Ẹvwọphia 3:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Kẹ enẹ o si rhe amakashe rẹ ishọshi ri Filadẹlfia. Eta rẹ ọfuanfon ọvuọvo na, ohwo rẹ uyota na, ro vwo usiaphrẹ ri Devid, ohwo ro rhie nẹ ohwo ọfa se huho-o, ro de huho nu ohwo ọfa se rhie-e.

Ẹvwọphia 3:7 ပူးပေါင်းရင်းမြစ်များ

ỌBE RẸ JOB 11:10

Ọ da dianẹ ọ wanvrẹn, o de mu ohwo phihọ uwodi, o de se ihwo kpo ẹdjọ, kono sa daji?

ỌBE RẸ JOB 12:14

O de kporo te otọ nu, ohwo ọvuọvo sa bọ-ọn, ọ de huhu eche gbe ohwo nu, ohwo ọvuọvo se rhie-e.

Une rẹ Ejiro 145:17

Ọrovwohwo na ọsoso vwẹ idjerhe rọye ejobi. ọ vẹ aruẹdọ vwẹ obọ ro ruẹ ejobi.

Une rẹ Ejiro 16:10

Kidie wo se siobọ nu vwe kẹ Erivwi-i, eyẹ ohwo esiri wẹn na sa mrẹ Ọgọdọ-ọ.

Une rẹ Ejiro 89:18

Kidie ekpọfia re avwanre rhe Ọrovwohwo na, ovie re avwanre Ọfuanfon Ọvuọvo rẹ Izrẹl.

Aizaya 22:22

Ke me vwẹ usiaphrẹ rẹ uwevwi ri Devid vwọ yan igabọ rọye; ko novie, ohwo ọvuọvo rhe se huho-o, ko huho, ohwo ọvuọvo rhe se rhie-e.

Aizaya 30:11

ji idjerhe na vwo, gbobọnyẹ idjerhe na, wo gbi jẹn avwanre nyo ota rẹ Ọfuanfon Ọvuọvo rẹ Izrẹl na ọfa-a.

Aizaya 41:14

Wọ djẹ oshọ-ọ, we ri Jekọp re ohori, ovwan ihwo rẹ Izrẹl! Me sa cha we uko, eriyin Ọrovwohwo tare, Ọtan wẹn ọye Ọfuanfon Ọvuọvo rẹ Izrẹl na.

Aizaya 41:16

Ku wọ va ehọrọ nẹ ayen, odju ko mu ayen yanran, aphopho kọ hra ayen. Ku wọ ghọghọ vwẹ evun rẹ Ọrovwohwo vwẹ evun rẹ Ọfuanfon Ọvuọvo rẹ Izrẹl na wo de vwo urinrin.

Aizaya 41:20

rere ihwo vwọ mrẹ vwẹ vughe, re ayen roro re ayen vwọ vughc kugbe, nẹ obọ rẹ Ọrovwohwo ri ru Ọnana, nẹ Ọfuanfon Ọvuọvo rẹ Izrẹl na pẹ marọ.

Aizaya 47:4

Ọtan rẹ avwanre–Ọrovwohwo re otuofovwi na he odẹ rọye– ọye Ọfuanfon Ovuọvo re Izrẹl na

Aizaya 48:17

Enẹ Ọrovwohwo tare, Ọtan wẹn, Ọfuanfon Ọvuọvo rẹ Izrẹl na. Mẹvwẹ Ọrovwohwo Ọghẹnẹ wẹn, ro yono uwe vwọ mrẹ erere, ro sun we vwẹ idjerhe ru wọ cha wan na.

Aizaya 49:7

Enẹ Ọrovwohwo tare, Ọtan rẹ Izrẹl kugbe Ọfuanfon Ọvuọvo rọye na, vwọ ke ọvo ra jẹfia gangan, ro tu ẹgborho na oma, odibo rẹ isun na. Ivie ke mrẹ ki vrẹn; isun, kugbe ayen ki she diguẹ; fiki rẹ Ọrovwohwo, rẹ ohwo rẹ uyota, Ọfuanfon Ọvuọvo rẹ Izrẹl na, rọ je wẹn reyọ na.

Aizaya 54:5

Kidie Oma rọ ma wẹ ọye ọshare wẹn, Ọrovwohwo rẹ otuofovwi na ọye odẹ rọye; Ọfuanfon Ọvuọvo rẹ Izrẹl na ọye Ọtan wẹn Ọghẹnẹ rẹ akpọ ejobi ọye e se.

Aizaya 55:5

Nighere, wo che se ẹgborho ru wọ je riẹ-ẹn, ẹgborho ru wọ riẹnre-e ke djẹ bru uwe rhe, fiki re Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl, kidie ọ vwẹ urinrin kẹ we nure.

Aizaya 6:3

Ọvo de se ọrivẹ ọ da tanẹ: Ẹfuọn, ẹfuọn, ẹfuọn ọye Ọrovwohwo rẹ otuofovwi na; akpọ na ejobi vọnre vẹ urinrin rọye.

Matiu 16:19

Ke me je vwẹ usiaphrẹ rẹ uvie rẹ odjuvwu kẹ wẹ, rere kemu kemu wọ gbare vwẹ akpọ ya gbarọ vwẹ odjuvwu: kemu kemu re wọ rhanre vwẹ akpọ na ya rhanrọ vwẹ odjuvwu.

Matiu 24:35

Odjuvwu vẹ akpọ cha wan, ẹkẹvuọvo ota mẹ se she fia-a.

Iyẹnrẹ Esiri ri Mak 1:24

O de kperi phia, die wọ cha vwẹ avwanre ru, wẹ Jesu ri Nazarẹt? Wọ rhere rhe ghwọrọ avwanre? Me riẹn ohwo ru wọ epha Ọfuanfon ọvuọvo rẹ Ọghẹnẹ.

