းရင်းမြစ်များ

Isẹ 30:9

Ọ rha dia ọtiọye-e evun da vọn vwẹ nọ, ke me sen wẹn, ke me ta nẹ, Ono Ọrovwohwo na vwo? eyẹ me da rha dia ogbere koko, ki mi che chuji, ye me phọphọ odẹ rẹ Ọghẹnẹ mẹ.

Daniẹl 11:34

Ọke rẹ ayen de she, ayen ke cha mrẹ ọmọchuko krẹn. Ihwo buebu cha vwẹ ota rẹ ophiẹnvwe kuoma kugbe ayen;

Iyẹnrẹ Esiri ri Luk 12:9

Ẹkẹvuọvo ohwo rọ sen vwẹ vwẹ obaro rẹ ihwo ka je siọn vwẹ obaro rẹ emakashe rẹ Ọghẹnẹ.

Iyẹnrẹ Esiri ri Jọn 15:20

Karohọ ota re me ta kẹ ovwan na, Odibo rhonọ onini rọye-e. Ọ da djanẹ ayen kpokpo uvwe, ayen ji kpokpo ovwan rhe, ayen de sẹro rẹ ota mẹ, ayen ke je sẹro rẹ ọ rẹ ovwan rhe.

Iyẹnrẹ Esiri ri Jọn 17:6

Me vwẹ odẹ wẹn phia kẹ ihwo re wọ kẹ vwẹ vwẹ evun rẹ akpọ na; ewẹn ayen ruẹ, kẹ owẹ re vwẹ ayen kẹ vwẹ, ayen da sẹro rẹ ota wẹn.

Iruo rẹ Iyinkọn na 14:27

Ọke rẹ ayen vwọ rhe, ayen de se ihwo rẹ ishọshi na ejobi koko, ayen de gbe ikun rẹ obo rẹ Ọghẹnẹ ruru kẹ ayen, kugbe obo re rhiẹ ẹchẹ rẹ esegbuyota na phihọ kẹ ihwo ri Keferi.

1 Kọrẹnt 16:9

Kidie ẹchẹ ọhẹhẹre rẹ iruo rọ ghwotọ rhie phihọ kẹ vwẹ, yẹ ukọn buebu jẹ ghwa herọ.

2 Kọrẹnt 2:12

Ọke ri mi vwo te Troas rhi ghwoghwo iyẹnrẹ esiri ri Kristi, ẹchẹ de rhie phihọ kẹ vwẹ vwẹ evun rẹ Ọrovwohwo;

Filipae 4:13

Mi se ru emu ejobi vwi Kristi rọ kẹ vwẹ ogangan.

Kolose 4:3

Ovwan je nẹ ẹrhovwo kẹ avwanre rhe, rere Ọghẹnẹ vwo rhie ẹchẹ rẹ ota rọye phihọ kẹ avwanre, rere avwanre vwo gbe ikun rẹ igbunu ri Kristi na, ra vwi fiki rọye mu vwe kanre na.

1 Timoti 5:8

Ohwo rọ rha kọn okọn phihọ otọ kẹ imoni rọye-e, marho kẹ ekru rohọ rọye, yọ yọnrọn esegbuyota na-a yẹ ohwo yena hra nọ ohwo ro ji segbuyota-a.

2 Timoti 4:7

Me họnre omamọ rẹ ohọnre na nure, me djẹ onẹ na nure, me yọnre esegbuyota na nure.

Ọbe ri Jud 1:4

Kidie otu rẹ ihwo ẹvo bẹbẹ rhẹrẹ ro usun rẹ avwanre na, enana otu rẹ ihwo re bru orhiẹn rẹ ughwu hwe rhabae rhe, ihwo ebrabra re rhẹriẹ ẹserọphẹ rẹ Ọghẹnẹ phihọ umwemwu, re sen Onini na kugbe Ọrovwohwo, Jesu Kristi.

Ẹvwọphia 2:13

Me riẹn asan re wọ dia, asan rẹ ekete rẹ idẹbono epha; wọ da yọnrọn odẹ mẹ kokoroko wọ sa sen esegbuyota mẹ-ẹ marho kẹ ọke rẹ Antipas oseri mẹ na, ro se vwe gbuyota na, re hweri vwẹ ohri rẹ ovwan na, vwẹ asan rẹ Idẹbono dia na.

Ẹvwọphia 2:2

Me riẹn iruo wẹn, oma ẹlaghọ wẹn vẹ erhiori wẹn, obo ru wo se chirako rẹ ihwo umwemwu-u ẹkẹvuọvo wọ da davwe otu ri se oma rẹ ayen iyinkọn ni da jẹ iyinkọn rẹ efian ayen ruẹ;

Ẹvwọphia 22:7

Nighe, Me cha nanana. Ebruba kẹ ohwo rọ yọnre eta rẹ aroẹmrẹ rẹ ọbe nana.

Ẹvwọphia 3:1

Kẹ enẹ o si rhe amakashe rẹ ishọshi ri Sadis. Eta rẹ ohwo ro vwo erhi ighwrẹ rẹ Ọghẹnẹ na kugbe isio ighwrẹ na. Me riẹn iruo wẹn; a vwẹ owẹ roro ohwo ọkpokpọ, da yi wo ghwuru.

Ẹvwọphia 3:10

Fikiridie wọ yọnrọn ota mẹ vwe erhiori vẹ akoechiro na, ke me yọnrọn owẹ vwẹ ọke rẹ odavwini rọ cha akpọ na ejobi na, rọ cha davwe ihwo ejobi re dia akpọ na ni.

Ẹvwọphia 3:15

Me riẹn iruo wẹn; wọ tuabọ nọ-ọ wo djiro nọ-ọ. Manẹ wo ghwe djiro eyẹ ghwa tuabọ!

Ẹvwọphia 3:7

Kẹ enẹ o si rhe amakashe rẹ ishọshi ri Filadẹlfia. Eta rẹ ọfuanfon ọvuọvo na, ohwo rẹ uyota na, ro vwo usiaphrẹ ri Devid, ohwo ro rhie nẹ ohwo ọfa se huho-o, ro de huho nu ohwo ọfa se rhie-e.