Ẹvwọphia 15:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ayen da so une ri Mosis, Odibo rẹ Ọghẹnẹ na, kugbe une rẹ Omogodẹ na, tanẹ, Iruo wẹn pha rhuarho igbunu, E Ọrovwohwo Ọghẹnẹ Ọrovwoẹgba! Ọsoso kugbe uyota hẹ idjerhe wẹn, E Ovie rẹ oge ejobi.

Ẹvwọphia 15:3 ပူးပေါင်းရင်းမြစ်များ

Jẹnẹsis 17:1

Ọke rẹ Ebram vwọ ikpe ọvo nuro vwẹ ujori re Ọrovwohwo da vwẹ oma phia kẹ Ebram, ọ da ta kẹ, Mẹvwẹ Ọghẹnẹ ro vwo Ẹgba, yan nene uvwe, wo gbe ẹgua-a.

1 Ikun rẹ Ivie 6:49

Erọn vẹ emọ rọye de ze izobo vwẹ enu rẹ agbada rẹ izobo rẹ ẹtorhẹ kugbe agbada ra da torhẹ ugbogduma kugbe iruo rẹ asan rọ ma fon ejobi, ọ me rha rhuẹrẹ arhuẹrẹ kẹ vẹ Izrẹl kirobo ri Mosis rẹ odibo rẹ Ọghẹnẹ ji urhi.

2 Ikun rẹ Ivie 24:6

Etiyin ovie de se Jehoiada rẹ ọhọnvwọre, ọ da ta kẹ, Die sorọ rẹ ihwo ri Livae na gbi rhe toro igho ri Mosis, odibo rẹ Ọrovwohwo na bruru nẹ e toro mie Juda vi Jerusalẹm, kugbe ukoko rẹ Izrẹl nẹ a vwọ bọn utughẹ rẹ iseri na-a?

Nehemaya 9:14

Wọwọ ri ruro kẹ ayen rere ayen vwọ riẹn ẹdidjala ọfuanfon na kugbe urhi ru wo ji kẹ ayen kugbe egha kugbe irhi ra wan oma re odibo wẹn Mosis ji ke ayen.

ỌBE RẸ JOB 36:24

Karohọ re wo jiri iruo rọye, ọ rẹ ihwo so une rọye na.

ỌBE RẸ JOB 5:9

ohwo ro ru imu ride re jẹ sa guọnọ phia na, imu ri gbunu re se kerẹ-ẹ na:

Une rẹ Ejiro 100:5

Kidie Ọrovwohwo na yoma; ẹguọnọ rọye ro jẹ rhẹriẹ dia rhiri bẹdẹ, esegbuyota rọye re te uvwiẹ na ejobi.

Une rẹ Ejiro 105:5

Karohọ iruo re igbunu ro ruru, iruo re igbunu rọye, kugbe ọrhiẹn ro bruru,

Une rẹ Ejiro 111:2

Iruo rẹ Ọrovwohwo na erhuarho, ihwo ejobi ri vwo omaevwerhe vwẹ ayen ki yono.

Une rẹ Ejiro 111:7

Iruo rẹ obọ rọye uyota vẹ ọsoso iji rọye ejobi a vwẹ ẹro suọ,

Une rẹ Ejiro 139:14

Mi jiri uwe, kidie wọ vọnre vẹ oshọ kugbe igbunu. Igbunu ọye iruo wẹn epha! Wọwẹ re riẹn vwẹ tototo;

Une rẹ Ejiro 145:17

Ọrovwohwo na ọsoso vwẹ idjerhe rọye ejobi. ọ vẹ aruẹdọ vwẹ obọ ro ruẹ ejobi.

Une rẹ Ejiro 145:6

Ihwo ki che ghwoghwo ẹgba rẹ iruo ri muoshọ wẹn, ki mi ghwoghwo ọrho wẹn.

Une rẹ Ejiro 18:30

Ọghẹnẹ nana–idjerhe rọye gbare; ive rẹ Ọrovwohwo uyota ọ dia; egbe o ruẹ kẹ ihwo ri si oma nu vwẹ evun rọye

Une rẹ Ejiro 78:12

Vwẹ irharo rẹ esẹ rayen o de ru igbunu na vwe otọ re Ijipt, vwe evun rẹ udju ri Zoan.

