Ẹvwọphia 2:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Gba karohọ asan ru wo she nurhe, re wo kurhẹriẹ re wọ ghwobọ phihọ iruo wẹn rẹsosuọ. Ọ rha dia ọtiọye-e, ki mi che bru we rhe ki mi si ogburhukpẹ wẹn nẹ ẹdia rọye, jokpa nẹ wo kurhẹriẹ.

Ẹvwọphia 2:5 ပူးပေါင်းရင်းမြစ်များ

Aizaya 1:26

Ki mi rhoma vwẹ iguẹdjọ wẹn mu kerẹ ọke rẹ ẹsosuọ ediẹguare wẹn kirobo re epha notọrhe. Ukuko rọye ke che se we orere re ọvwata, orere re esiri na.

Aizaya 14:12

Mavọ wo vwo she nẹ odjuvwu rhe, Isio rẹ Uvo, ọmọ rẹ Irhiọke! Mavọ a nyavwe owẹ ghwiẹ otọ, wẹ rọ vwẹ irere na ejobi hwa otọ!

Izikiẹl 20:43

Oboyi wọ da cha karohọ idjerhe wẹn kugbe uruemu ejobi ru wo vwo miovwo oma wẹn, oma wẹn ko tu we oma fiki rẹ umwemu ejobi ru wo ruru.

Izikiẹl 36:31

Etiyin wọ ke cha karophihọ idjerhe omiomiovwi wẹn, kugbe uruemu wẹn ro je yovwo; oma wẹn ko che tu we oma fiki rẹ orukuruku wẹn kugbe uruemu rẹ ẹgua wẹn.

Hosia 14:1

Rhivwi, E Izrẹl, bru Ọrovwohwo Ọghẹnẹ wẹn kidie wọ kprowọ fiki rẹ orukuruku wẹn.

Hosia 9:10

Kerẹ otiẹ vwẹ evun rẹ aghwa, ọtiọye me mrẹ Izrẹl. Kerẹ otumọ rẹ emamọ rẹ owe, re mọre vwẹ ọke ororo rọye, ọtiọye me mrẹ esẹ wẹn. Ẹkẹvuọvo ayen de bru Baal-peor rhe, ayen de rhi phorho oma ki Baal, Obo rẹ ayen guọnọre na de phi ayen phihọ ekuakua rẹ omaetuo.

Malakae 3:4

Kẹsiẹye ẹkpẹvwẹ ri Juda vẹ ọ ri Jerusalẹm ke vwerhe Ọrovwohwo na kirobo rọ dia vwẹ ọke rẹ awanre vẹ ọke rẹ ẹsosuọ.

Malakae 4:6

Kọ cha rhẹriẹ udu rẹ esẹ na bru emọ rayen ọ me rha rhẹriẹ udu rẹ emọ na bru esẹ rayen, ọ rha dia ọtiọye-e me da rhe vwẹ obọ ke me cha vwẹ ekan guọghọ otọ na.

Matiu 5:14

Ovwan urhukpẹ rẹ akpọ na. Orere rọ hẹ enu rẹ ugbenu ọ sa djahe-e.

Matiu 5:15

Yẹrẹ ihwo sa vwẹ urhukpẹ rhu phihọ otọ rẹ ikuru-u, ẹkẹvuọvo ke muo kpahe enu rẹ emẹjẹ, kọ la mu uwevwi na ejobi.

Iyẹnrẹ Esiri ri Mak 12:9

Vwẹ ọtiọye na kidie ọ ro vwo ogba ri vain na che ru? kọ cha rhe o mi rhi hwe eghwẹrẹ na, ọ Me reyọ ogba ri vain na vwo kẹ ihwo efa.

Iyẹnrẹ Esiri ri Luk 1:17

kọ ka obaro kẹ vwẹ erhi vẹ ogangan rẹ Ilaija, rọ rhẹriẹ udu rẹ esẹ na bru emọ na, ijọghọ evwo kpo aghwanre rẹ ọsoso, rere ọ rhuẹrẹ ihwo phihọ otọ kẹ Ọrovwohwo.

Iyẹnrẹ Esiri ri Luk 20:16

Kọ rhe rhe ghwọrọ ihwo yena, kọ vwẹ ogba ri vain na kẹ ihwo efa. Ọke rẹ ayen vwo nyo ọnana, ayen da ta, Ọghẹnẹ gha!

Galesha 5:4

Ka hẹriẹ ovwan nẹ oma ri Kristi, ovwan re guọnọ rease fiki rẹ urhi na; ovwan she nẹ ẹserọphẹ nure.

Filipae 2:15

rere we vwo jẹ abe ẹriọ rere we vwo jẹ ẹgua evwo, emọ rẹ Ọghẹnẹ ri vwo eka-an vwẹ uherevie rẹ uvwiẹ ogugunu chọchọ na, ohri rẹ ayen ovwan da la kerẹ urhukpẹ vwẹ akpọ na,

Hibru 10:32

Ẹkẹvuọvo gba karohọ ọke ri jovwo, ọke rẹ ẹro rẹ ovwan vwo rhie nu, wo de chirako rẹ ohọnre ọgangan vẹ oja,

2 Pita 3:17

Fiki rẹ ọtiọye na, imoni, rẹ ovwan vwọ riẹn ọnana nure na, gba kẹnoma rere oruchọ rẹ ihwo ri jẹ urhi ẹriẹn na vwo jẹ ovwan esio ghwro, rẹ obo rẹ ovwan mudia phihọ na vwo je ghwro kuẹfia.

Ọbe ri Jud 1:24

Asakiephana vwọ kẹ ohwo ro se si ovwan nẹ eshe rọ da vwẹ ovwan phia vwẹ obaro rọye o vwo upe-e vẹ aghọghọ,

Ẹvwọphia 1:20

Vwọ kẹ igbunu rẹ isio ighwrẹ na ru wọ mrẹre vwẹ obọrhe mẹ na, kugbe igburhukpẹ rẹ oro ighwrẹ na, isio ighwrẹ na aye hẹ emakashe ighwrẹ rẹ ishọshi na kugbe igburhukpe ighwrẹ na kẹ eye hẹ ishọshi ighwrẹ na.

Ẹvwọphia 16:9

ọrhorhorho rọye da ya ihwo mu, ayen ke harha Ọghẹnẹ rọ vwo vwo ogangan vwẹ enu rẹ ọtiekọ nana, yẹ ayen kurhẹriẹ re da vwẹ urinrin kẹ-ẹ.

Ẹvwọphia 2:16

Gbe kurhẹriẹ. Ọ dia eriyi-in, mi che bru ovwan rhe nanana ke me cha vwẹ ọlọkọ rẹ unu mẹ vwọ họnre ayen.

Ẹvwọphia 2:19

Me riẹn iruo wẹn, ẹguọnọ wẹn kugbe esegbuyota wẹn kugbe ẹga kugbe erhiori vẹ akoechiro, wọ ke rha wian vwẹ ucheke na nọ ọke rẹsosuọ.

Ẹvwọphia 2:2

Me riẹn iruo wẹn, oma ẹlaghọ wẹn vẹ erhiori wẹn, obo ru wo se chirako rẹ ihwo umwemwu-u ẹkẹvuọvo wọ da davwe otu ri se oma rẹ ayen iyinkọn ni da jẹ iyinkọn rẹ efian ayen ruẹ;

Ẹvwọphia 3:19

Otu re me guọnọre, me ghwọ kuẹ eye me je fa; vwẹ ọtiọye na gbe vwo oruru re wo kurhẹriẹ.