Ẹvwọphia 3:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Karohọ obo rẹ ovwan reyọre kugbe obo we nyori; yọnre ọyena, re we kurhẹriẹ. Wo rhe vrẹ-ẹn, ke me cha rhe kerẹ oji wọ gbe cha riẹn ọke re me cha vwọ ro owẹ-ẹ.

Ẹvwọphia 3:3 ပူးပေါင်းရင်းမြစ်များ

Izikiẹl 20:43

Oboyi wọ da cha karohọ idjerhe wẹn kugbe uruemu ejobi ru wo vwo miovwo oma wẹn, oma wẹn ko tu we oma fiki rẹ umwemu ejobi ru wo ruru.

Izikiẹl 36:31

Etiyin wọ ke cha karophihọ idjerhe omiomiovwi wẹn, kugbe uruemu wẹn ro je yovwo; oma wẹn ko che tu we oma fiki rẹ orukuruku wẹn kugbe uruemu rẹ ẹgua wẹn.

Matiu 25:13

Rhẹrẹ kidie wa riẹn ọkẹ eyẹ ẹdẹ rẹ Ọrovwohwo vwọ rhe-e,

Iyẹnrẹ Esiri ri Mak 13:33

Ovwan kẹnoma, a rhẹrẹ ra nẹ ẹrhovwo; kidie ovwan riẹn ọke ro vwo te-e.

Iyẹnrẹ Esiri ri Mak 13:36

rẹ ọ da rhe orharhiri re o jẹ ovwan ẹvwa vwẹ ovwerhẹ.

1 Tẹsalonaika 5:2

Kidie ekpuyovwi rẹ ovwan riẹnre gbagba nẹ ẹdẹ rẹ Ọrovwohwo cha kerẹ oji vwẹ ason.

1 Timoti 6:20

E Timoti, sẹro rẹ obo ra vwọ kẹ wẹ yọnre na. Sioma nẹ eta efafanrhiẹ vẹ aphrọ otu re mariẹn na,

2 Timoti 1:13

Yọnre omamọ rẹ nyọno na rn wo yono mie vwe na, vwẹ esegbuyota kugbe ẹguọnọ rọ herọ vwẹ evun ri Kristi Jesu;

Hibru 2:1

Vwẹ ọtiọye na avwanre gba nabọ kerhọn rẹ obo rẹ avwanre nyori na, ọ rha dia ọtiọye-e avwanre de rhe bo ghwru.

2 Pita 1:13

Mi rori nẹ o yovwiri, vwẹ uche ọke ro krite re me vwọ hẹ ugboma nana, re me vwọ kpare iroro rẹ ovwan re me vwọ karohọ ovwan.

2 Pita 3:1

Imoni mẹ, asakiephana ọnana hẹ ọbe rivẹ ri mi si rhe ovwan na, vwẹ ẹbe ivẹ na ke mẹ vwerọ rhariẹ udu rẹ ovwan re wa vwọ karohọ;

2 Pita 3:10

Ẹkẹvuọvo ẹdẹ rẹ Ọrovwohwo na cha kerẹ oji, etiyin idjuvwu na ke cha wanvrẹn vẹ edo rode, ekuakua re herọ, ke cha wran vwẹ evun rẹ erhanre, te akpọ na kugbe iruo re herọ ke cha torhẹ kufia.

Ẹvwọphia 16:15

(Nighe, me cha kerẹ oji. Ebruba kẹ ohwo rọ sa hẹrhẹ, rọ sẹro rẹ iwun rọye rere o vwo je ban phihọ a da rha mrẹ ẹbẹban!)

Ẹvwọphia 2:25

umuche ro te ovwan obọ na, wa yọnrọn bẹsiẹ me vwọ rhe.

Ẹvwọphia 2:5

Gba karohọ asan ru wo she nurhe, re wo kurhẹriẹ re wọ ghwobọ phihọ iruo wẹn rẹsosuọ. Ọ rha dia ọtiọye-e, ki mi che bru we rhe ki mi si ogburhukpẹ wẹn nẹ ẹdia rọye, jokpa nẹ wo kurhẹriẹ.

Ẹvwọphia 22:7

Nighe, Me cha nanana. Ebruba kẹ ohwo rọ yọnre eta rẹ aroẹmrẹ rẹ ọbe nana.

Ẹvwọphia 3:11

Me cha phẹrẹkpẹ; yọnre esegbuyota ro te we obọ nure na ga, rere ohwo ọfa vwo jẹ erhu wẹn na ẹgborho reyọ.

Ẹvwọphia 3:19

Otu re me guọnọre, me ghwọ kuẹ eye me je fa; vwẹ ọtiọye na gbe vwo oruru re wo kurhẹriẹ.

Ẹvwọphia 3:2

Vrẹn, wọ vwẹ ogangan kẹ obo ri chekọ ri muegbe rẹ ughwu, kidie me je mrẹ iruo rẹ ovwan rọ ghare vwẹ obaro rẹ Ọghẹnẹ mẹ-ẹ.