Une rẹ Ejiro 92:5

Mavọ iruo wẹn rho te, E Ọrovwohwo! Iroro wẹn kodori gangan!

Une rẹ Ejiro 99:4

Ovie ro vwo Egba, rọ guọnọ ọsoso, wọwẹ ri brorhiẹn abavo wọwẹ ri brorhiẹn ọsoso vẹ ọvwata vwi Jekọp.

Aizaya 33:22

Kidie Ọrovwohwo na oguẹdjọ re avwanre, Ọrovwohwo osun re avwanre, Ọrovwohwo na ovie re avwanre, o se sivwi avwanre

Aizaya 45:21

Dje ru wo gu ẹdjọ wẹn rhe jẹn ayen jẹ iroro kugbe Ono ri gbe ikun nana rhabae? Ono ri djere vwẹ ọke rẹ awanre? O dia Mẹvwẹ, rẹ Ọrovwohwo na? Yẹ Ọghẹnẹ ọfa gbe herọ ba vwẹ-ẹ, Ọghẹnẹ rẹ ọvwata kugbe Osivwi, ọfa gbe herọ vrẹn vwẹ-ẹ

Daniẹl 6:20

Ọke ro rhi vwo sikẹre ẹmwa na ri Daniẹl epha, ọ da vwẹ urhuru rẹ uvwerhe kperi se Daniẹl E Daniẹl, ọdibo rẹ Ọghẹnẹ ro je ghwo na, kẹ Ọghẹnẹ wẹn ru wọ ga kọke kọke na se sivwi uwe nẹ abo rẹ Ikpohrokpo na?

Daniẹl 9:11

Izrẹl ejobi gbe urhi wẹn ku, ayen bi oma phihọ akakọ, ayen mu ọghọ kẹ urhuru wẹ-ẹn. Te ekan te iyori re duvwuru phihọ urhi ri Mosis odibo rẹ Ọghẹnẹ, keye rhi mu avwanre na, fikiridie avwanre ru umwemwu kpahọ.

Hosia 14:9

Ohwo kohwo rọ ghwanre e jọ riẹn imu nana; ohwo kohwo ro vwo iroro, e jo vughe ayen; Kidie idjerhe rẹ Ọrovwohwo hẹ ọsoso ohwo rọ dia ọsoso yan vwẹ evun rọye, ẹkẹvuọvo oruimwemwu she vwẹ evun rẹ ayen.

Maika 7:20

Wọ vwẹ evun esiri nẹ Jekọp ẹguọnọ esiri wẹn na kẹ Ebraham, kirobo wo ruru kẹ esẹ rẹ avwanre nẹ ọke awanre rhe.

Zẹfanaya 3:5

Ọrovwohwo rọ hẹ evun rọye na ọvwata o ruẹ, o ruẹ obo re chọrẹ-ẹ; kirhiọke kirhiọke o vwo dje ọsoso rọye phia, ọke rọ rhieri chọ obọ-ọ; ẹkẹvuọvo ohwo rọ dia ọsosọ-ọ riẹn omaẹvuọ-ọ.

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

Iyẹnrẹ Esiri ri Jọn 1:17

Kidie oma ri Mosis a wan kẹ avwanre urhi na; ẹserọphẹ vẹ uyota kẹ oma ri Jesu Kristi ọ wan rhe.

Urhi Rivẹ 31:30

Kẹsiẹye Mosis ke ta eta rẹ une nana bẹsiẹ ri vwo re, rẹ ukoko rẹ Izrẹl ejobi nyo.

Urhi Rivẹ 32:3

Kidie mi che ghwoghwo odẹ rẹ Ọrovwohwo. Vwẹ ọrho kẹ Ọghẹnẹ rẹ avwanre.

Urhi Rivẹ 34:5

Kọye rẹ Mosis rẹ odibo rẹ Ọrovwohwo de ghwu vwẹ oboyi vwẹ otọ ri Moab, kirobo rẹ ota rẹ Ọrovwohwo epha.

