Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ẹvwọphia 11:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

3 Ke me vwẹ ogangan kẹ iseri mẹ ivẹ rere e mraro ẹdẹ uriori kugbe uri gbẹ ujorha, ye vwẹ emwa rẹ uvweri rhuo.

အခန်းကိုကြည့်ပါ။ ကော်ပီ




Ẹvwọphia 11:3
43 ပူးပေါင်းရင်းမြစ်များ  

Jekọp da bẹrẹ iwun rọye, ọ da vwẹ emwa rẹ uvweri rhuo, o de muomahọ kẹ ọmọ rọye ẹdẹ buebu.


Etiyin Devid da ta kẹ Joab kugbe ihwo re vọye gba herọ, Bẹrẹ emwa rẹ ovwan rere we ku esiso phihọ rere we muomahọ kẹ Abner. Devid de nene orivwi na.


Ọke rẹ Ehab vwo nyo eta nana ọ da bẹrẹ emwa rọye, ọ da vwẹ erharhimi rhuo chiri ewẹvwe ọ da vwẹ erharhimi phopho, kọ yan bubu.


Ọke rẹ Ovie Hẹzikaya vwo nyo iyẹnrẹn rẹ eta na nu, ọ da bẹrẹ emwa dje oma rọye, ọ da vwẹ isiso vwo phopho, ọ da yan kpo evun rẹ uwevwi rẹ Ọrovwohwo na.


Devid vwọ kpare ẹro kpenu ọ da mrẹ amakashe rẹ Ọrovwohwo ro mudia uherevie rẹ akpọ vẹ odjuvwu vẹ ọlọkọ rọ riẹn phihọ Jerusalẹm. Etiyin Devid vẹ ekpako na de ku esiso phihọ, ayen de she bọvwọ opharo rhuotọ.


Asakiephana vwẹ ẹdẹ uje gbẹ ẹne rẹ emeranvwe na ihwo re Izrẹl ejobi da rhe ghwẹ koko vẹ owẹvwe echiro vẹ emwa rẹ uvweri, vẹ ekpẹn ra ghwẹ kuhọ iyovwi rayen.


Mi ko esisio vwo rhuo oma mẹ, e bru ogangan mẹ phihọ iwurhie.


Ọke me da vwẹ esiso ru amwa vwo rhuo, mẹvwẹ e vwo bru oha


Vwẹ ẹdẹ yena Ọrovwohwo Ọghẹnẹ rẹ otuofovwi ko che se ihwo rhe viẹ rhi muomahọ, rhe wanre uyovwi korie rhe, vwẹ esiso rhuo,


Nighe, nonẹ na me vwẹ owẹ mu vwẹ enu rẹ ẹgborho kugbe enu rẹ ivie, wọ vwọ kọnre wọ je guọghọ te otọ, wọ vwọ ghwọrọ wo vwo phi kua, wọ vwọ bọn wọ je vwọ kọn.


Ekpako rẹ ọmọtẹ ri Zayọn tidia tẹ otọ fọ gbiei. Ayen tuẹ iwurhie ku iyovwi rayẹn, ayen da vwẹ isisio rhuo; Emetẹ ri Jerusalẹm gbe iyovwi rayen phihọ otọ.


Ọke wọ de ru enana gba nu, ku wo shevwerhẹ obọ rivẹ, ẹkẹvuọvo ke obọrhe wẹn, ku wọ ghwa oghwa rẹ uwevwi ri Juda, ẹdẹ ujuvẹ mi bru kẹ wẹ, ẹdẹ ọvo ẹgbukpe ọvo.


Ohwo na rọ vwẹ esada rhuo na rọ hẹ obenu rẹ ame rẹ urhie na, da kpare obọrhe rọye vẹ obọhwẹre rọye kpenu; Mi de nyo obo rọ vwẹ ọ rọ herọ bẹdẹ na vwo duvwu iyori, tanẹ ọ dia ọke ọvo, ọke ivẹ kugbe ubrọ rẹ ọke, vẹ ọke rẹ ẹguọghọ rẹ ogangan rẹ ihwo efuanfon na vwo te oba, eravwọ nana ejobi che ru gba.


