Ẹvwọphia 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Me riẹn iruo wẹn, oma ẹlaghọ wẹn vẹ erhiori wẹn, obo ru wo se chirako rẹ ihwo umwemwu-u ẹkẹvuọvo wọ da davwe otu ri se oma rẹ ayen iyinkọn ni da jẹ iyinkọn rẹ efian ayen ruẹ;

Ẹvwọphia 2:2 ပူးပေါင်းရင်းမြစ်များ

Une rẹ Ejiro 1:6

Kidie Ọrovwohwo riẹn idjerhe rẹ ọvwata ẹkẹvuọvo idjerhe rẹ oruimwemwu che gbe.

Matiu 7:23

Ki mi nyo kẹ ayen nẹ, mi vughe ovwa-an, we bi te oboyi, ovwan iruimwemwu na.

Iyẹnrẹ Esiri ri Jọn 6:6

Ọ ta ọnana vwọ davwọ ni, kidie ekpuyovwi rọye riẹn obọ ro che ruẹ.

Galesha 1:7

Nighe, ikun egbe rẹ iyẹnrẹ esiri ọfa gbe herọ vrẹn ọnana-a; ẹkẹvuọvo, yẹ ihwo ẹvo herọ re guọnọ obo rẹ ayen vwo se ku idjerhe rẹ iyẹnrẹ esiri ri Jesu Kristi na rhẹriẹ.

Ẹfesọs 4:14

Rere avwanre vwo jẹ dia kerẹ imitete, re phieghe cha phieghe kpo rẹ odju rẹ uyono kuyono muẹ, aghware rẹ ihwo vẹ ona rayen vwẹ ophiẹvwe.

1 Tẹsalonaika 1:3

Avwanre karohọ ovwan vwọ kẹ Ọghẹnẹ kugbe Ọsẹ na iruo rẹ eseghuyota rẹ ovwan kugbe owian rẹ ẹguọnọ kugbe emudia gan rẹ iphiẹrohọ rẹ ovwan vwẹ evun rẹ Ọrovwavwanre Jesu Kristi.

1 Tẹsalonaika 5:21

Davwe emu kemu ejobi ni; churu obọ mu obo ri yovwiri,

2 Timoti 2:19

Ẹkẹvuọvo uchivwo rẹ ota rẹ Ọghẹnẹ na mudia kokoroko, oka nana ri nene. Ọrovwohwo riẹn otu re dia ọrọye, E jẹn ohwo kohwo ro se odẹ rẹ Ọrovwohwo siohọ nẹ orukuruku.

Hibru 6:10

Kidie Ọghẹnẹ dia orharhe rẹ ohwo ro jẹ iruo esiri kugbe ẹguọnọ rẹ ovwan vwo kẹ odẹ rọye ẹkarohọ, ri we ru kẹ ihwo efuanfon na fiki rọye, kirobo rẹ ovwan ji ruẹ na.

1 Jọn 4:1

Imoni re ghare, ovwan se erhi kerhi gbuyota-a, ẹkẹvuọvo wa davwe ayen ni tavwe sẹ ghine erhi rẹ Ọghẹnẹ ayen ruẹ; kidie emraro rẹ ofian buebu ro evun rẹ akpọ na re.

Ẹvwọphia 2:5

Gba karohọ asan ru wo she nurhe, re wo kurhẹriẹ re wọ ghwobọ phihọ iruo wẹn rẹsosuọ. Ọ rha dia ọtiọye-e, ki mi che bru we rhe ki mi si ogburhukpẹ wẹn nẹ ẹdia rọye, jokpa nẹ wo kurhẹriẹ.

Ẹvwọphia 2:6

Yẹ emuọvo herọ mi vwo jiri uwe nẹ oma rẹ iruo rẹ ihwo ri Naikolia na tu uwe oma, kirobo ro ji tu uvwe oma.

Ẹvwọphia 2:9

Me riẹn ọdjarhe wẹn kugbe ẹnso wẹn (ẹkẹvuọvo yi wo feri) kugbe ophọphọvwe rẹ ayen otu ri se oma rẹ ayen ihwo ri Ju yẹ ayen dia ihwo ri Ju-u, ẹkẹvuọvo da yẹ ayen ẹshẹ rẹ Idẹbono.

Ẹvwọphia 3:1

Kẹ enẹ o si rhe amakashe rẹ ishọshi ri Sadis. Eta rẹ ohwo ro vwo erhi ighwrẹ rẹ Ọghẹnẹ na kugbe isio ighwrẹ na. Me riẹn iruo wẹn; a vwẹ owẹ roro ohwo ọkpokpọ, da yi wo ghwuru.

Ẹvwọphia 3:15

Me riẹn iruo wẹn; wọ tuabọ nọ-ọ wo djiro nọ-ọ. Manẹ wo ghwe djiro eyẹ ghwa tuabọ!

Ẹvwọphia 3:8

Me riẹn iruo wẹn. Nighe, mi rhie ẹchẹ phihọ ghwroro, rẹ ohwo se huhẹ-ẹ; me riẹnre nẹ ogangan wẹn pha hahavwe, dede na yu wọ yọnre ota mẹ wọ sa sen odẹ mẹ-ẹ.