Ẹvwọphia 17:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ O de rhi mu uvwe yanran vwẹ evun rẹ Erhi na vwo kpo evun rẹ aghwa, me da mrẹ aye ọvo ro tidia vwẹ enu rẹ eranvwe ọvwavware ọvo rọ vọnre vẹ edẹ rẹ ophọphọvwe, o de vwo iyovwi ighwrẹ kugbe ighoro ihwe.

Ẹvwọphia 17:3 ပူးပေါင်းရင်းမြစ်များ

1 Ivie 18:12

Ri mi de ghwe vrẹn nẹ asan wọ epha nu, sẹ Erhi rẹ Ọrovwohwo che mu we kpo asan ri mi jẹriẹn me riẹnre-e; kọye, ọke re me da rhe rhe vuẹ Ehab rọ gbe rha mrẹ wẹ-ẹ, ko hwe vwe, dede na odibo wẹn mu ọghọ kẹ Ọrovwohwo nẹ ọke-emọ mẹ rhe.

Ivie rẹ Ivẹ 2:16

Ayen da ta kẹ, Nighe asakiephana idibo wẹn vẹ egba rẹ eshare ujuvẹ gbẹ ihwe ye hẹ etine na; biko jẹ ayen yanran ra guọnọ Ọrovwowe na, siẹvo yẹ Erhi rẹ Ọrovwohwo na ro muro na yan jo vwo vwẹ enu rẹ ugbenu eyẹ evun rẹ iyara. Ọ da ta nẹ, Ovwan ji ihwo-o.

Solomon 8:5

Oyono re yan nẹ evun rẹ aghwa na cha na, Rọ vwẹ oma rẹrẹ ọnse rọye na? Vwẹ obotọ rẹ orhomrẹ na me da rhọvwọ owẹ. Etiyin oni wẹn da chuvwiẹ wẹ, Etiyin ohwo ro vwiẹ wẹ na da chuvwiẹ.

Izikiẹl 11:24

Erhi na de mu vwe kpenu ọ da kẹ vwẹ emramrẹ vwẹ oma rẹ Erhi rẹ Ọghẹnẹ vwẹ obi Kaldia, vwọ kẹ ihwo ri imu na. Etiyin emramrẹ re me mrẹre na de pho vwe wan.

Izikiẹl 3:12

Etiyin Erhi na de mu vwe mudia, kirobo rẹ urinrin rẹ Ọrovwohwo na vwo vrẹn nẹ asan rọye, mi de nyo edo rode rẹ otọ ro kpoghori vwẹ obuko me;

Izikiẹl 8:3

O da vwẹ obo re họhọ obọ na vwọ phia, ọ da yọnrọn eme rẹ ẹto rẹ uyovwi me ọvo, Erhi na da kpare ovwẹ phelephele kpenu, ọ da vwẹ ovwẹ kpo Jerusalẹm ra mrẹ emramrẹ rẹ Ọghẹnẹ, vwo kpo ughere vẹ anurhoro rẹ ọguan rọ hẹ obo ẹtan ro hirhe aro ku obọhwẹre ọnre, asan rẹ agbara rẹ uhoho rẹ omẹriọ epha, rọ rhanriẹ omẹriọ na.

Daniẹl 11:36

Ovie na kọ che ru obo ri jere, ko che brọrho o mi rhe mu oma rọye kpenu nọ edjọ kedjọ, kọ cha ta ota rẹ ọdẹ kpahe Ọghẹnẹ ro vwo eghẹnẹ ejobi na. O che yovwo bẹsiẹ rẹ ophu na vwọ gba; fikiridie obo ra jẹ iroro rọye kpahe otọ kẹ jovwo na cha phia.

Daniẹl 7:20

Vwọ kpahe ighoro ihwe re hẹ uyovwi rọye, vẹ ighoro efa ri yoro phia, re sua eshe kẹ ighoro erha vwẹ obaro rọye, ighoro vwẹ ibiẹro kugbe unu rọ vwọ ta ikpeta ride, re je rho nọ otu rọye.

Daniẹl 7:25

Ọ cha ta ota rẹ ẹgua kpahe Ọ ro Me Kpenu na, ko che shenyẹ ihwo efuanfon rẹ Ọ ro Me Kpenu na, kọ cha jẹ iroro kpahẹ ewene rẹ ọke orẹ vẹ irhi na; ke che siobọ nẹ ayen vwọ kẹ usuo rọye vwẹ ẹgbukpe erha gbẹ ubro.

