Ẹvwọphia 11:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Vwẹ ẹdẹ erha gbẹ ubro otu ri nẹ ihwo rhe kugbe orua kugbe ephẹrẹ kugbe ẹgborho ke tẹrovi irivwi rayen ayen ke sen nẹ e gbi shi aye-en,

Ẹvwọphia 11:9 ပူးပေါင်းရင်းမြစ်များ

1 Ivie 13:22

ẹkẹvuọvo wo de rhivwi, ra re emu ra da ame vwẹ asan rọ ta kẹ wẹ nẹ, Wọ ria emu-u, wọ da ame-e; e rhe che shi orivwi wẹn phihọ ushi rẹ esẹ wẹ-ẹn.

Aghwoghwo 6:3

Ọ da dianẹ ohwo vwiẹ emọ ujọri, rọ da dia akpọ ikpe buebu, rẹ ikpe rọye da dia buebu, ẹkẹvuọvo ọ gbe mrẹ avwerhe rẹ omamọ rẹ akpọ eyere-e, e gbi rhe sho omamọ rẹ esho-o, me tare nẹ ọmọ rẹ evwiẹ chọra yovwi nọ ohwo yena.

Aizaya 33:1

Ekan ke we, oghwọrọ na, kono ekpuyovwi wẹn je ẹghwọrọ; wẹ ohwo ogbarogba na, ohwo ve owe ji ru emu ogbarogha devo-o Ọke wọ da ghwọrọ ihwo nu, ekpuyovwi wẹn ka je ghwọrọ owe; ọke wo de ru ogbarogba ru wo se ru nure, ke ji nene uwe ru emu ogbarogba rhe.

Jerimaya 7:33

Irivwi rẹ ihwo nana ke cha dia emuọre kẹ emephran rẹ enu, ji kugbe eranvwe rẹ otọ na, ohwo ọvuọvo ro cha djẹ oshọ mu ayen gbe herọ-ọ.

Matiu 7:2

Kidie oghẹre rẹ orhiẹn ru we bru kẹ ihwo, ọye e ji bru kẹ ovwan. Uchunu wọ vwọ vwavwe kẹ ihwo, ọye a je vwọ vwavwe kẹ ovwan.

Ẹvwọphia 10:11

A da vuẹ vwẹ, Wọ cha rhoma mraro kpahe ihwo buebu kugbe ẹgborho kugbe ephẹrẹ kugbe ivie.

Ẹvwọphia 11:11

Ẹkẹvuọvo rẹ ẹdẹ erha gbe ubro na vwọ wan nu ẹnwẹn rẹ arhọ de nẹ obọ rẹ Ọghẹnẹ rhe ro ayen oma, ayen de vrẹn mudia, oshọ rode de rhi mu ayen otu re mrẹ ayen.

Ẹvwọphia 13:7

A je rhọvwe kẹ nẹ ọ họnre ihwo efuanfon na re o phi ayen kua. A kẹrẹ ogangan vwẹ enu rẹ orua korua kugbe ihwo kugbe ephẹrẹ kugbe ẹgborho,

Ẹvwọphia 17:15

Ọ da ta kẹ vwẹ, Ame na re wọ mrẹre na, vwẹ asan rẹ igberadja na tidia na, ayen hẹ ihwo kugbe urogho kugbe ẹgborho kugbe ephẹrẹ.

Ẹvwọphia 5:8

Ọke rọ vwọ reyọ ọbe na nu eranvwe ekpokpọ ẹne na kugbe ekpako uje gbe ẹne na de she diguẹ vwẹ obaro rẹ Omogodẹ na, ọvuọvo yọnrọn isorogu, kugbe udjokpo rẹ oro rọ vọnre vẹ ugboduma, keye hẹ ẹrhovwo rẹ ihwo efuanfon na;

Ẹvwọphia 5:9

ayen da so une ọkpokpọ, tanẹ, Wọwẹ hẹ ohwo ro fori rọ sa reyọ ọbe na ro de se rhie isiaphrẹ rọye, kidie e hwe we jovwo ọbara wẹn kọye wọ vwọ tan ihwo hirhe kẹ Ọghẹnẹ nẹ orua korua kugbe ephẹrẹ kugbe ihwo kugbe ẹgborho,