Ẹvwọphia 22:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² wan uherevie rẹ urhuvwu rẹ orere na; vwẹ obọ nana vẹ obọ yena rẹ urhie na, urhe rẹ arhọ na da je djẹ vwọ ọ vẹ oka rẹ ibi ihwivẹ, rọ mọ emamọ rọye kemeranvwe kemeranvwe; ẹbe rẹ urhe na kọye e vwo sivwi ẹgborho na.

Ẹvwọphia 22:2 ပူးပေါင်းရင်းမြစ်များ

Jẹnẹsis 2:9

Vwẹ evun rẹ otọ na kọye Ọrovwohwo Ọghẹnẹ tare nẹ urhe kurhe ro yovwiri, fẹro ji fẹriọ gba djẹrhe, urhe rẹ arhọ na rọ ji uherevie rẹ udju na, kugbe urhe rẹ erianriẹn rẹ erhuvwu vẹ umiovwo.

Une rẹ Ejiro 147:3

O sivwẹ ohwo rẹ udu rọye vwirhiri, ọ gba era rayen.

Isẹ 3:18

Ọye urhe rẹ arhọ kẹ ihwo re djẹ gbanọ ejobi, e re gbanerọ gangan eye ihwo ri vwo aghọghọ rọde na!

Aizaya 6:10

Ru udu rẹ ihwo nana vwo ọkpan, re erhọn rayen di, rhurhu ẹro rayen, ayen da vwẹ ẹro rayen mrẹ orẹ, ayen da vwẹ erhọn rayen nyo ẹme, ayen da vwẹ udu rayen vughe, ayen de kurhẹriẹ e de sivwi ayen.

Jerimaya 17:14

Sivwẹ uvwe, E Ọrovwohwo, ki mi vwo esivwo, sivwẹ uvwe rhọ, re me vwọ sa rhọ, kidie wẹ yẹn ejiro mẹ.

Izikiẹl 47:1

Etiyin ọ da vwẹ ovwẹ rhivwi rhe asan ẹchẹ rẹ uwevwi rẹ ẹga na; nighe, ame ro hwe nẹ obotọ rẹ ibara rẹ uwevwi rẹ ẹga na cha rọ ghwoma phihọ obaro ọnre (kidie uwevwi rẹ ẹga na hirhe aro ku obaro ọnre); ye ame na re hwẹ nẹ obotọ cha vwẹ obo oba vwẹ obuko ọnre vwẹ ibara rẹ uwevwi rẹ ẹga na, vwẹ obuko ọnre rẹ agbada na.

Hosia 14:4

Mi sivwi ijesegbuyota rayen ke me guọnọ ayen odedede, fikiridie ophu mẹ fuẹ nure.

Zekaraya 14:8

Ame ra arhọ cha djẹ nẹ Jerusalẹm rhe vwẹ edẹ yena, ubrọvo rayen da djẹ kpo urhie rọ he obaro ọnre ubrọvo rayen da djẹ kpo urhie rẹ obuko ọnre, ọ cha djẹ vwẹ ọkiuvo kerẹ ọke ohwahwa.

Malakae 4:2

Ẹkẹvuọvo vwọ kẹ ovwan re djẹ oshọ mẹ na uvo rẹ ọvwata cha bẹrẹ mu ayen, ọ vẹ esivwo vwẹ ibekpe rọye. Ku we che pho kerẹ upene rẹ erhuẹn ro nẹ urhuẹn rọye cha.

Iyẹnrẹ Esiri ri Luk 4:18

Erhi rẹ Ọrovwohwo ọ hẹ oma mẹ, fikiridie ọ vwẹ evwri ghworo uvwe mi vwo gbe ikun esiri na kẹ ivwiogbere. O ji vwe rhi ghwoghwo obọesiono kẹ ighuvwu Orẹmrẹ kẹ otu ri rhuẹro, ufuoma ke otu re shenyẹ,

1 Pita 2:24

Omaobọ rọye ọ vwọ ghwa oghwa rẹ imwemwu rẹ avwanre vwẹ enu rẹ agbagba, rere avwanre vwo ghwu kẹ umwemwu re a mrasan rhọ kẹ ọvwata. Oma ra wanrọ na ọye e vwo sivwi ovwan.

Ẹvwọphia 2:7

Ohwo ro vwo erhọn e jo nyo obo rẹ Erhi na ta kẹ ishọshi na. Ohwo ro phi kparobọ ke me vwẹ urhe rẹ arhọ na kẹ re, rọ he Paradais rẹ Ọghẹnẹ.

Ẹvwọphia 21:21

Inurhoro ihwivẹ na Pẹl ihwivẹ e vwo ru ayen, anurhoro ọvuọvo na vwo Pẹl ọvuọvo, urhuvwu rẹ orere na oro a vwọ vọnrhọ, o lo wrowro kerẹ ughegbe.

Ẹvwọphia 21:24

Vwẹ urhukpẹ rọye ọye ẹgborho na cha vwọ yan; ivie rẹ akpọ na ke cha ghwẹ urinrin rayen ruọ,

Ẹvwọphia 22:1

Etiyin ọ da vwẹ urhie rẹ ame rẹ arhọ na vwọ nẹ vwẹ, ọ pha ghologholo, rọ djẹ nẹ ekete rẹ Ọghẹnẹ na kugbe ọ rẹ Omogodẹ na cha

Ẹvwọphia 22:14

Ebruba kẹ ayen otu re fọnrhọ rayen fon, rere ayen vwo se si kẹre urhe rẹ arhọ na rere ayen sa wan anurhoro na ro orere na.

Ẹvwọphia 22:19

ohwo de si nẹ eta rẹ aroẹmrẹ re hẹ evun rẹ ọbe nana, Ọghẹnẹ ko si ẹkẹn rọye ro tere vwẹ urhe rẹ arhọ na no, kugbe orere ọfuanfon na, re dje vwẹ ọbe nana.