Daniẹl 7:8

Mi de roro kpahẹ ighoro na, nighe, ọvo vwẹ usun rayen da tan rhe, otutuno, tavwe a ke kparẹ ighoro erha rẹ esosuọ na nẹ otọ, nighere, ighoro nana vwẹ ibiẹro re họhọ ibiẹro rẹ ohwo, kugbe unu ro ta ikpita ride.

Matiu 27:28

Ayen da ban phihọ, ayen de ku ewun ovwavware phihọ.

Iruo rẹ Iyinkọn na 8:39

Ọke rẹ ayen vwo nẹ evun rẹ ame na rhe nu Erhi rẹ Ọrovwohwo de mu Filip yanran; ọghwara na gbe mrẹ ọfa-a, ọ da ghọghọ kpo.

2 Tẹsalonaika 2:4

ro muẹ oma kpenu ro muẹ kpahe koghẹre koghẹre rẹ ẹdjọ eyẹ obo ra gọ ejobi, ukuko rọye ọ da rhe vẹn phihọ agbara vwẹ evun rẹ uwevwi rẹ Ọghẹnẹ, ro ghwoghwo nẹ ekpuyovwi rọye hẹ Ọghẹnẹ.

Ẹvwọphia 1:10

Me da hẹ evun rẹ Erhi na vwẹ ẹdẹ rẹ Ọrovwohwo na, kọye mi de nyo urhuru ọvo rode vwẹ obuko mẹ kerẹ owanre,

Ẹvwọphia 12:14

Ẹkẹvuọvo a da vwẹ ibekpe ivẹ rẹ ugo rhuarho vwọ kẹ rere ọ vwọ rhan jẹ ọrọdekọ na vwo ro evun rẹ aghwa, vwo kpo asan ra da ghẹrẹ vwẹ ọmọke, kugbe ọke, kugbe ubro rẹ ọke.

Ẹvwọphia 12:3

Oka ọfa da rha phia vwẹ odjuvwu; nighe, Okpodje ọvwara wei, ọ vẹ iyovwi ighwrẹ kugbe ighoro ihwe, kugbe ibiekpẹn ri lo wrowro ighwrẹ re hẹ uyovwi rọye.

Ẹvwọphia 12:6

aye na da djẹ ro aghwa, kpo asan rẹ Ọghẹnẹ rhuẹrẹ vwọ hẹ otọ kẹ, kẹ etiyin a da ghẹrẹ vwẹ ẹdẹ uriori kugbe uri kugbe ujorha.

Ẹvwọphia 17:18

Aye na ru wọ mrẹre na ọye hẹ orere rode na ro vwo isuesun vwẹ enu rẹ ivie rẹ akpọ na.

Ẹvwọphia 17:4

Aye na da vwẹ efenudu ọvwavware rhuo, ọ da vwẹ iro vẹ omamọ rẹ evwarha vwọ rhuẹrẹ oma, ọ da vwẹ uko rẹ oro rọ vọnre vẹ omaetuo kugbe inuhu rẹ igberadja vwọ yọnre obọ;

Ẹvwọphia 18:12

oghwaeki rẹ oro, idọnọ efuanfon ivie kugbe irhu, esada iyoyovwi, orhurhu, esada kugbe ododo, irhe ri gbo ọnrhe ororo ejobi, ekuakua rẹ akoeni ejobi, ekuakua rẹ irhe eghaghare ejobi, ẹrovwo, itehru kugbe eragha ri lo wrowro,

Ẹvwọphia 18:16

Eghwo, eghwo, wẹ orere rode na rọ vwẹ esada iyoyovwi rhuo, vẹ orhurhu kugbe isene, rọ vwẹ oro rhuẹrẹ, vẹ ivie kugbe irhu!

Ẹvwọphia 21:10

Vwẹ obo Erhi na o de mu uvwe yanran kpo obo ugbenu rode ro kpenu, ọ da vwẹ Jerusalẹm orere ọfuanfon na nẹ vwẹ ro wotọ nẹ obọ rẹ Ọghẹnẹ cha vwẹ obo odjuvwu,

Ẹvwọphia 4:2

Siẹvuọvo na me da hẹ evun rẹ Erhi na, mi vwo ni, ekete ọvo de mudia vwẹ obo odjuvwu, ohwo ọvo de tidia vwẹ enu rẹ ekete na!