Ẹvwọphia 15:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Rẹ Ọnana vwọ wan nu mi de ni, utughẹ rẹ uwevwi rẹ ẹga rẹ iseri rọ hẹ obo odjuvwu de rhie phihọ,

Ẹvwọphia 15:5 ပူးပေါင်းရင်းမြစ်များ

Ẹyano 25:21

Wo mi mu akpanurhe rẹ arodọvwe na phihọ enu rẹ ekpeti na; wo mi rhe phi iseri na re me cha vwọ kẹ wẹn na phihọ evun rẹ ekpeti na.

Ẹyano 38:21

Ọnana unu rẹ emu ra vwọ bọn ọgarivi na, ọgarivi rẹ iseri, kirobo ri Mosis tare nẹ ekere ayen, vwọ kẹ iruo rẹ ihwo ri Livae rẹ Itamar ọmọ rẹ Erọn rẹ orherẹn na djeri.

Ukeri 1:50

ẹkẹvuọvo gba vwẹ ihwo ri Livae mu vwẹ enu rẹ ọgarivi rẹ iseri na, vẹ ekuakua ra vwọ rhuẹrẹ ejobi, kugbe emu ejobi re hero; kẹ ayen mu ọgarivi na vẹ ekuakua ra vwọ rhuẹrẹ na ejobi, kẹ ayen nabọ vwẹ ẹro te, kẹ ayen mu erhọn riariẹ ọgarivi na phihọ.

Ukeri 1:53

Ẹkẹvuọvo ihwo ri Livae ki mu erhọn riariẹ ọgarivi rẹ iseri na, rere ophu vwo jẹ enu rẹ uyovwi rẹ ukoko rẹ ihwo rẹ Izrẹl na ẹdia; ihwo ri Livae na keye re yọnrọn ọgarivi rẹ iseri na.

Matiu 27:51

Nighe amwa ra vwọ tan obaro rẹ ẹshẹ na, da bẹre ẹbẹre ivẹ nẹ otọ rhi duvwu enu; otọ de mu kpogho; eragha de mu bẹre.

Hibru 8:5

Ayen gọ uhoho rẹ ẹshẹ rọ hẹ obo odjuvwu; kidie ọke ri Mosis cha vwọ bọn utughẹ na, Ọghẹnẹ da kpa okpa kẹ, tanẹ, Gbe no, ji kemu kemu ru wo che ru họhọ oghẹre ri mi dje kẹ wẹ vwẹ obenu rẹ ugbenu na.

Ẹvwọphia 11:19

Etiyin e de rhie ẹchẹ rẹ uwevwi rẹ Ọghẹnẹ vwẹ obo odjuvwu, a da mrẹ ekpeti rẹ ọphọ rọye vwẹ evun rẹ uwevwi rẹ ẹga na; enu da nyavwaro, edo rode, edo rẹ agbrara, otọ ro kpogho, imicho ride.

Ẹvwọphia 13:6

o de rhie unu rọye vwọ ta eta rẹ ophọphọvwe kpahe Ọghẹnẹ, ọ phọphọ odẹ rọye kugbe ẹdia rọye, kọye hẹ, otu re dia obo odjuvwu.