Iyẹnrẹ Esiri ri Luk 1:32

Ọ cha rho, ke se Ọmọ rẹ Ọro Mekpenu; Ọrovwohwo Ọghẹnẹ kọ vwẹ ekete ri Devid ọsẹ rọye vwọ kẹ,

Iyẹnrẹ Esiri ri Luk 4:34

Die avwanre vẹ owẹ gbe ru wẹ Jesu ri Nazarẹt? Wọ rhere rhe ghwọrọ avwanre? Me riẹn ohwo ru wọ epha, Ọfuaufon Ọvuọvo rẹ Ọghẹnẹ.

Iyẹnrẹ Esiri ri Jọn 14:6

Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.

Iruo rẹ Iyinkọn na 3:14

Ẹkẹvuọvo ovwan da siẹn Ọvwata Ọvuọvo na ro Fonro na, ovwan da nọ ekpẹn rẹ ozighẹ rere e siobọ no kẹ ovwan.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

Ẹvwọphia 1:11

rọ tanẹ, Si obo ru wọ mrẹre na phihọ ọbe re wo vwo rhe ishọshi ighwrẹ na, vwo rhe Ẹfesọs kugbe Simana kugbe Pẹgamọm vwo rhe Taetira vwo rhe Sadis vwo rhe Filadẹlfia vwo rhe Laodisia.

Ẹvwọphia 1:18

rọ rhọre bẹdẹ na; mi ghwuru jovwo, gbe nighe me rhọre bẹdẹ, ko mẹvwẹ ri vwo usiaphrẹ rẹ Ughwu vẹ Ushi vwẹ obọ mẹ.

Ẹvwọphia 1:5

ji nẹ obọ ri Jesu Kristi oseri rẹ uyota na, ọmọkpako ro ke ghwu varhe, kugbe osun rẹ ivie rẹ akpọ na. Ọye hẹ ohwo rọ guọnọ avwanre ọ da vwẹ ọbara rọye tan avwanre nẹ imwemwu rẹ avwanre

Ẹvwọphia 15:3

Ayen da so une ri Mosis, Odibo rẹ Ọghẹnẹ na, kugbe une rẹ Omogodẹ na, tanẹ, Iruo wẹn pha rhuarho igbunu, E Ọrovwohwo Ọghẹnẹ Ọrovwoẹgba! Ọsoso kugbe uyota hẹ idjerhe wẹn, E Ovie rẹ oge ejobi.

Ẹvwọphia 16:7

Mi de nyo agbada na rọ viẹ E, Ọrovwohwo Ọghẹnẹ Ọrovwoẹgba uyota vẹ ọsoso ọye orhiebro wẹn epha

Ẹvwọphia 19:11

Etiyin me da mrẹ odjuvwu ro rhie phihọ, mi vwo ni, me da mrẹ esi ọfuanfon! E de se ọ ro tidia vwẹ enu rọye na Ọresiri kugbe Uyota, vwẹ evun rẹ ọvwata ọye o de guẹdjọ ọye o de ji phiẹ ofovwi.

Ẹvwọphia 19:2

Kidie orhiebro rọye uyota kugbe ọsoso; o brorhiẹ rẹ igberadja rode na rọ vwẹ ọfanrhiẹ rọye miovwi akpọ na, ọ da reihri rẹ ọbara rẹ idibo rọye vwẹ obọ rọye,

Ẹvwọphia 2:1

Amakashe rẹ ishọshi rẹ Ẹfesọs ọye e si ọnana rhe. Eta rẹ ohwo rọ yọnre isio ighwrẹ na vwẹ obọrhe rọye, rọ yan vwẹ ohri rẹ igburhukpe rẹ oro ighwrẹ na.

Ẹvwọphia 21:5

Ọ ro tidia vwẹ enu rẹ ekete na da ta, Nighe, mi ru emu na ejobi ọkpokpọ. Ọ da je ta rhe, Si ọnana, kidie eta nana omamọ ota.

Ẹvwọphia 3:14

Kẹ enẹ o si rhe amakashe rẹ ishọshi ri Laodisha: Eta rẹ ohwo re se Isẹ, ro segbuyota kugbe oseri rẹ uyota, ẹtuọhọ rẹ emama rẹ Ọghẹnẹ.

Ẹvwọphia 4:8

Ọvuọvo vwẹ eranvwe ekpokpọ ẹne na, de vwo ibekpe esan, e da vọn vẹ ibiẹro riariẹ ji kugbe obo evun, ayen vwo omaerovwo rẹ une ẹsuọ vwẹ ason kugbe uvo-o, tanẹ. Ẹfuọn, ẹfuọn, ẹfuọn, ọye hẹ Ọrovwohwo Ọghẹnẹ Ọrovwoẹgba, ohwo rọ herọ rhabae rọ je herọ vwẹ asakiephana rọ je cha dia bẹdẹ.

Ẹvwọphia 5:9

ayen da so une ọkpokpọ, tanẹ, Wọwẹ hẹ ohwo ro fori rọ sa reyọ ọbe na ro de se rhie isiaphrẹ rọye, kidie e hwe we jovwo ọbara wẹn kọye wọ vwọ tan ihwo hirhe kẹ Ọghẹnẹ nẹ orua korua kugbe ephẹrẹ kugbe ihwo kugbe ẹgborho,

Ẹvwọphia 6:10

ayen da van kperi tanẹ, E Ọrovwohwo Osun, ọfuanfon kugbe uyota, mavọ o krite wo ki rhi guẹdjọ kugbe re wọ ke rhe reihri rẹ ọbara rẹ avwanre vwẹ obọ rẹ ihwo re dia enu rẹ akpọ na?