1 Timoti 1:17

Asakiephana vwọ kẹ ovie ri bẹdẹ, ro jeghwo, re jẹmrẹ, Ọghẹnẹ ọvuọvo kpoi, ọye a vwẹ ọghọ vẹ urinrin kẹ rhiri bẹdẹ. Isẹ.

Hibru 3:5

Asakiephana Mosis ghine dia ohwo rẹ uyota vwẹ uwevwi rẹ Ọghẹnẹ kerẹ odibo, rere e vwo se oseri kẹ obo ra cha ta ota kpahe vwobọ,

Joshua 22:5

Nabọ vwẹ oma kpotọ yọnre urhi ri Mosis odibo rẹ Ọrovwohwo na ji kẹ ovwan, re wa guọnọ Ọrovwohwo Ọghẹnẹ wẹn, re wa yan phihọ idjerhe rọye, re wa sẹro rẹ irhi rọye, rere we churu muo, rere wa vwẹ udu rẹ ovwan ejobi vwọ ga kugbe ẹnwẹ rẹ ovwan ejobi.

Ẹvwọphia 1:8

Mẹvwẹ hẹ Ẹsosuọ na kugbe Oba na, eriyin Ọrovwohwo Ọghẹnẹ na tare, ohwo rọ herọ vwẹ asakiephana rọ je herọ rhabae kugbe ọ rọ je cha rhe vwobọ, Ọrovwoẹgba na.

Ẹvwọphia 11:17

tanẹ, Avwanre vwẹ ẹkpẹvwẹ kẹ wẹ, Ọrovwohwo Ọghẹnẹ ọrovwoẹgba, rọ herọ rọ je herọ jovwo, wọ reyọ ogangan wẹ rode na re kẹ owẹ ri suẹn.

Ẹvwọphia 14:3

ayen da so une ọkpokpọ vwẹ obaro rẹ ekete na kugbe obaro rẹ eranvwe ekpokpọ ẹne na kugbe obaro rẹ ekpako na. Ohwo ọvuọvo riẹn une na-a jokpa rẹ uriori ujori kugbe ujughwrẹ gbẹ ẹne na ra tanhirhe nẹ evun rẹ akpọ na.

Ẹvwọphia 14:8

Amakashe ọfa, ọrivẹ, de nene, rọ tanẹ, Osheri, osheri, Babilọn rẹ orere rode na sheri, wẹ rọ vwẹ igberadja wẹn mu ẹgborho ejobi na.

Ẹvwọphia 17:14

ayen ke cha vwẹ ofovwi so Omogodẹ na, Omogodẹ na ko phi ayen kua, kidie ọye hẹ Ọrovwohwo ro vwo ihwo ejobi kugbe Ovie ro vwo ivie ejobi, ayen otu re vẹ ọye gba herọ ayen o seri rọ jẹreyọ ri segbuyota.

Ẹvwọphia 19:16

E de si odẹ tamu ewun rọye kugbe ekpoghowọ rọye, Ovie rẹ ivie kugbe Ọrovwohwo ro vwo ihwo.

Ẹvwọphia 19:2

Kidie orhiebro rọye uyota kugbe ọsoso; o brorhiẹ rẹ igberadja rode na rọ vwẹ ọfanrhiẹ rọye miovwi akpọ na, ọ da reihri rẹ ọbara rẹ idibo rọye vwẹ obọ rọye,

Ẹvwọphia 4:8

Ọvuọvo vwẹ eranvwe ekpokpọ ẹne na, de vwo ibekpe esan, e da vọn vẹ ibiẹro riariẹ ji kugbe obo evun, ayen vwo omaerovwo rẹ une ẹsuọ vwẹ ason kugbe uvo-o, tanẹ. Ẹfuọn, ẹfuọn, ẹfuọn, ọye hẹ Ọrovwohwo Ọghẹnẹ Ọrovwoẹgba, ohwo rọ herọ rhabae rọ je herọ vwẹ asakiephana rọ je cha dia bẹdẹ.