Ẹvwọphia 11:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Enana hẹ urhe rẹ ọliv ivẹ kugbe igburhukpẹ ivẹ ri mudia vwẹ obaro rẹ Ọrovwohwo ro vwo akpọ na.

Ẹvwọphia 11:4 ပူးပေါင်းရင်းမြစ်များ

1 Ivie 17:1

Asakiephana Ilaija ohwo ri Tish, vwi Gilead, da ta kẹ Ehab, kirobo rẹ Ọrovwohwo Ọghẹnẹ rẹ Izrẹl herọ na, ri mi mudia vwẹ obaro rọye na, asan mrẹ irho eyẹ osio vwẹ ikpe nana-a, jokpa nẹ ota mẹ.

Une rẹ Ejiro 52:8

Ẹkẹvuọvo me họhọ urhe rẹ oliv ọkpokpọ wọnwọnwọn vwe evun re uwevwi rẹ Ọghẹnẹ. Me vwẹ ẹro so ẹguọnọ rẹ Ọghẹnẹ ro jẹ rhẹriẹ bẹdẹ bẹdẹ.

Ẹyano 8:22

Ẹkẹvuọvo vwẹ ẹdẹ yena ki rni chẹ phi otọ ri Goshẹn phihọ akakọ, asan rẹ ihwo mẹ epha na, rere ekru iyẹn na Ọvuọvo vwo jẹ oboyi ete; rere wọ vwọ riẹn nẹ Mẹvwẹ Ọrovwohwo vwẹ uherevie rẹ akpọ na.

Aizaya 54:5

Kidie Oma rọ ma wẹ ọye ọshare wẹn, Ọrovwohwo rẹ otuofovwi na ọye odẹ rọye; Ọfuanfon Ọvuọvo rẹ Izrẹl na ọye Ọtan wẹn Ọghẹnẹ rẹ akpọ ejobi ọye e se.

Jerimaya 11:16

Ọrovwohwo se we dẹvure, Urhe rẹ oliv djidjidji, yoyovwi vẹ omamọ rẹ ibi, ẹkẹvuọvo ọ cha vwẹ edo rẹ ogiribo rode na vwo phi erhanre phihọ eghọn rọye ke torhẹ.

Maika 4:13

Vrẹn rere wo wuye, E Ọmọtẹ ri Zayọn, kidie mi che ru ighoro wẹn hirhe phihọ utehru ichihotọ wẹn kerẹ ẹrovwo; ku wo che hwe ihwo buebu vworovworo, ka cha vwẹ erere rayen ze kẹ Ọrovwohwo, efe rayen kẹ Ọrovwohwo ro vwo akpọ soso.

Iyẹnrẹ Esiri ri Luk 11:33

O vwo ohwo rọ vwẹ urhukpẹ rhu nu ro de phio phihọ eghogho eyẹ otọ rẹ ikuru-u, ẹkẹvuọvo enu rẹ ogburhukpẹ, rere otu re ro uwevwi na sa vwọ mrẹ orẹ.

Iyẹnrẹ Esiri ri Luk 21:36

Ẹkẹvuọvo rhẹrẹ vwẹ ọke ejobi, nẹ ẹrhovwo rere wo se vwo ogangan wọ vwọ vabọ rẹ imu nana ejobi re cha phia na, re wo vwo se mudia vwẹ obaro rẹ Ọmọ rẹ ohwo.

Ọbe ri Pọl si rhe Ihwo ri Rom 11:17

Ọ da dianẹ a nyavwe eghọn rẹ urhe na evo kufia, ra da vwẹ owẹ, oghọn rẹ urhe ọfa vwọ tamuo, rọ da vwẹ ame rẹ urhe rẹ ọliv na vwọ ghẹrẹ oma rọye,

Urhi Rivẹ 10:8

Ọke yena Ọrovwohwo vwọ hẹriẹ uvwiẹ ri Livae, ne ghwa ekpeti rẹ ọphọ rẹ Ọrovwohwo na, ri vwo mudia vwẹ obaro rẹ Ọrovwohwo vwo ru iruo kẹ, ji vwo jiri odẹ rọye, rhi te nonẹ na.

Ẹvwọphia 1:20

Vwọ kẹ igbunu rẹ isio ighwrẹ na ru wọ mrẹre vwẹ obọrhe mẹ na, kugbe igburhukpẹ rẹ oro ighwrẹ na, isio ighwrẹ na aye hẹ emakashe ighwrẹ rẹ ishọshi na kugbe igburhukpe ighwrẹ na kẹ eye hẹ ishọshi ighwrẹ na.