Ẹvwọphia 3:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Vrẹn, wọ vwẹ ogangan kẹ obo ri chekọ ri muegbe rẹ ughwu, kidie me je mrẹ iruo rẹ ovwan rọ ghare vwẹ obaro rẹ Ọghẹnẹ mẹ-ẹ.

Ẹvwọphia 3:2 ပူးပေါင်းရင်းမြစ်များ

1 Ivie 11:4

Kidie ọke ri Solomọn rhe vwọ ghwore eya rọye da rhe rhẹriẹ udu rọye rhi nene ẹdjọ efa; udu rọye ki ghevweghe kpahe Ọrovwohwo Ọghẹnẹ rọye, kirobo rẹ udu ri Devid ọsẹ rọye epha.

1 Ivie 15:3

Ọ de nene imwemwu rẹ ọsẹ rọye ru phihọ otọ jovwo; udu rọye gbe rha dia ọsoso vẹ uyota kẹ Ọrovwohwo Ọghẹnẹ rọye-e, kirobo rẹ udu ri Devid ọsẹ rọye epha.

2 Ikun rẹ Ivie 25:2

O de ru obo ri yoma vwẹ ẹro rẹ Ọrovwohwo, ọ dianẹ kẹ abe ghwa kare udu rọye-e.

ỌBE RẸ JOB 16:5

Me sa vwẹ unu mẹ phi udu phihọ ovwan awọ, uchebro rẹ ẹbẹrunu mẹ ko fue emiavwe wẹn.

Aizaya 35:3

Vwẹ ogangan kẹ abọ rẹ oma rhọ igbo re nuẹ gbe ru ayen gan.

Aizaya 56:10

Erhẹrẹotọ rọye rhuẹro, ayen ejobi vwo erianriẹ-ẹn, ayen ejobi eranko ri diunu, ayen sa gbọ-ọ; ayen shevwerhẹ, re vwerhe evwerhẹ, ovwerhe ayen guọnọ. ovwerhe ayen guọnọ.

Aizaya 57:12

Mi che gbe ikun rẹ ọvwata wẹn, kugbe uruemu wẹn, ẹkẹvuọvo e sa cha wẹ uko-o

Izikiẹl 34:16

Ke me guọnọ i ri ghwruru, i ri suosuo ghwru ke me vwẹ ayen rhivwi rhe, e rẹ awọ rayen vwirhiri ke me gba ayen, e rẹ oma rhọ ke me kẹ ayen ogangan, e re pha tubie tubie kugbe e re oma rayen ganre ke me rhẹrẹ ayen; ke me ghẹrẹ ayen vwẹ uyoyovwi.

Daniẹl 5:27

TẸKẸL, E mu we phihọ uwan nure a da mrẹ nẹ wo mu uwa-an.

Zekaraya 11:16

Kidie gbe nighere, Me vwẹ osuigegede ọvo mu vwẹ otọ na rọ cha kerhọn rẹ igegede ri ghwẹ na-a, eye ke guọnọ e re yan ghwrẹ na-a, eyẹ ki sivwi ri ghwu awọ na-a, eye ke ghẹrẹ erẹ oma ganre-e. Ẹkẹvuọvo kọ ria otu rẹ oma ronri, savwe ephiẹ rayen nẹ ayen awọ.

Matiu 23:5

Kidie ayen di ruẹ ọnana ghevweghe rere ihwo vwọ mrẹ ayen; kidie ayen ruẹ igbabọ hẹhẹre, ayen mi rhe ko iwun rẹ ayen reghereghe.

Matiu 25:13

Rhẹrẹ kidie wa riẹn ọkẹ eyẹ ẹdẹ rẹ Ọrovwohwo vwọ rhe-e,

Matiu 25:7

Ikọpha na de vrẹn, aye da vwẹ irhukpẹ rhu.

Iruo rẹ Iyinkọn na 18:23

Rọ vwọ dia etiyin emerha o de vrẹn nẹ etiyin ko nẹ asan kpasan vwẹ ubrakpọ ri Galesha kugbe Frigia, ro vwo ruẹ idibo na gan.

Urhi Rivẹ 3:28

Ẹkẹvuọvo ji iji ki Joshua, phi udu phihọ awọ, wo ruoma gan; kidie ọye cha wan aro rẹ ihwo na vrẹn ọ Me nẹrhẹ ayen riuku rẹ otọ wọ cha mrẹ na.

1 Pita 4:7

Oba rẹ emu na ejobi si kẹre re; fiki rẹ ọtiọye na gbe ru dọe re ẹro hiẹ wẹ vwẹ ọke wọ da nẹ ẹrhovwo.

1 Pita 5:8

Jẹn ẹro hiẹ wẹ, rhẹrẹ. Ukọn wẹn idẹbono na ọ rọ rhẹrẹ kerẹ okpohrokpo rọ guan, ro guọnọ obo rọ rọ.

Ẹvwọphia 16:15

(Nighe, me cha kerẹ oji. Ebruba kẹ ohwo rọ sa hẹrhẹ, rọ sẹro rẹ iwun rọye rere o vwo je ban phihọ a da rha mrẹ ẹbẹban!)

Ẹvwọphia 2:4

Ẹkẹvuọvo me mrẹ ọnana ta kpahe owẹ nẹ, wo siobọ nẹ ẹguọnọ wẹn rẹsosuọ.

Ẹvwọphia 3:1

Kẹ enẹ o si rhe amakashe rẹ ishọshi ri Sadis. Eta rẹ ohwo ro vwo erhi ighwrẹ rẹ Ọghẹnẹ na kugbe isio ighwrẹ na. Me riẹn iruo wẹn; a vwẹ owẹ roro ohwo ọkpokpọ, da yi wo ghwuru.

Ẹvwọphia 3:3

Karohọ obo rẹ ovwan reyọre kugbe obo we nyori; yọnre ọyena, re we kurhẹriẹ. Wo rhe vrẹ-ẹn, ke me cha rhe kerẹ oji wọ gbe cha riẹn ọke re me cha vwọ ro owẹ-ẹ.