Ọ cha ta ota rẹ ẹgua kpahe Ọ ro Me Kpenu na, ko che shenyẹ ihwo efuanfon rẹ Ọ ro Me Kpenu na, kọ cha jẹ iroro kpahẹ ewene rẹ ọke orẹ vẹ irhi na; ke che siobọ nẹ ayen vwọ kẹ usuo rọye vwẹ ẹgbukpe erha gbẹ ubro.


Ọ da ta kẹ, ovwọnvwọn vẹ irhiọke uriori ivẹ kugbe ujori erha; kẹsiẹye a ke cha rhoma ma ẹshẹ na phihọ ẹdia ro shephihọ kẹ.


Vwẹ esiso rhuo re wọ viẹ, E irherẹn na berọma, E otu ri gbe odibo vwẹ enu rẹ agbada na Ro uwevwi, vwẹ esiso rhuo shevwerhẹ. E otu ri gbe odibo kẹ Ọghẹnẹ mẹ! Fikiridie izobo rẹ ọka vẹ izobo rẹ udi e si ayen nẹ uwevwi rẹ Ọghẹnẹ wẹn re.


Ihwo ri Ninivẹ de se Ọghẹnẹ gbuyota; ayen de ghwoghwo ewẹvwe e chiro, ayen da vwẹ isiso rhuo; nẹ ohwo rọ marho vwẹ ohri rayen re te omotete rẹ ayen.


ẹkẹvuọvo e jẹn ohwo eyẹ eranvwe vwẹ esiso rhuo re jẹn ayen viẹ hwe Ọghẹnẹ gangan; e, e jẹn ohwo kohwo siobọ nẹ uvun umwemwu rọye re o ji siobọ nẹ ozighi egbe ejobi.


Asakiephana eshare ivẹ de chekọ vwẹ evun rẹ erhọn na, e se ọvo Eldad, ọ ro chekọ e se Medad, erhi na da ro eshare na ivẹ oma, ayen ji usun rẹ ihwo re si phihọ otọ jovwo, ẹkẹvuọvo ọ je guakẹ ayen yan nẹ asan utughẹ na-a, vwẹ ọtiọye na ayen da mraro vwẹ evun rẹ erhọn na.


Iraghwo korazini Iraghwo Betsaida kidie e ru iruo ride nana vwi Taya vi Sidọn, re ruru vwẹ evun rẹ ovwan na, mane ayen kurhẹriẹ rhabae, rẹ ayen de bru oma vwọ iwurhie.


Ẹkẹvuọvo o gbi nyo-o, reyọ ihwo ivẹ efa boma, kidie iseri rẹ amwarha re ma sẹ.


Ekan kẹ wẹ, Korazin! ekan kẹ wẹ, Bẹtsaidai Ọ dianẹ iruo ride nana re ru vwẹ evun wẹ na ke ru ayen vwi Taya vi Saidọn, manẹ ayen kurhẹriẹ rhabae, rẹ ayen de rhuo esiso bru oma phihọ iwurhie.


Ovwan je hẹ Iseri rhe, fikiridie ovwan vẹ ovwẹ gba herọ notọrhe.


Jọn da kpahe, Ohwo sa reyọ emuọvo jokpa nẹ a vwe rọ kẹ nẹ odjuvwu rhe.


Ẹkẹvuọvo ovwan che vwo ẹgba siẹ rẹ Ẹrhi Ọfuanfon na de bru ovwan rhe nu; ovwan ke cha dia iseri mẹ vwi Jerusalẹm, vwi Judia, vẹ Sameria, rhiri re te oba rẹ akpọ na.


Vwẹ ẹdẹ buebu vwọ wan nu o da vwẹ oma phia kẹ otu ri nẹ Galili bro rhe Jerusalẹm, asakiephana keye ri se oseri rọye kẹ ihwo na.


Jesu nana ọye Ọghẹnẹ kpare vrẹn, avwanre ejobi nana iseri kẹ.


