Ẹvwọphia 16:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Amakashe rivẹ de ku udjokpo rọye phihọ evun rẹ abadi, ọ da rhe họhọ ọbara rẹ ohwo ro ghwuru, emu kemu ọkpokpọ rọ dia evun rẹ abadi na de ghwu re.

Ẹvwọphia 16:3 ပူးပေါင်းရင်းမြစ်များ

Jẹnẹsis 7:22

kemu kemu rọ otọ ọyaya na rọ vwẹ unwe nwẹn ejobi de ghwure.

Une rẹ Ejiro 105:29

O de hirhe ame rayen phihọ ọbara, ọ da nẹrhẹ iyeri rayen ghwu.

Une rẹ Ejiro 78:44

Ọ da rhẹriẹ irhie rayen phihọ ọbara, ọtiọye na ame re ito rayen gbi ja da-a.

Izikiẹl 16:38

Ke me vwẹ owẹ guẹdjọ kirobo rẹ eya re chọ urhi rẹ orọvwe kugbe i ri sun ọbara te otọ epha, ke me cha vwẹ ọbara rẹ ophu vẹ omẹriọ vwo ghworo uwe.

Iruo rẹ Iyinkọn na 2:41

Ọtiọye na a da vwẹ ame kẹ ihwo re reyọ ota rọye na, ayen otu re keri kugbe ukoko na vwẹ ẹdẹ yena na da dia ihwo uriori erha.

Ẹvwọphia 10:2

O de vwo ọbe otete ọvo vwẹ obọ re rhieri. O de mu owọrhe rọye kpahe abadi, o de rhe mu owọhwẹre rọye phihọ otọ,

Ẹvwọphia 11:6

Ayen vwo ogangan ra vwọ kanre obenu na gbe, rere osio vwo jẹ rhọ vwẹ ẹdẹ rẹ aroẹmrẹ rayen, ayen ji vwo ogangan ra vwọ rhẹriẹ ame phihọ ọbara, rẹ ayen vwọ vwẹ ọtiekọ kọtiekọ hwe akpọ na, phẹrephẹre kirobo rẹ ayen guọnọre.

Ẹvwọphia 13:1

Me da mrẹ eranvwe ọvo ro yoro nẹ evun rẹ abadi na cha, ọ vẹ ighoro ihwe kugbe iyovwi ighwrẹ, vẹ ibiekpẹn ihwe ri lo wrowro vwẹ enu rẹ ighoro rọye kugbe odẹ rẹ ophọphọvwe ra vwọ tamu iyovwi na.