Ẹvwọphia 15:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Etiyin me da mrẹ obo re họhọ abadi rẹ ughegbe ra vwẹ erhanre gua kugbe, kugbe ihwo ri phi eranvwe na kparobọ na kugbe oma rọye kugbe unu rẹ odẹ rọye, ri mudia kẹrẹ abadi rẹ ughegbe na vẹ isorogun rẹ Ọghẹnẹ na vwẹ abọ rayen.

Ẹvwọphia 15:2 ပူးပေါင်းရင်းမြစ်များ

Matiu 3:11

Ame diodi rẹ ekuorhẹriẹ me vwọ kẹ ovwan na, ẹkẹvuọvo ọ rọ cha vwẹ obuko mẹ na, o gan nọ vwẹ, isabato rọye mi se te ohwo ro muo-o; ọye cha vwẹ Erhi Ọfuanfon vẹ erhanre vwọ họ ovwan.

1 Pita 1:7

rere obo rẹ esegbuyota rẹ ovwan dia uyota te, rọ ghare nọ oro, dede nẹ ọghwọrọ siẹ ra da vwẹ erhanre davwọ, ọ me rho phihọ vwọ kẹ ejiro kugbe urinrin kugbe ọghọ vwẹ ẹdẹ ra da cha vwi Jesu Kristi phia na.

1 Pita 4:12

Imoni, we jẹ ọdavwini rẹ odjadja rẹ erhanre ro bru ovwan rhe rhe davwe ovwan ni na gbe ovwan unu-u, kerẹsiẹ ra mrẹ nẹ emu ọkpokpọ re phia kẹ ovwan.

Ẹvwọphia 12:11

Ayen da vwẹ ọbara rẹ Omogodẹ na phio kparobọ kugbe ota rẹ iseri rayen, ayen se ẹnwẹn rayen gbe emuọvo-o ayen je davwerhọn rẹ ughwu-u.

Ẹvwọphia 13:1

Me da mrẹ eranvwe ọvo ro yoro nẹ evun rẹ abadi na cha, ọ vẹ ighoro ihwe kugbe iyovwi ighwrẹ, vẹ ibiekpẹn ihwe ri lo wrowro vwẹ enu rẹ ighoro rọye kugbe odẹ rẹ ophọphọvwe ra vwọ tamu iyovwi na.

Ẹvwọphia 13:14

vwẹ eka ra rhọvwe kẹ nẹ ọ ru vwẹ irharo rẹ eranvwe na, ọ da vwọ phiẹn ayen otu re dia akpọ na, ọ da ta kẹ ayen nẹ a kare oma rẹ eranvwe na ra vwẹ ọlọkọ nyavwe na yọ rhọvwe ghwu-u,

Ẹvwọphia 13:17

ọtiọye na ohwo ọvuọvo gbe sa dẹ eyẹ shẹ-ẹ jokpa nẹ o vwo oka na, kọye hẹ, odẹ rẹ eranvwe na eyẹ unu rẹ odẹ rọye.

Ẹvwọphia 21:18

Ibieragha ri lo wrowro a vwọ bọn igbẹhẹ na, yẹ evun rẹ orere na kẹ omamọ rẹ oro, wrowro kerẹ ughegbe.

Ẹvwọphia 4:6

abadi ọvo ro do ghroghro da hẹ obaro rẹ ekete na kerẹ abadi rẹ ughegbe rọ ro aro. Vwẹ abọ ọvuọvo rẹ ekete na, re riariẹ ekete na phihọ, eranvwe ekpokpọ ẹne herọ, re vọnre vẹ ibiẹro vwẹ obaro vẹ obuko.

Ẹvwọphia 5:8

Ọke rọ vwọ reyọ ọbe na nu eranvwe ekpokpọ ẹne na kugbe ekpako uje gbe ẹne na de she diguẹ vwẹ obaro rẹ Omogodẹ na, ọvuọvo yọnrọn isorogu, kugbe udjokpo rẹ oro rọ vọnre vẹ ugboduma, keye hẹ ẹrhovwo rẹ ihwo efuanfon na;