Ovwan de hwe ọ ro vwo arhọ, ohwo rẹ Ọghẹnẹ kpare vrẹn nẹ ughwu na. Ọna avwanre hẹ iseri rọye na.


Ẹsosuọ Ọghẹnẹ da vwẹ iyinkọn mu vwẹ evun rẹ ishọshi rọye, ọrivẹ emraro, ọrerha iyono, o ki te iruiruo rẹ igbunu, o ki te isivwi ihwo, ichuko, isun isuesun ihwo re je ephẹrẹ sansan.


Ọnana obọ rerha ri mi vwo bru ovwan cha na. Tavwe rẹ urhi ki mu ohwo a me mrẹ iseri ivẹ eyẹ erha ri se muo.


Okẹ rọye ke rha vwẹ ọna nẹ otu evo dia iyinkọn, evo emraro, evo aghwoghwo, evun osun vẹ iyono.


Unu rẹ iseri ivẹ eye iseri erha ọye e vwo hwe ọ ro che ghwu na a vwẹ unu rẹ oseri ọvo hwe ohwo-o.


A sa vwẹ unu rẹ iseri ọvuọvo kpoghono brorhiẹ hwe ohwo rọ chọ urhi, eyẹ ọ rẹ emu cho obọ-ọ jokpa rẹ iseri rẹ ihwo ivẹ eyẹ erha, a ke mrẹ uyota na vughe.


ji nẹ obọ ri Jesu Kristi oseri rẹ uyota na, ọmọkpako ro ke ghwu varhe, kugbe osun rẹ ivie rẹ akpọ na. Ọye hẹ ohwo rọ guọnọ avwanre ọ da vwẹ ọbara rọye tan avwanre nẹ imwemwu rẹ avwanre


ẹkẹvuọvo wọ vwavwe ọguan rọ hẹ obo otafe rẹ uwevwi rẹ ẹga na-a, yan jovwo, kidie e siobọ no kẹ ẹgborho na, ayen ki chiyi orere ọfuanfon na muotọ emeranvwe ujuvẹ gbẹ ivẹ.


Ayen vwo ogangan ra vwọ kanre obenu na gbe, rere osio vwo jẹ rhọ vwẹ ẹdẹ rẹ aroẹmrẹ rayen, ayen ji vwo ogangan ra vwọ rhẹriẹ ame phihọ ọbara, rẹ ayen vwọ vwẹ ọtiekọ kọtiekọ hwe akpọ na, phẹrephẹre kirobo rẹ ayen guọnọre.


aye na da djẹ ro aghwa, kpo asan rẹ Ọghẹnẹ rhuẹrẹ vwọ hẹ otọ kẹ, kẹ etiyin a da ghẹrẹ vwẹ ẹdẹ uriori kugbe uri kugbe ujorha.


A da vwẹ unu kẹ rere ọ vwọ ta eta ebrabra kugbe eta rẹ ophọphọvwe, a da rhọvwe kẹ nẹ o vwo ogangan nana emeranvwe ujuvẹ gbẹ ivẹ;


Etiyin mi de she diguẹ vwẹ asan awọ rọye me da gọ, ẹkẹvuọvo ọ da ta kẹ vwẹ, Wo ruẹ ọyena-a! Mẹvwẹ je hẹ odibo kugbe omoni kirobo wọ epha rọ yọnrọn iseri ri Jesu. Gọ Ọghẹnẹ. Kidie iseri ri Jesu vwenẹ ọye hẹ ohwo ro vwo erhi rẹ aroẹmrẹ.


Etiyin me da mrẹ ekete buebu, ayen de tidia ekete na, kẹ etiyin ayen otu ra vwẹ ẹdjọeguo kẹ na de guẹ. Me da mrẹ irhi rẹ ihwo buebu re bru ohọre fiki rẹ iseri rayen kpahe Jesu kugbe ota rẹ Ọghẹnẹ, kugbe ihwo ri jẹ eranvwe na kugbe oma rọye ẹga, re ka oka rọye phihọ arhare-e eyẹ obọ raye-en. Ayen da va rhe, ayen vi Kristi da re ikpe uriori.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