Ẹvwọphia 17:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Kẹ ọna e vwo vughe ohwo ro vwo aghwanre; iyovwi ighwrẹ na hẹ igbenu ighwrẹ rẹ aye na tidia phihọ;

Ẹvwọphia 17:9 ပူးပေါင်းရင်းမြစ်များ

Daniẹl 12:4

Ẹkẹvuọvo wẹ, Daniẹl, rhurhu eta na, ko ọbe na gbe, bẹsiẹ rẹ ọke rẹ oba na vwo te. Ihwo buebu cha djẹ rhe djẹ kpo, erianriẹn che bu phihọ.

Hosia 14:9

Ohwo kohwo rọ ghwanre e jọ riẹn imu nana; ohwo kohwo ro vwo iroro, e jo vughe ayen; Kidie idjerhe rẹ Ọrovwohwo hẹ ọsoso ohwo rọ dia ọsoso yan vwẹ evun rọye, ẹkẹvuọvo oruimwemwu she vwẹ evun rẹ ayen.

Matiu 13:11

Ọ da kpahe kẹ ayen nẹ, Ovwan a tare nẹ e riẹn odjahọ rẹ uvie rẹ odjuvwu, ẹkẹvuọvo ihwo efa itẹ kọye a vwọ ta kẹ ayen.

Matiu 24:15

Ọke rẹ ovwan da rhe mrẹ ukpokpogho rẹ ẹgua, ra tare vwẹ ọbe ri Daniẹl ọmraro na, ro mudia vwẹ asan ọfuanfon na (e jẹn ohwo ro se riẹn otọ rọye),

Ẹvwọphia 13:1

Me da mrẹ eranvwe ọvo ro yoro nẹ evun rẹ abadi na cha, ọ vẹ ighoro ihwe kugbe iyovwi ighwrẹ, vẹ ibiekpẹn ihwe ri lo wrowro vwẹ enu rẹ ighoro rọye kugbe odẹ rẹ ophọphọvwe ra vwọ tamu iyovwi na.

Ẹvwọphia 13:18

Kẹ ọna e vwo vughe aghwanre na; e jẹn ohwo ro vwo ẹruọ kere unu rẹ eranvwe na, kidie ọye hẹ unu rẹ ohwo rẹ akpọ, unu rọye hẹ ujori esa kugbe ujorha gbẹ esan.

Ẹvwọphia 17:18

Aye na ru wọ mrẹre na ọye hẹ orere rode na ro vwo isuesun vwẹ enu rẹ ivie rẹ akpọ na.

Ẹvwọphia 17:3

O de rhi mu uvwe yanran vwẹ evun rẹ Erhi na vwo kpo evun rẹ aghwa, me da mrẹ aye ọvo ro tidia vwẹ enu rẹ eranvwe ọvwavware ọvo rọ vọnre vẹ edẹ rẹ ophọphọvwe, o de vwo iyovwi ighwrẹ kugbe ighoro ihwe.

Ẹvwọphia 17:7

Ẹkẹvuọvo amakashe na da ta kẹ vwẹ, Die sorọ ro vwo gbe we unu? Mi che gbe ikun rẹ igbunu rẹ aye na kẹ wẹ, kugbe eranvwe vẹ iyovwi ighwrẹ na kugbe ighoro ihwe na ro mu yan na.